Заклік з’яўляецца пачаткам штодзённай літургічнай малітвы. Ён папярэднічае Гадзіне чытанняў або Ютрані, у залежнасці ад таго, якая з гэтых літургічных гадзінаў распачынае малітву дня.

К. Пане, адкрый мае вусны.
Н. І вусны мае будуць абвяшчаць Тваю хвалу.

Ант. Пану належыць зямля і ўсё, што на ёй; / прыйдзіце, паклонімся Яму.

Псальм 24 (23)
Пан уваходзіць у святыню

Брамы нябёсаў адчыніліся для Хрыста дзеля ўзвышэння Яго чалавечай натуры (св. Ірэнэй) 

Пану належыць зямля і ўсё, што на ёй, *
сусвет і ўсё, што жыве ў ім.

Бо Ён заснаваў яго на морах *
і на рэках умацаваў яго.

Ант. Пану належыць зямля і ўсё, што на ёй; / прыйдзіце, паклонімся Яму.

Хто ўзыдзе на гару Пана, *
і хто стане на святым месцы Ягоным?

Той, у каго рукі бязвінныя і чыстае сэрца, †
хто не схіляў душы да марнасці *
і не прысягаў фальшыва.

Ант. Пану належыць зямля і ўсё, што на ёй; / прыйдзіце, паклонімся Яму.

Ён атрымае благаслаўленне ад Пана *
і ўзнагароду – ад Бога, свайго Збаўцы.

Вось пакаленне тых, хто Яго шукае, *
хто шукае аблічча Твайго, Бог Якуба.

Ант. Пану належыць зямля і ўсё, што на ёй; / прыйдзіце, паклонімся Яму.

Падыміце вярхі вашыя, брамы, †
узніміцеся, адвечныя вароты, *
каб увайшоў Кароль славы.

Хто ж гэты Кароль славы? †
Пан, моцны і магутны, *
Пан, магутны ў барацьбе.

Ант. Пану належыць зямля і ўсё, што на ёй; / прыйдзіце, паклонімся Яму.

Падыміце вярхі вашыя, брамы, †
узніміцеся, адвечныя вароты, *
каб увайшоў Кароль славы.

Хто Ён, гэты Кароль славы? *
Пан Магуццяў, Ён Кароль славы.

Ант. Пану належыць зямля і ўсё, што на ёй; / прыйдзіце, паклонімся Яму.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн. 

Ант. Пану належыць зямля і ўсё, што на ёй; / прыйдзіце, паклонімся Яму.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

О Стварыцель поўны славы,
Вернікам Ты ўдзяляеш
Духа сямікратнай ласкі,
Будзь прыстанішчам пакорных.

Цела Ты пазбаў нямоцы,
Ад згаршэння ратуй розум,
Знішчы зерне зла і грэху,
З сэрца выгані нам смутак.

Адары добрым натхненнем,
Памажы ў служэнні людзям,
Выслухай малітвы нашы,
Адары жыццём нас вечным.

Межаю спраў чалавека
Сёння сталі сем дзён тыдня.
Калі ж восьмы дзень настане,
Будзе судным днём ад Пана.

Нас тады, о Адкупіцель,
Не адкінь у сваім гневе.
Вызлі нас ад прысуду,
Па сваёй пастаў правіцы.

А калі, найлепшы Пане,
Споўніш просьбы свайго люду,
Хай пашана Табе будзе
Божа ў Тройцы ўсемагутнай. Амэн.

ПСАЛЬМОДЫЯ

1 ант. Няхай славяць Пана за Яго міласэрнасць, * за цуды Ягоныя для сыноў чалавечых.

Псальм 107 (106)
Падзяка за вызваленне

Бог паслаў сваё слова сынам Ізраэля, абвяшчаючы спакой праз Езуса Хрыста (Дз 10, 36)

І (1-16)

Хваліце Пана, бо Ён добры, *
бо навекі Яго міласэрнасць.

Няхай так кажуць адкупленыя Панам, *
тыя, каго ўратаваў Ён ад варожых рук

і сабраў з зямель ад усходу і захаду, *
ад поўначы і поўдня.

Яны блукалі ў пустыні бязлюднай *
і не знаходзілі шляху да населенага горада;

цярпелі голад і смагу, *
і млела іхняя душа.

Але паклікалі Пана ў нядолі сваёй, – *
і Ён уратаваў іх ад нягодаў,

і павёў іх простаю дарогай, *
каб яны дайшлі да населенага горада.

Няхай славяць Пана за Яго міласэрнасць, *
за цуды Ягоныя для сыноў чалавечых,

бо Ён насыціў душу галоднага *
і душу сасмяглую дабром напоўніў.

Яны сядзелі ў змроку і смяротным цені, *
скаваныя нядоляй і жалезам,

бо ўзбунтаваліся супраць Божага слова *
і адкінулі раду Найвышэйшага.

Ён скарыў цярпеннямі іх сэрцы, *
яны ўпалі, і не было каму ім дапамагчы.

Паклікалі Пана ў нядолі сваёй, – *
і Ён уратаваў іх ад нягодаў.

Вывеў іх са змроку і са смяротнага ценю *
і разарваў іхнія кайданы.

Няхай славяць Пана за Яго міласэрнасць, *
за цуды Ягоныя для сыноў чалавечых,

бо Ён выламаў медныя дзверы *
і скрышыў жалезныя засовы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Няхай славяць Пана за Яго міласэрнасць, * за цуды Ягоныя для сыноў чалавечых.

2 ант. Яны бачылі справы Божыя * і цуды Ягоныя.

ІІ (17-32)

Неразумныя пакутавалі †
з­за беззаконнага шляху свайго *
і зведалі нядолю за свае злачынствы.

Усякая ежа выклікала ў іх агіду, *
яны былі блізкія да брамаў смерці.

Але паклікалі Пана ў нядолі сваёй, – *
і Ён уратаваў іх ад уціску.

Паслаў слова сваё і аздаравіў іх, *
захаваў іх ад магілы.

Няхай славяць Пана за Яго міласэрнасць, *
за цуды Ягоныя для сыноў чалавечых.

Няхай прыносяць ахвяры падзякі, *
няхай радасна апавядаюць пра Яго справы.

Хто выпраўляецца на караблях у мора, *
каб весці справы на вялікіх водах,

тыя бачылі справы Пана *
і цуды Яго ў глыбінях.

Ён прамовіў – і ўзняўся імклівы вецер, *
што ўздымае хвалі.

Узносіліся яны пад неба, падалі ў бездань, *
іх душа млела ў няшчасцях.

Яны хісталіся і блукалі, нібы п’яныя, *
і знікла ўся іхняя мудрасць.

Але паклікалі Пана ў нядолі сваёй, – *
і Ён вызваліў іх ад бедства.

Ён ператварыў буру ў цішу *
і супакоіў хвалі.

І весяляцца, бо яны сціхлі, *
а Ён прывёў іх да жаданага порту.

Няхай славяць Пана за Яго міласэрнасць, *
за цуды Ягоныя для сыноў чалавечых.

Няхай узвялічваюць на сходзе народу, *
і на сходзе старэйшын няхай праслаўляюць Яго.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Яны бачылі справы Божыя * і цуды Ягоныя.

3 ант. Справядлівыя бачаць і радуюцца, * і разумеюць міласэрнасць Пана.

ІІІ (33-43)

Ён ператварыў рэкі ў пустыню, *
а крыніцы вады – у сушу,

ураджайную зямлю – у саланчак *
з­за грахоў яе жыхароў.

Ён ператварыў пустыню ў возера, *
а сухую зямлю – у крыніцу вады.

Пасяліў там галодных *
і заснаваў горад для жылля.

Яны засеялі палі і пасадзілі вінаграднікі, *
што прыносілі багаты ўраджай.

Ён іх благаславіў, – і яны вельмі памножыліся, *
і не змяншалася колькасць іх жывёлы.

Пасля іх стала мала і яны ўпалі *
пад цяжарам зла і гора.

Аднак той, хто праліў сорам на вяльможаў *
і кінуў іх блукаць па пустынным бездарожжы,

падняў з нядолі беднага *
і памножыў, быццам статак, яго нашчадкаў.

Справядлівыя бачаць гэта і радуюцца, *
а ўсякая несправядлівасць замыкае свае вусны.

Хто мудры, няхай гэта заўважыць *
і зразумее міласэрнасць Пана.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Справядлівыя бачаць і радуюцца, * і разумеюць міласэрнасць Пана.

К. Твая праўда, Пане, аж да нябёсаў.
Н. А Твае пастановы неспасцігальныя.

Першае чытанне

Першая кніга Макабэяў 9, 1-22

Смерць Юды ў барацьбе

Калі Дыметрый пачуў, што ў бітве загінуў Ніканор і яго войска, зноў паслаў Бакхіда і Алкіма другі раз у зямлю Юды, а з ім правае крыло войска. Яны вырушылі ў дарогу да Галілеі і разбілі лагер каля Месалота ў Арбэлі, захапілі яго і пазабівалі шмат людзей. У першы месяц сто пяцьдзясят другога года разбілі лагер каля Ерузалема, пасля адступілі і з дваццаццю тысячамі пешых ды з дваццацітысячнай конніцай вырушылі ў Бэрэю. Юда ж стаяў лагерам у Эласе. Тры тысячы выбраных мужчын былі з ім. Калі яны ўбачылі шматлікае войска, моцна спалохаліся, і многія збеглі з лагера. Засталося з іх не больш за васемсот мужчын. Калі Юда ўбачыў, што ягонае войска разбеглася, а бітва была непазбежнай, устрывожылася яго сэрца, бо ён не меў часу сабраць іх, таму ён сказаў тым, што засталіся: «Устанем і вырушым на нашых ворагаў; а можа здолеем перамагчы іх». Яны ж адгаворвалі яго, кажучы: «Напэўна не зможам. Давайце лепш ратаваць сваё жыццё. Пасля вернемся з нашымі братамі і будзем змагацца з імі, бо цяпер нас мала». А Юда адказаў: «Не будзе таго, каб мы ўцякалі ад іх. Калі прыйшоў наш час, памром з мужнасцю за нашых братоў і не будзем пляміць нашай славы». 

І выйшла войска з лагера, і спынілася насупраць іх. Конніца падзялілася на два атрады, а наперадзе войска ішлі прашчнікі і лучнікі, а таксама ўсе самыя адважныя і моцныя. Бакхід быў на правым крыле. Фаланга набліжалася з абодвух бакоў пад гучанне трубаў. Таксама тыя, хто быў з Юдай, затрубілі ў трубы. Зямля задрыжэла ад гулу ваенных атрадаў. Распачалася бітва, якая трывала зраніцы да вечара.

Юда ўбачыў, што Бакхід і цэнтр войска знаходзіцца справа. Усе мужныя сэрцам далучыліся да яго і разбілі правае крыло ворага. Яны гналі іх аж да гары Азот. Калі тыя, што былі на левым крыле, убачылі, што правае крыло разбіта, то кінуліся ўслед за Юдам і тымі, хто быў з ім. Завязалася цяжкая бітва, палегла шмат забітых, як адных, так і другіх. Загінуў таксама Юда, іншыя паўцякалі. 

Янатан і Сімяон забралі Юду, свайго брата, і пахавалі яго ў грабніцы сваіх продкаў у Мадзіне. Аплаквалі яго, а ўвесь Ізраэль моцна галасіў па ім. Шмат дзён трывалі ў жалобе і казалі: «Як мог загінуць асілак, які вызваліў Ізраэль?» Многае з таго, што ўчыніў Юда: бітвы, гераічныя ўчынкі і яго велічныя справы не былі запісаныя, бо іх было вельмі шмат. 

Рэспансорый пар. 1 Мак 4, 8b. 9а. 10а. 9

Н. Не бойцеся нашэсця ворагаў; згадайце, як уратаваліся нашыя продкі. * Цяпер будзем усклікаць да неба, і наш Бог змілуецца над намі.

К. Прыгадайце, які цуд Ён учыніў з фараонам і ягоным войскам у Чырвоным моры. Н. Цяпер.

Другое чытанне

Трактат «Пра добрую смерць» св. Амброзія, біскупа

(Cap. 3, 9; 4, 15: CSEL 32, 710. 716-717)

Мы заўсёды носім у сабе кананне Езуса

Апостал кажа: «Свет укрыжаваны для мяне, а я – для свету» (Гал 6, 14). Затым, жадаючы павучыць нас, што ў зямным жыцці існуе такая смерць, якая сапраўды з’яўляецца добрай смерцю, заахвочвае нас, каб мы «насілі ў целе сваім кананне Езуса: бо хто носіць у сабе кананне Езуса, той і жыццё Пана Есуса будзе мець у сваім целе» (пар. 2 Кар 4, 10-11).

Таму няхай дзейнічае ў нас кананне, каб было ў нас таксама і жыццё. Гэта шчаслівае жыццё пасля смерці, шчаслівае пасля перамогі, шчаслівае пасля заканчэння барацьбы, калі ўжо закон цела не будзе супраціўляцца закону духа, калі не будзе ўжо ў нашым смяротным целе барацьбы, але толькі перамога. І не магу сказаць, ці гэтая смерць не мацнейшая за жыццё. Мяне пераконвае аўтарытэт Апостала, які кажа: «Смерць дзейнічае ў нас, а жыццё – у вас» (2 Кар 4, 12). Як жа многім народам смерць аднаго прыносіць жыццё! Таму Апостал вучыць, што тут на зямлі нам трэба жадаць такой смерці, каб смерць Хрыста заяснела ў нашым целе. Гэта шчаслівая смерць. Дзякуючы ёй «знешні наш чалавек тлее, духоўны з дня ў дзень аднаўляецца» (2 Кар 4, 16), а «зямны дом нашага жылля развальваецца» (пар. 2 Кар 5, 1), каб было для нас адкрыта жыллё ў небе.

У нейкай ступені памірае той, хто адкрываецца ад схільнасцяў цела і вызваляецца з путаў, пра якія кажа табе Пан праз Ісаю: «Разарваць кайданы беззаконня, развязаць путы няволі, адпусціць на свабоду прыгнечаных і разбіць усялякае ярмо» (Іс 58, 6).

Пан прыняў на сябе смерць, каб спыніць грэх; і каб у выніку смерці не была знішчана натура, удзяліў дар уваскрашэння. Так праз смерць быў выгнаны грэх, а праз уваскрашэнне была ўратавана натура.

Такім чынам смерць з’яўляецца пераходам, які сустрэне кожнага. Неабходна, каб мы няспынна здзяйснялі пераход: ад тленнасці да нятленнасці, ад смерці да несмяротнасці, ад неспакою да адпачынку. Няхай не пужае цябе імя смерці, але радуюць дабрадзействы шчаслівага пераходу. Чым жа з’яўляецца смерць, калі не пахаваннем заганаў і ўваскрашэннем цнотаў? Таму хтосьці сказаў: «Няхай мая душа памрэ смерцю справядлівых». Гэта значыць, няхай будзе пахаваная дзеля пазбаўлення заганаў, каб атрымала ласку справядлівых, якія няспынна носяць у сваёй душы і целе кананне Хрыста.

 

Рэспансорый 2 Цім 2, 11-12а; Сір 1, 29

Н. Сапраўды, калі мы разам з Ім памерлі, то з Ім і ажывём; * калі церпім, то разам з Ім валадарыць будзем.

К. Той, хто церпіць, церпіць да часу, але пасля для яго заквітнее радасць. Н. Калі церпім.

МАЛІТВА

Усемагутны і міласэрны Божа, па Тваёй волі верныя Твае годна Табе служаць, пакорна Цябе просім, дай нам сілы пераадольваць перашкоды і імкнуцца да абяцанага збаўлення. Праз Пана нашага Езуса Хрыста, Твайго Сына, якi з Табою жыве i валадарыць у еднасцi Духа Святога, Бог, праз усе вякi вечныя. Амэн.

Потым, прынамсі пры супольнай цэлебрацыі, дадаецца акламацыя:

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Заранка залаціць нябёсы,
І дзень ужо яснее новы.
Праменіць бляскам сваім сонца,
Няхай адыдуць прэч спакусы.

Няхай знікаюць цені ночы,
І грэх, што над душой цяжарыць.
І зло, што валадарыць цемрай,
Няхай сыходзіць у прадонне.

Няхай святло жыццё асветліць,
І ранак, можа ўжо астатні,
Няхай жадані нашы споўніць,
Што змешчаны ў гэтай песні.

Праславім мы Айца і Сына,
І Духа, Даўцу суцяшэння.
Няхай жа будзе слава вечна
Богу у Тройцы спрадвечнай. Амэн.

ПСАЛЬМОДЫЯ

1 ант. Пане, ты блізка, * і ўсе Твае шляхі – праўда.

Псальм 119 (118), 145-152
ХІХ (Коф)

Ад усяго сэрца клічу, выслухай мяне, Пане, – *
і буду выконваць Твае загады.

Клічу Цябе, уратуй мяне, – *
і буду захоўваць Твае сведчанні.

На світанні крычу, *
спадзяюся на Тваё слова.

Мае вочы апярэджваюць начную варту, *
каб разважаць над Тваім словам.

Пачуй, Пане, мой голас у міласэрнасці сваёй, *
паводле прысудаў Тваіх дай мне жыццё.

Набліжаюцца падступныя ганіцелі, *
яны аддаліліся ад закону Твайго.

Пане, Ты блізка, *
і ўсе Твае запаведзі – праўда.

Я ад пачатку ведаю пра Твае сведчанні, *
што Ты ўстанавіў іх навекі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Пане, ты блізка, * і ўсе Твае шляхі – праўда.

2 ант. Няхай Твая мудрасць будзе са мною, Пане, * і са мной працуе.

Песня (Мдр 9, 1-6. 9-11)
Божа, дай мне мудрасць

Я дам вам мову і мудрасць, якой не здолеюць супрацьстаяць ... праціўнікі вашыя (Лк 21, 15)

Божа айцоў маіх і Пане міласэрны, *
Ты ўсё зрабіў сваім словам

і мудрасцю сваёй стварыў чалавека, †
каб ён панаваў над стварэннямі, *
якім Ты даў існаванне;

каб уладкоўваў свет у святасці і справядлівасці *
і вяршыў правасуддзе ў праведнасці сэрца.

Дай мне мудрасць, †
што сядзіць пры Тваім троне, *
і не выключай мяне з ліку сваіх слугаў;

бо я Твой слуга і сын Тваёй слугі, †
нядужы чалавек з кароткім векам, *
занадта мізэрны, каб спазнаць правасуддзе і законы.

Калі нават хтосьці з людзей дасканалы, †
яго будуць, аднак, лічыць нічога не вартым *
без мудрасці, што паходзіць ад Цябе.

Разам з Табой – Твая мудрасць, *
якая ведае справы Твае,

якая дапамагала Табе пры стварэнні свету †
і ведала, што падабаецца Тваім вачам *
і што слушнае паводле Тваіх наказаў.

Пашлі яе з Тваіх святых нябёсаў *
і з сядзібы велічы Тваёй,

каб яна была са мною і са мною працавала, *
а я даведаўся, што Табе люба.

Бо яна ўсё ведае і разумее, †
і разважна пакіруе мной у маіх справах, *
і будзе сцерагчы мяне сваёю славай.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Няхай Твая мудрасць будзе са мною, Пане, * і са мной працуе.

3 ант. Вернасць Пана * трывае навекі.

Псальм 117 (116)
Хвала міласэрнаму Богу

Я кажу… язычнікі шануюць Цябе за міласэрнасць (пар. Рым 15, 8. 9)

Хваліце Пана, усе народы, *
праслаўляйце Яго, усе плямёны.

Бо вялікая над намі Яго міласэрнасць, *
і вернасць Ягоная трывае навекі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Вернасць Пана * трывае навекі.

КАРОТКАЕ ЧЫТАННЕ Флп 2, 14-15
Усё рабіце без нараканняў і сумненняў, каб вы сталі бездакорнымі, бязвіннымі і беззаганнымі дзецьмі Божымі сярод ілжывага і падступнага пакалення, у якім вы ззяеце, як светачы ў свеце.

КАРОТКІ РЭСПАНСОРЫЙ
К. Я сказаў Табе, Пане, * Ты прыстанішча маё.
Н. Я сказаў Табе, Пане, * Ты прыстанішча маё.
К. Мой лёс на зямлі жывых.
Н. Ты прыстанішча маё.
К. Хвала Айцу і Сыну, і Духу Святому.
Н. Я сказаў Табе, Пане, * Ты прыстанішча маё.

ПЕСНЯ З ЕВАНГЕЛЛЯ

Ант. да песні Захарыі: Асвяці, Пане, тых, * хто сядзіць у цемры і ў цені смяротным.

Песня Захарыі (Лк 1, 68-79)
Месія і Яго папярэднік

Благаслаўлёны Пан, Бог Ізраэля, *
бо наведаў і адкупіў народ свой,

і ўзняў моц збаўлення для нас *
у доме Давіда, слугі свайго.

Як абвясціў спрадвеку *
вуснамі сваіх святых прарокаў,

што збавіць нас ад ворагаў нашых *
і ад рук усіх, хто нас ненавідзіць.

Каб праявіць міласэрнасць да айцоў нашых *
і нагадаць пра святы запавет свой.

Прысягу, якую даў Абрагаму, айцу нашаму, *
дасць нам.

Каб, выбаўленыя з рук ворагаў, *
мы без страху служылі Яму

ў святасці і справядлівасці перад Ім *
ва ўсе дні нашыя.

А ты, дзіцятка, прарокам Найвышэйшага будзеш названа, *
бо пойдзеш прад абліччам Пана падрыхтаваць шляхі Яму,

каб даць народу Ягонаму пазнаць збаўленне *
праз адпушчэнне яго грахоў,

дзякуючы сардэчнай міласэрнасці нашага Бога,*
у якой наведаў нас Усход з вышыні;

каб асвятліць тых, *
хто сядзіць у цемры і ў цені смяротным;

каб накіраваць ногі нашыя *
на шлях спакою.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Захарыі: Асвяці, Пане, тых, * хто сядзіць у цемры і ў цені смяротным.

ПРОСЬБЫ

Бога, які пажадаў узвялічыць Марыю, Маці Хрыста, вышэй за ўсе нябесныя і зямныя стварэнні, з надзеяй просім:
Пане, глянь на Маці Твайго Сына і пачуй нас.

Дзякуем Табе, міласэрны Ойча, які даў нам Марыю як Маці і прыклад,
– асвяці нас праз Яе заступніцтва.

Ты ўчыніў, што Марыя слухала Тваё слова і была Тваёй вернай слугою,
– праз Яе заступніцтва ўдзялі нам плады Духа Святога.

Ты падтрымаў Марыю, якая стаяла пад крыжам Твайго Сына, і напоўніў Яе радасцю Яго ўваскрасення,
– праз Яе заступніцтва дай нам сілы ў выпрабаваннях і ўмацуй нашую надзею.

Ойча наш.

МАЛІТВА

Божа, пачатак і крыніца нашага збаўлення, учыні ўсё нашае жыццё песняй Тваёй хвалы, каб мы і ў небе маглі няспынна славіць Цябе. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Цяпер мы заклікаем Духа,
Адзінага з Айцом і Сынам:
Прыйдзі і жыватворнай ласкай
Напоўні шчодра нашы сэрцы.

Пачуцці, вусны, розум, воля
Няхай абвесцяць Тваю славу.
Любоў няхай агнём палае,
А жар яе – абудзіць бліжніх.

Дай праз Цябе пазнаць Айца нам
І Сына, што з Яго паходзіць,
Каб шчырай верай вызнавалі,
Што Ты адзіны ў Святой Тройцы. Амэн.

ПСАЛЬМОДЫЯ

1 ант. Заступіся, Пане, за слугу свайго * дзеля яго дабра.

Псальм 119 (118), 121-128
ХVІ (Аін)

Я выконваю права і справядлівасць, *
не пакідай мяне ганіцелям маім.

Заступіся за слугу свайго дзеля яго дабра, *
каб не прыгняталі мяне ганарыстыя.

Слабнуць вочы мае, шукаючы Твайго збаўлення *
і словаў справядлівасці Тваёй.

Учыні са сваім слугой паводле Тваёй ласкавасці *
і навучы мяне сваім пастановам.

Я слуга Твой, навучы мяне, – *
і я пазнаю сведчанні Твае.

Настаў для Пана час дзейнічаць: *
парушаны Твой закон.

Таму я люблю Твае запаведзі *
больш за золата, за золата чыстае.

Таму кіруюся ўсімі загадамі Тваімі *
і ненавіджу кожны шлях ілжывы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Заступіся, Пане, за слугу свайго * дзеля яго дабра.

2 ант. Гляньце на Пана * і прасвятліцеся.

Псальм 34 (33)
Пан – ратунак справядлівага

Вы пакаштавалі, які добры ёсць Пан (1 П 2, 3)

І (2-11)

Благаслаўляць буду Пана ва ўсе часы, *
хвала Яго заўсёды на маіх вуснах.

Панам будзе ганарыцца душа мая, *
няхай чуюць гэта пакорныя і няхай весяляцца.

Узвялічвай Пана са мной, *
будзем узвышаць імя Яго разам.

Я шукаў Пана, – і Ён пачуў мяне, *
і ад усіх пагрозаў вызваліў мяне.

Гляньце на Яго і прасвятліцеся, *
і твары вашыя не спазнаюць сораму.

Вось няшчасны паклікаў, – і Пан яго выслухаў, *
і ўратаваў яго ад усіх ягоных бедаў.

Анёл Пана аберагае тых, хто Яго баіцца, *
і вызваляе іх.

Пакаштуйце і ўбачце, які добры ёсць Пан; *
шчаслівы чалавек, які на Яго спадзяецца.

Бойцеся Пана, Ягоныя святыя, *
бо той, хто баіцца Яго, не мае нястачы ні ў чым.

Дзікія звяры церпяць нястачу і голад, *
а тым, хто шукае Пана, не будзе неставаць ніякага дабра.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Гляньце на Пана * і прасвятліцеся.

3 ант. Блізкі Пан да тых, * чыё сэрца змучана.

ІІ (12-23)

Прыйдзіце, сыны, паслухайце мяне: *
навучу вас боязі Пана.

Хто той чалавек, які ўпадабаў жыццё *
і любіць доўгія дні, каб бачыць дабро?

Сцеражы язык свой ад злога *
і вусны свае ад словаў падступных.

Адвярніся ад зла і рабі дабро, *
шукай спакою і трымайся яго.

Вочы Пана звернуты на справядлівых, *
і вушы Яго – на іх крык.

Аблічча Пана супраць тых, хто чыніць зло, *
каб памяць пра іх сцерці з зямлі.

Яны клічуць, – і Пан чуе, *
і ад усіх бедаў іх выбаўляе.

Блізкі Пан да тых, чыё сэрца змучана, *
і зламаных духам Ён збаўляе.

Шмат няшчасцяў у праведнага, *
але ад усіх яго ратуе Пан.

Ён сцеражэ ўсе ягоныя косткі, *
і ніводная з іх не зламаецца.

Зло забівае грэшніка, *
ненавіснікі справядлівага пакараныя будуць.

Пан выбаўляе душы слугаў сваіх, *
і кожны, хто на Яго спадзяецца, не будзе пакараны.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Блізкі Пан да тых, * чыё сэрца змучана.

КАРОТКАЕ ЧЫТАННЕ 1 Сам 15, 22
Няўжо хоча Пан Бог ўсеспаленняў і ахвяраў больш за паслухмянасць свайму голасу? Паслухмянасць лепшая за ахвяры, а слухаць – лепш, чым прыносіць барановы тлушч.

К. Хто прыносіць ахвяру падзякі, той Мяне шануе.
Н. І таму, хто беззаганны ў паводзінах, Я пакажу Божае збаўленне.

МАЛІТВА

Божа, Ойча ўсемагутны, удзялі нам святло Духа Святога, барані нас, якія стаяць у пакоры перад Табою, ад усялякай небяспекі, каб мы з радасцю хвалілі Цябе. Праз Хрыста, Пана нашага. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Божа, Валадар магутны,
Ты кіруеш зменай часу:
Раніцай даеш заранку
І апоўдні ззянне сонца.

Пагасі агонь нязгоды,
Астудзі спякоту гневу,
Прынясі здароўе целу
І спакой праўдзівы ў сэрцы.

Дай нам гэта, добры Ойча,
У адзінстве з Тваім Сынам,
Разам з Духам Суцяшэння,
Бо Ты валадарыш вечна. Амэн.

ПСАЛЬМОДЫЯ

1 ант. Заступіся, Пане, за слугу свайго * дзеля яго дабра.

Псальм 119 (118), 121-128
ХVІ (Аін)

Я выконваю права і справядлівасць, *
не пакідай мяне ганіцелям маім.

Заступіся за слугу свайго дзеля яго дабра, *
каб не прыгняталі мяне ганарыстыя.

Слабнуць вочы мае, шукаючы Твайго збаўлення *
і словаў справядлівасці Тваёй.

Учыні са сваім слугой паводле Тваёй ласкавасці *
і навучы мяне сваім пастановам.

Я слуга Твой, навучы мяне, – *
і я пазнаю сведчанні Твае.

Настаў для Пана час дзейнічаць: *
парушаны Твой закон.

Таму я люблю Твае запаведзі *
больш за золата, за золата чыстае.

Таму кіруюся ўсімі загадамі Тваімі *
і ненавіджу кожны шлях ілжывы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Заступіся, Пане, за слугу свайго * дзеля яго дабра.

2 ант. Гляньце на Пана * і прасвятліцеся.

Псальм 34 (33)
Пан – ратунак справядлівага

Вы пакаштавалі, які добры ёсць Пан (1 П 2, 3)

І (2-11)

Благаслаўляць буду Пана ва ўсе часы, *
хвала Яго заўсёды на маіх вуснах.

Панам будзе ганарыцца душа мая, *
няхай чуюць гэта пакорныя і няхай весяляцца.

Узвялічвай Пана са мной, *
будзем узвышаць імя Яго разам.

Я шукаў Пана, – і Ён пачуў мяне, *
і ад усіх пагрозаў вызваліў мяне.

Гляньце на Яго і прасвятліцеся, *
і твары вашыя не спазнаюць сораму.

Вось няшчасны паклікаў, – і Пан яго выслухаў, *
і ўратаваў яго ад усіх ягоных бедаў.

Анёл Пана аберагае тых, хто Яго баіцца, *
і вызваляе іх.

Пакаштуйце і ўбачце, які добры ёсць Пан; *
шчаслівы чалавек, які на Яго спадзяецца.

Бойцеся Пана, Ягоныя святыя, *
бо той, хто баіцца Яго, не мае нястачы ні ў чым.

Дзікія звяры церпяць нястачу і голад, *
а тым, хто шукае Пана, не будзе неставаць ніякага дабра.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Гляньце на Пана * і прасвятліцеся.

3 ант. Блізкі Пан да тых, * чыё сэрца змучана.

ІІ (12-23)

Прыйдзіце, сыны, паслухайце мяне: *
навучу вас боязі Пана.

Хто той чалавек, які ўпадабаў жыццё *
і любіць доўгія дні, каб бачыць дабро?

Сцеражы язык свой ад злога *
і вусны свае ад словаў падступных.

Адвярніся ад зла і рабі дабро, *
шукай спакою і трымайся яго.

Вочы Пана звернуты на справядлівых, *
і вушы Яго – на іх крык.

Аблічча Пана супраць тых, хто чыніць зло, *
каб памяць пра іх сцерці з зямлі.

Яны клічуць, – і Пан чуе, *
і ад усіх бедаў іх выбаўляе.

Блізкі Пан да тых, чыё сэрца змучана, *
і зламаных духам Ён збаўляе.

Шмат няшчасцяў у праведнага, *
але ад усіх яго ратуе Пан.

Ён сцеражэ ўсе ягоныя косткі, *
і ніводная з іх не зламаецца.

Зло забівае грэшніка, *
ненавіснікі справядлівага пакараныя будуць.

Пан выбаўляе душы слугаў сваіх, *
і кожны, хто на Яго спадзяецца, не будзе пакараны.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Блізкі Пан да тых, * чыё сэрца змучана.

КАРОТКАЕ ЧЫТАННЕ Гал 5, 26; 6, 2
Не будзем шукаць пустой славы, дражнячы і ненавідзячы адзін аднаго. Насіце цяжары адзін аднаго і так выканаеце закон Хрыстовы.

К. Як жа добра і прыемна, калі браты жывуць разам.
Н. Бо там Пан дае благаслаўленне.

МАЛІТВА

Божа, святло вечнай любові, адары нас палымяным духам і навучы любіць Цябе больш за ўсё на свеце, а братоў нашых – Тваёй любоўю. Праз Хрыста, Пана нашага. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Божа моцны, усё стварэнне
У Тваіх руках трывае.
Дзённага святла гадзінаў
Ты парадак вызначаеш.

Вечар наш напоўні ззяннем,
Каб святло жыцця не згасла,
І пасля зямной вандроўкі
Мы прыйшлі да вечнай славы.

Дай нам гэта, добры Ойча,
У адзінстве з Тваім Сынам,
Разам з Духам Суцяшэння,
Ты, што валадарыш вечна. Амэн.

ПСАЛЬМОДЫЯ

1 ант. Заступіся, Пане, за слугу свайго * дзеля яго дабра.

Псальм 119 (118), 121-128
ХVІ (Аін)

Я выконваю права і справядлівасць, *
не пакідай мяне ганіцелям маім.

Заступіся за слугу свайго дзеля яго дабра, *
каб не прыгняталі мяне ганарыстыя.

Слабнуць вочы мае, шукаючы Твайго збаўлення *
і словаў справядлівасці Тваёй.

Учыні са сваім слугой паводле Тваёй ласкавасці *
і навучы мяне сваім пастановам.

Я слуга Твой, навучы мяне, – *
і я пазнаю сведчанні Твае.

Настаў для Пана час дзейнічаць: *
парушаны Твой закон.

Таму я люблю Твае запаведзі *
больш за золата, за золата чыстае.

Таму кіруюся ўсімі загадамі Тваімі *
і ненавіджу кожны шлях ілжывы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Заступіся, Пане, за слугу свайго * дзеля яго дабра.

2 ант. Гляньце на Пана * і прасвятліцеся.

Псальм 34 (33)
Пан – ратунак справядлівага

Вы пакаштавалі, які добры ёсць Пан (1 П 2, 3)

І (2-11)

Благаслаўляць буду Пана ва ўсе часы, *
хвала Яго заўсёды на маіх вуснах.

Панам будзе ганарыцца душа мая, *
няхай чуюць гэта пакорныя і няхай весяляцца.

Узвялічвай Пана са мной, *
будзем узвышаць імя Яго разам.

Я шукаў Пана, – і Ён пачуў мяне, *
і ад усіх пагрозаў вызваліў мяне.

Гляньце на Яго і прасвятліцеся, *
і твары вашыя не спазнаюць сораму.

Вось няшчасны паклікаў, – і Пан яго выслухаў, *
і ўратаваў яго ад усіх ягоных бедаў.

Анёл Пана аберагае тых, хто Яго баіцца, *
і вызваляе іх.

Пакаштуйце і ўбачце, які добры ёсць Пан; *
шчаслівы чалавек, які на Яго спадзяецца.

Бойцеся Пана, Ягоныя святыя, *
бо той, хто баіцца Яго, не мае нястачы ні ў чым.

Дзікія звяры церпяць нястачу і голад, *
а тым, хто шукае Пана, не будзе неставаць ніякага дабра.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Гляньце на Пана * і прасвятліцеся.

3 ант. Блізкі Пан да тых, * чыё сэрца змучана.

ІІ (12-23)

Прыйдзіце, сыны, паслухайце мяне: *
навучу вас боязі Пана.

Хто той чалавек, які ўпадабаў жыццё *
і любіць доўгія дні, каб бачыць дабро?

Сцеражы язык свой ад злога *
і вусны свае ад словаў падступных.

Адвярніся ад зла і рабі дабро, *
шукай спакою і трымайся яго.

Вочы Пана звернуты на справядлівых, *
і вушы Яго – на іх крык.

Аблічча Пана супраць тых, хто чыніць зло, *
каб памяць пра іх сцерці з зямлі.

Яны клічуць, – і Пан чуе, *
і ад усіх бедаў іх выбаўляе.

Блізкі Пан да тых, чыё сэрца змучана, *
і зламаных духам Ён збаўляе.

Шмат няшчасцяў у праведнага, *
але ад усіх яго ратуе Пан.

Ён сцеражэ ўсе ягоныя косткі, *
і ніводная з іх не зламаецца.

Зло забівае грэшніка, *
ненавіснікі справядлівага пакараныя будуць.

Пан выбаўляе душы слугаў сваіх, *
і кожны, хто на Яго спадзяецца, не будзе пакараны.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Блізкі Пан да тых, * чыё сэрца змучана.

КАРОТКАЕ ЧЫТАННЕ Міх 6, 8
О чалавек, сказана табе, што ёсць дабром, і чаго патрабуе ад цябе Пан: паступаць справядліва, любіць міласэрнасць і пакорна хадзіць перад тваім Богам?

К. Шляху сведчанняў Тваіх я радуюся, Пане.
Н. Слова Твайго не забуду.

МАЛІТВА

Выслухай нас, Божа, і адары нас дасканалым спакоем, каб праз усе дні нашага жыцця мы з радасцю аддана служылі Табе і праз заступніцтва Насвяцейшай Панны Марыі бяспечна дайшлі да Цябе. Праз Хрыста, Пана нашага. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Божа, крыніца ўсіх рэчаў,
Калі закончыў стварэнне,
Зямлю ўсю Ты напоўніў
Дарам багаццяў нязмерных.

Справу стварэння Ты, Пане,
Сам завяршыў адпачынкам,
Каб прыклад даць чалавеку
І ўзнавіць яго сілы.

Дапамажы, просім, Пане,
Аплакаць жыцця памылкі,
Заўсёды быць вернымі цноце,
Ласку Тваю каб здабылі.

Калі ж настане пагроза
Перад Тваім судом страшным,
Дазволь нам цешыцца разам
Тваім спакоем спрадвечным.

Нам учыні гэта, Ойча,
Што разам з Сынам Адзіным
І Духам, што даў суцяшэнне,
Навек валадарыш часам. Амэн.

ПСАЛЬМОДЫЯ

1 ант. Прасіце спакою * для Ерузалема.

Псальм 122 (121)
Святы горад Ерузалем

Вы ж прыступіліся да гары Сіён і да горада Бога жывога, да нябеснага Ерузалема (Гбр 12, 22)

Узрадаваўся я, калі мне сказалі: *
«Пойдзем у дом Пана».

Вось стаяць нашыя ногі *
ў брамах тваіх, Ерузалем.

Ерузалем пабудаваны як горад, *
дзе ўсё злучана ў адно.

Туды ўзыходзяць пакаленні, пакаленні Пана, *
каб, паводле сведчання Ізраэля, праслаўляць імя Пана.

Там стаяць судовыя троны, *
троны дома Давіда.

Прасіце спакою для Ерузалема: *
«Няхай спакой маюць тыя, хто любіць Цябе.

Няхай будзе спакой у мурах Тваіх, *
дабрабыт у палацах Тваіх!»

Дзеля братоў маіх і бліжніх маіх *
скажу я: «Спакой табе!»

Дзеля дома Пана, Бога нашага, *
буду жадаць дабра табе.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Прасіце спакою * для Ерузалема.

2 ант. Душа мая чакае Пана * больш, чым варта світання.

Псальм 130 (129)
З глыбіні я клічу

Ён збавіць народ свой ад грахоў ягоных (Мц 1, 21)

З глыбіні я клічу Цябе, Пане. *
Пане, пачуй мой голас.

Няхай Твае вушы пачуюць *
голас маіх малітваў.

Калі Ты, Пане, будзеш зважаць на беззаконні, *
хто ж вытрывае, Пане?

Але ў Цябе прабачэнне, *
каб Цябе паважалі.

Спадзяюся на Пана, *
спадзяецца душа мая на Яго слова.

Душа мая чакае Пана *
больш, чым варта світання.

Больш, чым варта світання, *
няхай Ізраэль чакае Пана,

бо ў Пана міласэрнасць *
і шчодрае ў Яго адкупленне.

Ён адкупіць Ізраэль *
ад усіх беззаконняў ягоных.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Душа мая чакае Пана * больш, чым варта світання.

3 ант. Няхай на імя Езуса схіліцца кожнае калена * стварэнняў нябесных і зямных, / аллелюя.

Песня (Флп 2, 6-11)
Хрыстус, Слуга Божы

Езус Хрыстус, будучы ў постаці Бога, *
не скарыстаў з таго, каб быць нароўні з Богам,

але выракся самога сябе, прыняўшы постаць слугі, †
прыпадобніўшыся да людзей; *
і з выгляду стаўшы як чалавек,

прынізіў сябе, †
будучы паслухмяным ажно да смерці, *
смерці крыжовай.

Таму Бог узвысіў Яго *
і даў Яму імя па-над усялякае імя,

каб на імя Езуса схілілася кожнае калена *
стварэнняў нябесных, зямных і падземных,

і каб кожны язык вызнаваў: †
«Панам ёсць Езус Хрыстус», *
дзеля хвалы Бога Айца.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Няхай на імя Езуса схіліцца кожнае калена * стварэнняў нябесных і зямных, / аллелюя.

КАРОТКАЕ ЧЫТАННЕ 2 П 1, 19-21
У нас ёсць мацнейшае, прароцкае слова. І вы добра зробіце, калі будзеце трываць пры ім, як пры лямпе, што свеціць у цёмным месцы, пакуль не пачне світаць дзень і зараніца не ўзыдзе ў сэрцах вашых. Толькі памятайце перш за ўсё, што ніякае прароцтва ў Пісанні не належыць да прыватнага тлумачэння. Бо прароцтва ніколі не паходзіла з волі чалавека, але ад імя Бога абвяшчалі яго людзі, натхнёныя Духам Святым.

КАРОТКІ РЭСПАНСОРЫЙ
К. Ад усходу да захаду сонца * няхай будзе праслаўлена імя Пана.
Н. Ад усходу да захаду сонца * няхай будзе праслаўлена імя Пана.
К. Па-над нябёсамі Яго слава.
Н. Няхай будзе праслаўлена імя Пана.
К. Хвала Айцу і Сыну, і Духу Святому.
Н. Ад усходу да захаду сонца * няхай будзе праслаўлена імя Пана.

ПЕСНЯ З ЕВАНГЕЛЛЯ

Ант. да песні Марыі

Год А: Мудрыя панны, падрыхтуйце свае светачы: * Вось жаніх надыходзіць, / выходзьце яму насустрач.

Год В: Сеўшы насупраць скарбонкі, * Езус убачыў, / як адна бедная ўдава ўкінула дзве лепты: / усё, што мела.

Год С: Тыя, хто будзе годны ўваскрашэння з мёртвых, * роўныя анёлам / і з’яўляюцца сынамі Божымі.

Песня Марыі (Лк 1, 46-55)
Радасць душы ў Пану

Велічае душа мая Пана, *
і ўзрадаваўся дух мой у Богу, маім Збаўцу,

бо глянуў Бог на пакору сваёй слугі. *
І цяпер благаслаўляць мяне будуць усе пакаленні.

Бо вялікае ўчыніў мне Усемагутны, *
а імя Яго святое.

І міласэрнасць Яго з пакалення ў пакаленне *
над тымі, хто Яго баіцца.

Паказаў моц сваёй правіцы, *
рассеяў тых, хто пыхлівы сэрцам.

Скінуў магутных з трону *
і ўзвысіў пакорных.

Дабром галодных насыціў, *
а багатых ні з чым адправіў.

Прыняў свайго слугу Ізраэля, *
памятаючы пра сваю міласэрнасць,

як абяцаў бацькам нашым - *
Абрагаму і яго патомству навекі.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Марыі

Год А: Мудрыя панны, падрыхтуйце свае светачы: * Вось жаніх надыходзіць, / выходзьце яму насустрач.

Год В: Сеўшы насупраць скарбонкі, * Езус убачыў, / як адна бедная ўдава ўкінула дзве лепты: / усё, што мела.

Год С: Тыя, хто будзе годны ўваскрашэння з мёртвых, * роўныя анёлам / і з’яўляюцца сынамі Божымі.

ПРОСЬБЫ

Усклікнем да Хрыста, які напаўняе радасцю ўсіх, хто спадзяецца на Яго:
Паглядзі на нас, Пане, і пачуй нас.

Сведка верны і першародны з памерлых, які змыў нашыя грахі сваёй крывёю,
– дапамажы нам памятаць пра Твае цудоўныя справы.

Тых, каго Ты паклікаў стаць прапаведнікамі Евангелля,
– учыні адважнымі і вернымі слугамі таямніц Твайго Валадарства.

Валадар спакою, спасылай свайго Духа на кіраўнікоў народаў,
– каб яны клапаціліся пра бедных і пакутуючых.

Падтрымай прыгнечаных з-за нацыянальнасці, колеру скуры, сацыяльнага становішча, мовы ці веравызнання,
– дазволь ім дамагчыся прызнання сваіх правоў і сваёй годнасці.

Усіх, хто адышоў з гэтага свету ў Тваёй любові, далучы да ліку благаслаўлёных
– разам з Найсвяцейшай Паннай Марыяй і ўсімі Тваімі святымі.

Ойча наш.

МАЛІТВА

Усемагутны і міласэрны Божа, ласкава аддалі ад нас усялякія перашкоды, каб мы, вольныя ад небяспекі для душы і цела, свабодна Табе служылі. Праз Пана нашага Езуса Хрыста, Твайго Сына, якi з Табою жыве i валадарыць у еднасцi Духа Святога, Бог, праз усе вякi вечныя. Амэн.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пасля гэтага пажадана зрабіць рахунак сумлення.

ГІМН

О Хрыстэ, Ты дзень поўны бляску,
Знішчаеш цемру начную.
Ў Табе пачатак святла ёсць,
І дорыш яго Ты абраным.

Таму Цябе вельмі просім:
Абарані нас ад злога,
І адары нас спакоем,
І сілы новыя дай нам.

Калі ўжо сон нас агорне,
Хай сэрца чувае з Табою,
І верных, што Цябе любяць,
Ты захавай сваёй моцай.

Зірні на нас, Божа і Пане,
Зруйнуй усе злыя намеры
І аддалі ўсе спакусы,
Бо нас Ты крывёй сваёй збавіў.

О Хрыстэ, Уладар Наймілейшы,
Цябе, як Айца, так і Духа,
Усё, што пад небам жывое,
Няхай праслаўляе бясконца. Амэн.

ПСАЛЬМОДЫЯ

1 ант. Змілуйся нада мною, Божа, * і пачуй маю малітву.

Псальм 4
Падзяка

Пан учыніў годным здзіўлення таго, каго ўваскрасіў (св. Аўгустын)

Калі я клічу, пачуй мяне, Божа, *
справядлівасць мая.

Ты вывеў мяне з уціску; *
змілуйся нада мною і пачуй маю малітву.

Сыны чалавечыя, †
дакуль жорсткімі будуць вашыя сэрцы? *
Чаму любіце марнасць і шукаеце няпраўды?

Ведайце, што Пан учыніў цудоўным свайго вернага; *
Пан чуе, калі Яго клічу.

Дрыжыце і не грашыце; †
разважайце ў сэрцах вашых, *
на ложах сваіх і маўчыце.

Прынясіце Пану справядлівыя ахвяры *
і спадзявайцеся на Пана.

Многія кажуць: «Хто пакажа нам добрае?» *
Узнімі над намі, Пане, святло свайго аблічча!

Больш радасці Ты даў майму сэрцу, *
чым падчас багатага ўраджаю пшаніцы і віна.

Калі кладуся, спакойна засынаю, *
бо толькі Ты, Пане, дазваляеш мне жыць бяспечна.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Змілуйся нада мною, Божа, * і пачуй маю малітву.

2 ант. Сярод начы * благаслаўляйце Пана.

Псальм 134 (133)
Вечаровая малітва ў святыні

Хваліце Бога нашага, усе Ягоныя слугі і тыя, хто Яго баіцца, малыя і вялікія! (Ап 19, 5)

Благаслаўляйце Пана, усе слугі Пана, *
якія начамі стаіце ў доме Пана.

Працягвайце рукі вашы да святыні *
і благаслаўляйце Пана.

Няхай Пан, які стварыў неба і зямлю, *
благаславіць цябе з Сіёна.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Сярод начы * благаслаўляйце Пана.

КАРОТКАЕ ЧЫТАННЕ Дрг 6, 4-7
Слухай, Ізраэль: Пан, Бог наш, Пан адзіны. Любі Пана Бога твайго ўсім сэрцам тваім, і ўсёй душою тваёю, і з усіх сіл тваіх. Няхай гэтыя словы, якія сёння я наказваю табе, будуць у сэрцы тва­ім. Будзеш навучаць ім дзяцей сваіх і гаварыць пра іх, калі будзеш дома, падчас твайго падарожжа, кладучыся спаць і ўстаючы.

К. У рукі Твае, Пане, * аддаю я дух мой.
Н. У рукі Твае, Пане, * аддаю я дух мой.
К. Ты нас адкупіў, Пане Божа верны.
Н. Аддаю я дух мой.
К. Хвала Айцу і Сыну, і Духу Святому.
Н. У рукі Твае, Пане, * аддаю я дух мой.

ПЕСНЯ З ЕВАНГЕЛЛЯ

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

Песня Сімяона (Лк 2, 29-32)
Хрыстус – святло народаў і хвала Ізраэля

Цяпер адпускаеш слугу Твайго, Валадару, *
паводле слова Твайго, у спакоі;

бо вочы мае ўбачылі збаўленне Тваё, *
якое падрыхтаваў Ты перад абліччам усіх народаў, 

святло для асвятлення язычнікаў *
і хвалу народу Твайго Ізраэля.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

МАЛІТВА

Пане, будзь з намі ў гэтую ноч, каб з Тваёй дапамогаю мы заўтра ўсталі і радаваліся ўваскрасенню Хрыста. Які жыве і валадарыць на векі вечныя. Амэн.

Потым, нават тады, калі Камплета чытаецца індывідуальна, прамаўляецца благаслаўленне:

Ноч спакойную і смерць шчаслівую няхай дасць нам Бог усемагутны, Айцец і Сын, і Дух Святы.
Н. Амэн.

АНТЫФОНЫ НА ЗАКАНЧЭННЕ ДА НАЙСВЯЦЕЙШАЙ ПАННЫ МАРЫІ

Дзева, Маці Адкупіцеля,
брама раю нябеснага,
зорка мора й ратунак
для чалавека грэшнага.
Падтрымай люд знясілены,
што імкнецца да святасці,
Ты, што чынам дзівосным
нарадзіла Збавіцеля,
свайго святога Стварыцеля.
Прывітана анёлам, усесвятая Марыя,
барані нас ад грэху і за нас заступіся.

Або:

Вітай, неба Уладарка,
Вітай, Панна анёлаў,
Вітай, Ружа і Брама;
Яснасць свету дала Ты.
Цешся, Панна хвалебная,
Па­над усё прыгажэйшая,
Вітай, Маці нябесная;
Заступіся за нас Ты.

Або:

Вітай, Каралева,
Маці міласэрнасці,
жыццё, асалода і надзея наша, вітай!
Да Цябе звяртаемся мы, выгнаннікі, дзеці Евы.
Да Цябе ўздыхаем, стогнучы і плачучы
ў гэтай слёз даліне.
Дык звярні на нас, Заступніца наша,
Твае міласэрныя вочы.
І Езуса, благаславёны плод улоння Твайго,
з’яві нам пасля выгнання гэтага.
О ласкавая, о літасцівая,
о салодкая Панна Марыя.

Або:

Тваёй абароне аддаемся,
Святая Багародзіца,
У нашых патрэбах
Не пагарджай маленнем нашым.
І ад усялякай злой прыгоды
Выбаўляй нас заўсёды,
Панна хвалебная і благаслаўлёная.
О пані наша, Апякунка наша,
Суцяшальніца наша, Ты Заступніца наша,
З Сынам сваім нас паяднай,
Сыну свайму нас даручай,
Сыну свайму с аддавай.