Заклік з’яўляецца пачаткам штодзённай літургічнай малітвы. Ён папярэднічае Гадзіне чытанняў або Ютрані, у залежнасці ад таго, якая з гэтых літургічных гадзінаў распачынае малітву дня.

К. Пане, адкрый мае вусны.
Н. І вусны мае будуць абвяшчаць Тваю хвалу.

Ант. Праславім нашага Бога, / аддаючы пашану святому Марціну.

Псальм 67 (66)
Няхай усе народы праслаўляюць Пана

Ведайце, што гэта Божае збаўленне паслана да язычнікаў (Дз 28, 28) 

Няхай Бог змілуецца над намі і благаславіць нас, *
няхай заззяе аблічча Яго над намі,

каб на зямлі мы спазналі Ягоную дарогу, *
між усімі народамі Яго збаўленне.

Ант. Праславім нашага Бога, / аддаючы пашану святому Марціну.

Няхай славяць Цябе народы, Божа, *
няхай славяць Цябе народы ўсе.

Няхай весяляцца і радуюцца ўсе плямёны, †
бо Ты судзіш народы паводле праўды *
і плямёнамі на зямлі кіруеш.

Ант. Праславім нашага Бога, / аддаючы пашану святому Марціну.

Няхай славяць Цябе народы, Божа, *
няхай славяць Цябе народы ўсе.

Зямля прынесла свой плён; *
няхай Бог, наш Бог нас благаслаўляе.

Няхай Бог нас благаслаўляе, *
няхай баяцца Яго ўсе межы зямлі.

Ант. Праславім нашага Бога, / аддаючы пашану святому Марціну.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Праславім нашага Бога, / аддаючы пашану святому Марціну.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Абраны вызнаўца нашага Пана,
Народ зямлі якога сёння славіць,
Ты стаўся годным увайсці ў палацы
Хвалы ў небе.

Пакорны, сціплы ў жыцці і словах,
Цнатлівы, пяшчотны, спакойны і мудры,
Утаймоўваў цела практыкай пакуты,
Жыў цнотай веры.

Каля магілы слаўнага святога
Малітвы ўзносяць хворыя ў цярпенні,
Каб ён здароўе выпрасіў у Бога,
Вярнуў ім сілы. 

Наш хор сугучны сёння яго славіць,
Хвалу ўзносіць і ў пакоры просіць
Абараніць ад зла, каб жыць маглі мы
І мець заслугі.

Няхай пашана будзе, моц і слава
Таму, які жыве ў вышынях неба,
Кіруе светам у еднасці Асобаў
Святы ў Тройцы Бог навекі. Амэн.

ПСАЛЬМОДЫЯ

1 ант. Благаславі, душа мая, Пана, * не забывай пра ўсе Яго дабрадзействы.

Псальм 103 (102)
Хвала міласэрнаму Богу

Дзякуючы сардэчнай міласэрнасці нашага Бога наведаў нас Усход з вышыні (пар. Лк 1, 78)

І (1-7)

Благаславі, душа мая, Пана, *
і ўсё нутро маё, імя Яго святое.

Благаславі, душа мая, Пана *
і не забывай пра ўсе Яго дабрадзействы.

Ён адпускае ўсе беззаконні твае *
і вылечвае ўсе твае хваробы.

Ён жыццё тваё ратуе ад загубы, *
літасцю і міласэрнасцю цябе карануе.

Ён насычае цябе дабротамі, якіх жадаеш, *
аднавілася, як у арла, твая маладосць.

Пан здзяйсняе справядлівасць *
і правасуддзе для ўсіх прыгнечаных.

Ён паказаў шляхі свае Майсею, *
сынам Ізраэля – справы свае.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Благаславі, душа мая, Пана, * не забывай пра ўсе Яго дабрадзействы.

2 ант. Як літуецца бацька над сынамі, * так змілуецца Пан над тымі, хто Яго баіцца.

ІІ (8-16)

Міласэрны ёсць Пан і ласкавы, *
доўгацярплівы і шматміласцівы.

Не злуецца вечна *
і не палае гневам навекі.

Не паступае з намі паводле грахоў нашых *
і не адплачвае паводле правінаў нашых.

Бо, як высока ўзносіцца неба над зямлёю, †
настолькі вялікая міласэрнасць Пана да тых, *
хто Яго баіцца.

Як далёка ўсход ад захаду, *
так Ён аддаліў ад нас нашыя правіны.

Як літуецца бацька над сынамі, †
так змілуецца Пан над тымі, *
хто Яго баіцца.

Бо Ён ведае, з чаго створаны мы; *
памятае, што мы з’яўляемся пылам.

Дні чалавека – як трава, *
як палявая кветка, ён цвіце.

Вецер падзьме над ім, – і больш яго няма, *
і ўжо месца ягонае не пазнае яго.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Як літуецца бацька над сынамі, * так змілуецца Пан над тымі, хто Яго баіцца.

3 ант. Благаслаўляйце Пана, * усе Ягоныя справы.

ІІІ (17-22)

Міласэрнасць Пана спрадвеку †
і навекі над тымі, хто Яго баіцца; *
справядлівасць Яго над сынамі сыноў,

над тымі, хто захоўвае Ягоны запавет *
і помніць пра выкананне Ягоных наказаў.

Пан паставіў трон свой на нябёсах, *
і валадарства Яго над усім пануе.

Благаслаўляйце Пана, Ягоныя анёлы, †
магутныя сілай, якія выконваеце Ягонае слова, *
каб слухаць голас Ягонага наказу.

Благаслаўляйце Пана, усе Ягоныя магуцці, *
слугі Ягоныя, якія выконваеце Яго волю.

Благаслаўляйце Пана, усе Ягоныя справы, †
на ўсіх месцах Яго панавання. *
Благаславі, душа мая, Пана.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Благаслаўляйце Пана, * усе Ягоныя справы.

К. Дай мне зразумець дарогу Тваіх наказаў, Пане.
Н. І буду разважаць пра Твае цуды.

Першае чытанне

Кніга прарока Даніэля 5, 1-2. 5-9. 13-17. 25 – 6, 1

Суд Божы на гасціне Балтазара 

У тыя дні: Кароль Балтазар наладзіў вялізную гасціну для тысячы сваіх вяльможаў і піў віно перад гэтай тысяччу. Пакаштаваўшы віна, Балтазар загадаў прынесці залатое і срэбнае начынне, якое Навухаданосар, ягоны бацька, забраў з ерузалемскай святыні, каб пілі з яго кароль і ягоныя вяльможы, ягоныя жонкі і наложніцы. 

У той самы момант з’явіліся пальцы чалавечай рукі і пісалі насупраць падсвечніка на тынку сцяны ў каралеўскім палацы, і кароль бачыў кісць рукі, якая пісала. Тады збялеў кароль, збянтэжыўся ў думках, аслаблі суставы сцёгнаў ягоных, і калені сталі біцца адно аб адно. 

Кароль моцна закрычаў, каб прывялі халдэйскіх чараўнікоў і празорцаў. Звяртаючыся да бабілёнскіх мудрацоў, кароль сказаў: «Кожны чалавек, які прачытае гэты надпіс і растлумачыць яго значэнне будзе апрануты ў пурпур і залаты ланцуг надзенуць яму на шыю, і як трэці будзе валадарыць у каралеўстве». Прыйшлі ўсе мудрацы караля, але не маглі прачытаць надпіс і растлумачыць каралю яго значэнне. Кароль Балтазар моцна спалохаўся, і збялеў ягоны твар, а яго вяльможы занепакоіліся. 

Тады прывялі да караля Даніэля, а кароль, звяртаючыся да Даніэля, сказаў: «Ты – Даніэль, з нявольнікаў юдэйскіх, якога кароль, мой бацька, прывёў з Юды? Я чуў пра цябе, што ты маеш духа багоў, святло, разуменне і вызначаешся незвычайнай мудрасцю. А цяпер прывялі да мяне мудрацоў, чараўнікоў, каб яны прачыталі гэты надпіс і раз’яснілі мне яго значэнне, але яны не змаглі растлумачыць гэтага. А я чуў пра цябе, што ты можаш вытлумачыць цьмянае і развязаць заблытанае. Калі цяпер здолееш прачытаць гэты надпіс і растлумачыць мне яго, будзеш апрануты ў пурпур, залаты ланцуг павесяць табе на шыю, і як трэці ты будзеш валадарыць у каралеўстве».

Тады ў адказ Даніэль сказаў каралю: «Няхай застануцца табе твае падарункі, і ўзнагароды твае пакінь іншаму, але надпіс я прачытаю каралю  і растлумачу яго значэнне.

Вось які надпіс быў зроблены: “Мэнэ, мэнэ, тэкель, упарсін”. А вось тлумачэнне мовы: мэнэ – палічыў Бог тваё каралеўства і паклаў яму канец; тэкель – узважылі цябе на вагах, і ты аказаўся занадта лёгкім; пэрэс – падзелена валадарства тваё і аддадзена мідыйцам і персам». 

Тады Балтазар загадаў, і Даніэля апранулі ў пурпур і надзелі яму на шыю залаты ланцуг, і было абвешчана, што ён будзе валадарыць як трэці ў каралеўстве. У гэтую ж ноч быў забіты Балтазар, кароль халдэйскі. А Дарый, мідыец, пачаў валадарыць, маючы шэсцьдзясят два гады.

Рэспансорый Пс 75 (74), 6. 8. 9; Ап 14, 9. 10

Н. Не падымайце высока сваёй галавы, бо сам Бог ёсць Суддзя: аднаго Ён прыніжае, а другога ўзвышае. * Бо ў руцэ Пана келіх, поўны пеннага перамяшанага віна.

К. Калі нехта пакланяецца зверу і ягонаму вобразу, нап’ецца віна Божай лютасці. Н. Бо ў руцэ.

Другое чытанне

Ліст св. Сульпіцыя Сэвэра

(Epist. 3, 6. 9-10. 11. 14-17. 21: SCh 133, 336-344) 

Убогі і пакорны Марцін

Задоўга да сваёй смерці Марцін ведаў яе дзень і прадказваў братам, што набліжаецца яго развітанне з целам. У той час узнікла патрэба наведаць Кандскую дыяцэзію, бо духоўныя гэтага Касцёла падзяліліся. Марцін хацеў усталяваць там мір. Хоць добра ведаў, што набліжаецца яго канец, аднак гэта не стрымала яго ад падарожжа дзеля вырашэння гэтай справы. Думаў, што вяртанне міру ў Касцёле стане шчаслівым дапаўненнем яго цнотаў. 

Некаторы час ён заставаўся ў гэтай мясцовасці, хутчэй у касцёле, у якім спыніўся. Пасля ўсталявання міру сярод духавенства, калі планаваў вярнуцца ўжо ў кляштар, раптам пачаў губляць сілы. Таму паклікаў братоў і сказаў, што час ягонай смерці блізкі. Жаль і плач ахапілі ўсіх, і ўсе са слязьмі адзінагалосна ўсклікалі: «Чаму пакідаеш нас, ойча? На каго ты пакідаеш нас, няшчасных? У тваю аўчарню ўварвуцца драпежныя ваўкі; калі не будзе пастыра, хто абароніць нас ад іх нападаў? Мы ведаем, што ты хочаш быць з Хрыстом, але твая ўзнагарода надзейная і не стане меншай, калі не будзеш спяшацца; злітуйся над тымі, каго пакідаеш».

Тады Марцін, узрушаны слязьмі, – бо заўсёды быў з’яднаны з Панам у сардэчнай міласэрнасці, – заплакаў і, звярнуўшыся да Яго, толькі гэта сказаў плачучым: «Пане, калі я яшчэ патрэбны Твайму народу, не адмаўляюся ад працы. Няхай будзе Твая воля».

Які незвычайны чалавек! Непераможаны цяжкасцямі, непераможаны нават смерцю. Не хістаўся ні ў адзін, ні ў другі бок: не баяўся смерці, не адмаўляўся жыць. Узняўшы вочы і рукі да неба, заўсёды трываў у малітве нястомным духам. Святары, якія сабраліся вакол яго, прасілі, каб ён даў адпачыць целу і лёг на бок. Аднак ён адказаў: «Дазвольце мне, браты, дазвольце глядзець больш у неба, а не на зямлю, каб мая душа, якая павінна адправіцца да Пана, пайшла ў правільным кірунку». Сказаўшы гэта, ён убачыў сатану, што стаяў побач. Тады сказаў: «Чаго чакаеш, крыважэрны звер? Нічога не знойдзеш ува мне, пракляты; мяне прыме ўлонне Абрагама».

З гэтымі словамі аддаў небу духа. Шчаслівы Марцін прыняты на ўлонне Абрагама, убогі і пакорны Марцін багатым узыходзіць на неба. 

 

Рэспансорый 

Н. Ты сапраўды благаслаўлёны, бо не было падману ў тваіх вуснах, ты нікога не судзіў і нікога не асуджаў! * У тваіх вуснах быў толькі Хрыстус, толькі спакой, толькі міласэрнасць.

К. О цудоўны чалавек, нястомны ў працы, непераможаны смерцю, які не баяўся памерці і не адмаўляўся жыць. Н. У тваіх.

МАЛІТВА

Усемагутны Божа, святы біскуп Марцін праславіў Цябе сваім жыццём і сваёю смерцю, аднаві таксама і ў нашых сэрцах цудоўныя дары Тваёй ласкі, каб ані смерць, ані жыццё не маглі адлучыць нас ад Тваёй любові. Праз Пана нашага. 

Потым, прынамсі пры супольнай цэлебрацыі, дадаецца акламацыя:

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Хвалу ўжо для Бога ўзносіць
Марцін між Апосталаў у небе,
Жыццё аддае за вучняў,
Збаўлення для іх жадае.

Цяпер паўтары свае чыны,
Святло дай тым, хто кіруе,
Памнож моц і славу Касцёла,
І подступы д’ябла знішчы.

Ты ўладу маеш над пеклам,
Ратуй тых, хто гіне ад грэху,
Плашчом ахіні гаротных, 
А нас справядлівасцю вечнай.

Хвалою нябеснаю ззяеш,
Пабожны, разважлівы, мудры.
Для пастыраў стань дапамогай,
Каб верным з любоўю служылі.

Адзінага ў Тройцы Бога
Праславім разам з Марцінам,
А ён сваёй верай і цнотай
Хай прыкладам стане для верных. Амэн.

ПСАЛЬМОДЫЯ

1 ант. Святар Божы, Марціне, * для цябе адкрылася неба / і валадарства майго Айца.

Псальм 63 (62), 2-9
Душа, якая прагне Бога

Той з Богам, хто адкідае ўчынкі цемры

Божа, мой Божа, Цябе шукаю, *
Цябе прагне душа мая.

Маё цела па Табе тужыць *
у зямлі пустыннай, засохлай і бязводнай.

Так, у святыні я ўглядаюся ў Цябе, *
каб убачыць Тваю сілу і славу.

Бо міласэрнасць Твая лепшая за жыццё, *
вусны мае будуць хваліць Цябе.

Так, буду благаслаўляць Цябе ў маім жыцці *
і ўзнясу рукі ў імя Тваё.

Душа мая насычаецца, нібы тлушчам і тукам, *
і вусны мае славяць Цябе радасным спевам;

калі ўзгадваю Цябе на маім ложы, *
разважаю пра Цябе ў начную варту.

Бо Ты стаў маёй дапамогай, *
у цені крылаў Тваіх узрадуюся.

Да Цябе імкнецца душа мая, *
трымае мяне Твая правіца.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Святар Божы, Марціне, * для цябе адкрылася неба / і валадарства майго Айца.

2 ант. Узнімаючы заўсёды вочы і рукі да неба, * ён няспынна маліўся ў духу, / аллелюя.

Песня (Дан 3, 57-88. 56)
Кожнае стварэнне хваліць Пана

Хваліце Бога нашага, усе Ягоныя слугі (Ап 19, 5)

Благаслаўляйце Пана, усе стварэнні Ягоныя, *
хваліце і ўзвялічвайце Яго навекі.

Нябёсы, благаслаўляйце Пана, *
благаслаўляйце Пана, анёлы Ягоныя.

Благаслаўляйце Пана, усе воды, што пад небам, *
няхай усялякая моц благаслаўляе Пана.

Благаслаўляйце Пана, сонца і месяц, *
благаслаўляйце Пана, нябесныя зоркі.

Благаслаўляйце Пана, усе дажджы і росы, *
благаслаўляйце Пана, усе вятры.

Благаслаўляйце Пана, агонь і спёка, *
благаслаўляйце Пана, холад і гарачыня.

Благаслаўляйце Пана, росы ды іней, *
благаслаўляйце Пана, мароз і холад.

Благаслаўляйце Пана, лёд і снег, *
благаслаўляйце Пана, дні і ночы.

Благаслаўляйце Пана, святло і цемра, *
благаслаўляйце Пана, маланкі і хмары.

Няхай зямля благаслаўляе Пана, *
няхай хваліць Яго і ўзвялічвае навекі.

Благаслаўляйце Пана, горы і ўзгоркі, *
благаслаўляйце Пана, усе расліны зямлі.

Благаслаўляйце Пана, крыніцы, *
благаслаўляйце Пана, моры і рэкі.

Благаслаўляйце Пана, кіты і ўсё, што плавае ў водах, *
благаслаўляйце Пана, усе нябесныя птушкі.

Благаслаўляйце Пана, усе звяры і жывёлы, *
благаслаўляйце Пана, чалавечыя сыны.

Няхай Ізраэль благаслаўляе Пана, *
хваліць і ўзвялічвае Яго навекі.

Благаслаўляйце Пана, святары Ягоныя, *
благаслаўляйце Пана, слугі Ягоныя.

Благаслаўляйце Пана, духі і душы справядлівых, *
благаслаўляйце Пана, святыя і пакорныя сэрцам.

Благаслаўляйце Пана, Ананія, Азарыя, Місаэль, *
хваліце і ўзвялічвайце Яго навекі.

Благаславім Айца і Сына, і Духа Святога, *
будзем хваліць і ўзвялічваць Яго навекі.

Благаслаўлёны Ты на скляпенні неба, *
годны хвалы і ўзвялічаны навекі.

2 ант. Узнімаючы заўсёды вочы і рукі да неба, * ён няспынна маліўся ў духу, / аллелюя.

3 ант. Шчаслівы Марцін прыняты на ўлонне Абрагама, * убогі і пакорны Марцін / узыходзіць багатым на неба, / аллелюя.

Псальм 149
Радасць святых

Дзеці Касцёла, дзеці новага народу радуюцца свайму Валадару – Хрысту (Хезыхій)

Спявайце Пану новую песню, *
хвала Яму на сходзе святых.

Няхай радуецца Ізраэль у тым, хто яго стварыў, *
сыны Сіёна няхай цешацца ў сваім Валадары.

Няхай праслаўляюць імя Ягонае ў танцы, *
няхай зайграюць Яму на бубне і арфе.

Бо Пан любіць свой народ, *
пакорных карануе збаўленнем.

Няхай усклікаюць святыя ў славе, *
няхай радуюцца на ложах сваіх.

Пахвала Богу на іх вуснах, *
а двухбаковы меч – у іхніх руках,

каб адпомсціць язычнікам *
і пакараць народы;

каб звязаць ланцугамі іх каралёў, *
а вяльможаў іх скаваць у жалезныя кайданы,

каб здзейсніць над імі запісаны прысуд: *
такая хвала для ўсіх Ягоных святых.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Шчаслівы Марцін прыняты на ўлонне Абрагама, * убогі і пакорны Марцін / узыходзіць багатым на неба, / аллелюя.

Кароткае чытанне Гбр 13, 7-8

Памятайце пра вашых настаўнікаў, якія абвяшчалі вам Божае слова, і разважаючы пра канец іхняга жыцця, наследуйце іх веру. Езус Хрыстус той самы ўчора, і сёння, і навекі!

Кароткі рэспансорый

К. Над табою, Ерузалем, * Я паставіў вартаўнікоў.
Н. Над.
К. Ні днём, ні ноччу яны не змоўкнуць, абвяшчаючы імя Пана.
Н. Я паставіў.
К. Хвала Айцу.
Н. Над.

ПЕСНЯ З ЕВАНГЕЛЛЯ

Ант. да песні Захарыі: О шчаслівы чалавек, чыя душа прабывае ў небе! * Весяляцца анёлы, радуюцца арханёлы, / хор святых усклікае, безліч паннаў кліча: / Застанься з намі назаўсёды.

Песня Захарыі (Лк 1, 68-79)
Месія і Яго папярэднік

Благаслаўлёны Пан, Бог Ізраэля, *
бо наведаў і адкупіў народ свой,

і ўзняў моц збаўлення для нас *
у доме Давіда, слугі свайго.

Як абвясціў спрадвеку *
вуснамі сваіх святых прарокаў,

што збавіць нас ад ворагаў нашых *
і ад рук усіх, хто нас ненавідзіць.

Каб праявіць міласэрнасць да айцоў нашых *
і нагадаць пра святы запавет свой.

Прысягу, якую даў Абрагаму, айцу нашаму, *
дасць нам.

Каб, выбаўленыя з рук ворагаў, *
мы без страху служылі Яму

ў святасці і справядлівасці перад Ім *
ва ўсе дні нашыя.

А ты, дзіцятка, прарокам Найвышэйшага будзеш названа, *
бо пойдзеш прад абліччам Пана падрыхтаваць шляхі Яму,

каб даць народу Ягонаму пазнаць збаўленне *
праз адпушчэнне яго грахоў,

дзякуючы сардэчнай міласэрнасці нашага Бога,*
у якой наведаў нас Усход з вышыні;

каб асвятліць тых, *
хто сядзіць у цемры і ў цені смяротным;

каб накіраваць ногі нашыя *
на шлях спакою.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Захарыі: О шчаслівы чалавек, чыя душа прабывае ў небе! * Весяляцца анёлы, радуюцца арханёлы, / хор святых усклікае, безліч паннаў кліча: / Застанься з намі назаўсёды.

ПРОСЬБЫ

Хрыстус, ззянне хвалы Айца, асвячае нас сваім словам. Звернемся да Яго з любоўю:
Валадар вечнай славы, пачуй нас.

Благаслаўлёны Ты, Пане, пачатак і здзяйсненне нашай веры,
– бо Ты паклікаў нас з цемры да свайго цудоўнага святла.

Ты адкрываеш вочы сляпым і вяртаеш слых глухім,
– уратуй нас ад бязвер’я.

Дапамажы нам, Пане, трываць у Тваёй любові,
– няхай не будзе сярод нас падзелаў.

Адары нас трываласцю ў час спакусаў, сталасцю ў выпрабаваннях
– і ўдзячнасцю ў шчасці.

Ойча наш.

МАЛІТВА

Усемагутны Божа, святы біскуп Марцін праславіў Цябе сваім жыццём і сваёю смерцю, аднаві таксама і ў нашых сэрцах цудоўныя дары Тваёй ласкі, каб ані смерць, ані жыццё не маглі адлучыць нас ад Тваёй любові. Праз Пана нашага. 

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Трываючы ў малітве і чуванні,
калі настане трэцяя гадзіна,
з пабожным сэрцам будзем праслаўляць
славу і моц Святой Адзінай Тройцы.

Каб сталі мы жыллём Святога Духа,
які калісьці ў гэтую гадзіну
спасланы быў Апосталам з нябёсаў
як дар вялікай міласці Хрыстовай.

Той, хто стварыў нябёсаў валадарства,
цудоўным чынам свет наш упрыгожыў,
уліў у сэрцы радасць, суцяшэнне,
аздобіў усё для вечнай узнагароды.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

1 ант. Клічу Цябе, Пане, * спадзяюся на Тваё слова.

Псальм 119 (118), 145-152
XIХ (Коф)

Ад усяго сэрца клічу, выслухай мяне, Пане, – *
і буду выконваць Твае загады.

Клічу Цябе, уратуй мяне, – *
і буду захоўваць Твае сведчанні.

На світанні крычу, *
спадзяюся на Тваё слова.

Мае вочы апярэджваюць начную варту, *
каб разважаць над Тваім словам.

Пачуй, Пане, мой голас у міласэрнасці сваёй, *
паводле прысудаў Тваіх дай мне жыццё.

Набліжаюцца падступныя ганіцелі, *
яны аддаліліся ад закону Твайго.

Пане, Ты блізка, *
і ўсе Твае запаведзі – праўда.

Я ад пачатку ведаю пра Твае сведчанні, *
што Ты ўстанавіў іх навекі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Клічу Цябе, Пане, * спадзяюся на Тваё слова.

2 ант. Пан ведае людскія думкі, * і што яны – марнасць.

Псальм 94 (93)
Пан – мсціўца справядлівых

Пан – мсціўца за ўсё гэта. Бог паклікаў нас не да нячыстасці, але да святасці (пар. 1 Тэс 4, 6-7)

І (1-11)

Божа помсты, Пане, *
Божа помсты, з’явіся.

Устань, суддзя зямлі, *
адплаці ганарыстым.

Дакуль, Пане, грэшнікі, *
дакуль грэшнікі будуць трыумфаваць?

Гавораць дзёрзка, *
выхваляюцца ўсе злачынцы.

Топчуць народ Твой, о Пане, *
прыгнятаюць спадчыну Тваю;

забіваюць чужаземца і ўдаву, *
сіротаў кідаюць на смерць.

І кажуць: «Пан не бачыць, *
Бог Якуба не звяртае ўвагі».

Апамятайцеся, неразумныя сярод народу, *
калі вы паразумнееце, недасведчаныя?

Ці ж той, хто стварыў вуха, не пачуе? *
І той, хто зрабіў вока, не ўбачыць?

Ці той, хто настаўляе народы, не асудзіць, – *
той, хто вучыць чалавека разуменню?

Пан ведае людскія думкі, *
і што яны – марнасць.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Пан ведае людскія думкі, * і што яны – марнасць.

3 ант. Пан – мая цвярдыня * і падтрымка маёй надзеі.

ІІ (12-23)

Шчаслівы чалавек, †
якога Ты, Пане, настаўляеш *
і навучаеш Тваім законам,

каб даць яму палёгку †
ў дні ліхія, *
пакуль не выкапаюць бязбожнаму магілу.

Бо Пан не адкіне свой народ *
і не пакіне спадчыны сваёй.

Бо суд звернецца да справядлівасці, *
а за ім і ўсе, хто правы сэрцам.

Хто паўстане супраць злачынцаў? *
Хто стане са мною супраць грэшнікаў?

Калі б Пан не быў маёй дапамогай, *
мая душа хутка пасялілася б у месцы маўчання.

Калі я сказаў: «Пахіснулася мая нага», – *
Твая міласэрнасць, Пане, мяне падтрымала.

Калі трывога напаўняе маё сэрца, *
Тваё суцяшэнне падбадзёрвае маю душу.

Хіба прымірыцца з Табою трон пагібелі †
і той, хто чыніць няшчасце *
пад выглядам закону?

Яны збіраюцца супраць справядлівага *
і абвінавачваюць нявінную кроў.

Але Пан – мая цвярдыня, *
мой Бог – скала майго прытулку.

Ён адплаціць ім за іх беззаконне †
і ўласным іхнім злом іх знішчыць, *
пазнішчае іх Пан, наш Бог.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Пан – мая цвярдыня * і падтрымка маёй надзеі.

КАРОТКАЕ ЧЫТАННЕ 1 Кар 10, 24. 31
Няхай ніхто не шукае свайго, але таго, што карысна для іншага. Ці ясце, ці п’яце, ці нешта робіце, усё рабіце на славу Божую.

К. Добра ёсць дзякаваць Пану.
Н. І праслаўляць імя Тваё, Найвышэйшы.

МАЛІТВА

Пане, Святы Ойча, верны Божа, Ты спаслаў абяцанага Духа, каб сабраць у адно людзей, раз’яднаных грахом, навучы нас супрацоўнічаць у будаванні еднасці і спакою ў свеце. Праз Хрыста, Пана нашага. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Ужо настала шостая гадзіна,
якая заклікае шчырым духам
аддаць хвалу і пакланенне Пану,
Малітвамі Стварыцеля праславіць.

Бо вернікам у гэтую гадзіну.
адкрыўся шлях праўдзівага збаўлення:
ахвяра бласлаўлёнага Баранка
і моц крыжа Ягонага заззяла.

Святло Яго – яснейшае за поўдзень.
Ён ласку сее, нібы промні сонца.
Удзячныя за наша адкупленне,
мы прымем дар Яго ў нашы сэрцы.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

1 ант. Клічу Цябе, Пане, * спадзяюся на Тваё слова.

Псальм 119 (118), 145-152
XIХ (Коф)

Ад усяго сэрца клічу, выслухай мяне, Пане, – *
і буду выконваць Твае загады.

Клічу Цябе, уратуй мяне, – *
і буду захоўваць Твае сведчанні.

На світанні крычу, *
спадзяюся на Тваё слова.

Мае вочы апярэджваюць начную варту, *
каб разважаць над Тваім словам.

Пачуй, Пане, мой голас у міласэрнасці сваёй, *
паводле прысудаў Тваіх дай мне жыццё.

Набліжаюцца падступныя ганіцелі, *
яны аддаліліся ад закону Твайго.

Пане, Ты блізка, *
і ўсе Твае запаведзі – праўда.

Я ад пачатку ведаю пра Твае сведчанні, *
што Ты ўстанавіў іх навекі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Клічу Цябе, Пане, * спадзяюся на Тваё слова.

2 ант. Пан ведае людскія думкі, * і што яны – марнасць.

Псальм 94 (93)
Пан – мсціўца справядлівых

Пан – мсціўца за ўсё гэта. Бог паклікаў нас не да нячыстасці, але да святасці (пар. 1 Тэс 4, 6-7)

І (1-11)

Божа помсты, Пане, *
Божа помсты, з’явіся.

Устань, суддзя зямлі, *
адплаці ганарыстым.

Дакуль, Пане, грэшнікі, *
дакуль грэшнікі будуць трыумфаваць?

Гавораць дзёрзка, *
выхваляюцца ўсе злачынцы.

Топчуць народ Твой, о Пане, *
прыгнятаюць спадчыну Тваю;

забіваюць чужаземца і ўдаву, *
сіротаў кідаюць на смерць.

І кажуць: «Пан не бачыць, *
Бог Якуба не звяртае ўвагі».

Апамятайцеся, неразумныя сярод народу, *
калі вы паразумнееце, недасведчаныя?

Ці ж той, хто стварыў вуха, не пачуе? *
І той, хто зрабіў вока, не ўбачыць?

Ці той, хто настаўляе народы, не асудзіць, – *
той, хто вучыць чалавека разуменню?

Пан ведае людскія думкі, *
і што яны – марнасць.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Пан ведае людскія думкі, * і што яны – марнасць.

3 ант. Пан – мая цвярдыня * і падтрымка маёй надзеі.

ІІ (12-23)

Шчаслівы чалавек, †
якога Ты, Пане, настаўляеш *
і навучаеш Тваім законам,

каб даць яму палёгку †
ў дні ліхія, *
пакуль не выкапаюць бязбожнаму магілу.

Бо Пан не адкіне свой народ *
і не пакіне спадчыны сваёй.

Бо суд звернецца да справядлівасці, *
а за ім і ўсе, хто правы сэрцам.

Хто паўстане супраць злачынцаў? *
Хто стане са мною супраць грэшнікаў?

Калі б Пан не быў маёй дапамогай, *
мая душа хутка пасялілася б у месцы маўчання.

Калі я сказаў: «Пахіснулася мая нага», – *
Твая міласэрнасць, Пане, мяне падтрымала.

Калі трывога напаўняе маё сэрца, *
Тваё суцяшэнне падбадзёрвае маю душу.

Хіба прымірыцца з Табою трон пагібелі †
і той, хто чыніць няшчасце *
пад выглядам закону?

Яны збіраюцца супраць справядлівага *
і абвінавачваюць нявінную кроў.

Але Пан – мая цвярдыня, *
мой Бог – скала майго прытулку.

Ён адплаціць ім за іх беззаконне †
і ўласным іхнім злом іх знішчыць, *
пазнішчае іх Пан, наш Бог.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Пан – мая цвярдыня * і падтрымка маёй надзеі.

КАРОТКАЕ ЧЫТАННЕ Клс 3, 17
І ўсё, што б вы ні рабілі словам ці ўчынкам, усё рабіце ў імя Пана Езуса, дзякуючы праз Яго Богу Айцу.

К. Я прынясу Табе, Пане, ахвяру хвалы.
Н. І буду заклікаць імя Пана.

МАЛІТВА

Усемагутны міласэрны Божа, Ты даеш адпачынак сярод штодзённых клопатаў, падтрымай нас і дапамажы закончыць распачатую працу. Праз Хрыста, Пана нашага. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Мінае ўжо дзевятая гадзіна,
таму з пакораю спявайма Пану.
З адданаю душою, шчырым сэрцам
праславім Бога ў Найсвяцейшай Тройцы.

Прымаючы святую таямніцу,
яе ў чыстым сэрцы захаваем.
Яе адкрыў для ўсіх Пётр у святыні
праз цуды – знак збаўлення нам ад Пана.

Таму далучым розум свой і волю
да сведчання і да вучэння
Апосталаў, што ў імя Хрыстова
вядуць нас Яго моцай да збаўлення.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

1 ант. Клічу Цябе, Пане, * спадзяюся на Тваё слова.

Псальм 119 (118), 145-152
XIХ (Коф)

Ад усяго сэрца клічу, выслухай мяне, Пане, – *
і буду выконваць Твае загады.

Клічу Цябе, уратуй мяне, – *
і буду захоўваць Твае сведчанні.

На світанні крычу, *
спадзяюся на Тваё слова.

Мае вочы апярэджваюць начную варту, *
каб разважаць над Тваім словам.

Пачуй, Пане, мой голас у міласэрнасці сваёй, *
паводле прысудаў Тваіх дай мне жыццё.

Набліжаюцца падступныя ганіцелі, *
яны аддаліліся ад закону Твайго.

Пане, Ты блізка, *
і ўсе Твае запаведзі – праўда.

Я ад пачатку ведаю пра Твае сведчанні, *
што Ты ўстанавіў іх навекі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Клічу Цябе, Пане, * спадзяюся на Тваё слова.

2 ант. Пан ведае людскія думкі, * і што яны – марнасць.

Псальм 94 (93)
Пан – мсціўца справядлівых

Пан – мсціўца за ўсё гэта. Бог паклікаў нас не да нячыстасці, але да святасці (пар. 1 Тэс 4, 6-7)

І (1-11)

Божа помсты, Пане, *
Божа помсты, з’явіся.

Устань, суддзя зямлі, *
адплаці ганарыстым.

Дакуль, Пане, грэшнікі, *
дакуль грэшнікі будуць трыумфаваць?

Гавораць дзёрзка, *
выхваляюцца ўсе злачынцы.

Топчуць народ Твой, о Пане, *
прыгнятаюць спадчыну Тваю;

забіваюць чужаземца і ўдаву, *
сіротаў кідаюць на смерць.

І кажуць: «Пан не бачыць, *
Бог Якуба не звяртае ўвагі».

Апамятайцеся, неразумныя сярод народу, *
калі вы паразумнееце, недасведчаныя?

Ці ж той, хто стварыў вуха, не пачуе? *
І той, хто зрабіў вока, не ўбачыць?

Ці той, хто настаўляе народы, не асудзіць, – *
той, хто вучыць чалавека разуменню?

Пан ведае людскія думкі, *
і што яны – марнасць.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Пан ведае людскія думкі, * і што яны – марнасць.

3 ант. Пан – мая цвярдыня * і падтрымка маёй надзеі.

ІІ (12-23)

Шчаслівы чалавек, †
якога Ты, Пане, настаўляеш *
і навучаеш Тваім законам,

каб даць яму палёгку †
ў дні ліхія, *
пакуль не выкапаюць бязбожнаму магілу.

Бо Пан не адкіне свой народ *
і не пакіне спадчыны сваёй.

Бо суд звернецца да справядлівасці, *
а за ім і ўсе, хто правы сэрцам.

Хто паўстане супраць злачынцаў? *
Хто стане са мною супраць грэшнікаў?

Калі б Пан не быў маёй дапамогай, *
мая душа хутка пасялілася б у месцы маўчання.

Калі я сказаў: «Пахіснулася мая нага», – *
Твая міласэрнасць, Пане, мяне падтрымала.

Калі трывога напаўняе маё сэрца, *
Тваё суцяшэнне падбадзёрвае маю душу.

Хіба прымірыцца з Табою трон пагібелі †
і той, хто чыніць няшчасце *
пад выглядам закону?

Яны збіраюцца супраць справядлівага *
і абвінавачваюць нявінную кроў.

Але Пан – мая цвярдыня, *
мой Бог – скала майго прытулку.

Ён адплаціць ім за іх беззаконне †
і ўласным іхнім злом іх знішчыць, *
пазнішчае іх Пан, наш Бог.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Пан – мая цвярдыня * і падтрымка маёй надзеі.

КАРОТКАЕ ЧЫТАННЕ Клс 3, 23-24
Усё, што б вы не рабілі, рабіце ад душы, як для Пана, а не для людзей, ведаючы, што ад Пана атрымаеце ва ўзнагароду спадчыну. Будзьце нявольнікамі Хрыста Пана.

К. Пан – частка спадчыны маёй і келіха майго.
Н. Ты лёс мой трымаеш.

МАЛІТВА

Пане Езу Хрыстэ, Ты дзеля збаўлення людзей распрасцёр свае рукі на крыжы, учыні, каб нашыя чыны падабаліся Табе і абвяшчалі ў свеце Тваю справу адкуплення. Праз Хрыста, Пана нашага. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Абраны вызнаўца нашага Пана,
Народ зямлі якога сёння славіць,
Ты стаўся годным увайсці ў палацы
Хвалы ў небе.

Пакорны, сціплы ў жыцці і словах,
Цнатлівы, пяшчотны, спакойны і мудры,
Утаймоўваў цела практыкай пакуты,
Жыў цнотай веры.

Каля магілы слаўнага святога
Малітвы ўзносяць хворыя ў цярпенні,
Каб ён здароўе выпрасіў у Бога,
Вярнуў ім сілы. 

Наш хор сугучны сёння яго славіць,
Хвалу ўзносіць і ў пакоры просіць
Абараніць ад зла, каб жыць маглі мы
І мець заслугі.

Няхай пашана будзе, моц і слава
Таму, які жыве ў вышынях неба,
Кіруе светам у еднасці Асобаў
Святы ў Тройцы Бог навекі. Амэн.

ПСАЛЬМОДЫЯ

1 ант. О цудоўны чалавек, * нястомны ў працы, непераможаны смерцю, / які не баяўся памерці і не адмаўляўся жыць.

Псальм 15 (14)

Пане, хто можа знаходзіцца ў Тваім шатры, *
хто можа жыць на Тваёй святой гары?

Той, хто паступае беззаганна †
і здзяйсняе справядлівасць, *
і гаворыць праўду ў сэрцы сваім.

Хто языком сваім не абмаўляе. †
Хто не чыніць бліжняму свайму зла, *
не ўзводзіць паклёп на свайго суседа.

Хто з пагардаю глядзіць на злога, *
але хваліць тых, хто баіцца Пана.

Хто, хоць і клянецца сабе на шкоду, *
але захоўвае клятву.

Хто срэбра сваё не дае на ліхвярства *
і не прымае подкупу супраць нявіннага.

Хто так чыніць, *
не пахіснецца ніколі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. О цудоўны чалавек, * нястомны ў працы, непераможаны смерцю, / які не баяўся памерці і не адмаўляўся жыць.

2 ант. Пане, калі я патрэбны яшчэ Твайму народу, * не буду адмаўляцца ад працы, / няхай будзе воля Твая. 

Псальм 112 (111)

Шчаслівы чалавек, які баіцца Пана *
і вельмі любіць Ягоныя запаведзі.

Моцным будзе ягонае патомства на зямлі, *
пакаленне праведных будзе благаслаўлёным.

Дастатак і багацце ў ягоным доме, *
і справядлівасць ягоная трывае навекі.

Узыходзіць у цемры як святло для праведных *
ласкавы, міласэрны і справядлівы.

Шчаслівы чалавек, які міласэрны і пазычае, *
які справядліва вядзе свае справы.

Ён не пахіснецца ніколі, *
у вечнай памяці будзе справядлівы.

Ён не пабаіцца дрэннай навіны; *
моцнае сэрца яго, што спадзяецца на Пана.

Умацаванае сэрца яго не будзе баяцца, *
калі гляне на ворагаў сваіх.

Раскідаў, раздаў бедным; †
справядлівасць ягоная трывае навекі, *
моц ягоная ўзвысіцца ў славе.

Грэшнік убачыць і раззлуецца, †
заскрыгоча зубамі сваімі і аслабее. *
Жаданне грэшнікаў згіне.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Пане, калі я патрэбны яшчэ Твайму народу, * не буду адмаўляцца ад працы, / няхай будзе воля Твая. 

3 ант. Біскуп Марцін адышоў з гэтага свету * і жыве ў Хрысце як пярліна сярод святароў. 

Песня (Ап 15, 3-4)

Вялікія і цудоўныя справы Твае, *
Пане Божа ўсемагутны.

Справядлівыя і праўдзівыя шляхі Твае, *
Валадару народаў.

Хто ж не будзе баяцца, Пане, *
і не праславіць імені Твайго?

Таму што Ты адзін Святы, †
таму што ўсе народы прыйдуць *
і паклоняцца перад Табою,

бо аб’явіліся *
Твае справядлівыя прысуды.

Хвала Айцу і Сыну, *
і Духу Святому.
Як была спрадвеку, цяпер і заўсёды, *
і на векі вечныя. Амэн.

3 ант. Біскуп Марцін адышоў з гэтага свету * і жыве ў Хрысце як пярліна сярод святароў. 

Кароткае чытанне 1 П 5, 1-4

Старэйшынаў сярод вас я заклікаю як адзін са старэйшын, як сведка цярпенняў Хрыстовых і супольнік славы, што павінна адкрыцца. Пасвіце статак Божы, што пры вас, наглядаючы за ім не пад прымусам, але добраахвотна, згодна з воляй Божай, не дзеля агіднай нажывы, але са шчырым жаданнем. Не злоўжывайце ўладаю над падданымі, але станьце прыкладам для статка. А калі з’явіцца Найвышэйшы Пастыр, вы здабудзеце неўвядальны вянок славы.

Кароткі рэспансорый
К. Вось пастыр, які любіць сваіх братоў * і рупліва моліцца за свой народ.
Н. Вось пастыр.
К. Жыццё сваё аддаў за сваіх братоў.
Н. І рупліва.
К. Хвала Айцу.
Н. Вось пастыр.

ПЕСНЯ З ЕВАНГЕЛЛЯ

Ант. да песні Марыі: Святы біскуп Марцін, * Ты ўсім сэрцам палюбіў Хрыста Валадара / і не баяўся ўладаў свету. / О найсвяцейшая душа, / хоць не забіў цябе меч пераследніка, / ты атрымала карону мучаніцтва.

Песня Марыі (Лк 1, 46-55)
Радасць душы ў Пану

Велічае душа мая Пана, *
і ўзрадаваўся дух мой у Богу, маім Збаўцу,

бо глянуў Бог на пакору сваёй слугі. *
І цяпер благаслаўляць мяне будуць усе пакаленні.

Бо вялікае ўчыніў мне Усемагутны, *
а імя Яго святое.

І міласэрнасць Яго з пакалення ў пакаленне *
над тымі, хто Яго баіцца.

Паказаў моц сваёй правіцы, *
рассеяў тых, хто пыхлівы сэрцам.

Скінуў магутных з трону *
і ўзвысіў пакорных.

Дабром галодных насыціў, *
а багатых ні з чым адправіў.

Прыняў свайго слугу Ізраэля, *
памятаючы пра сваю міласэрнасць,

як абяцаў бацькам нашым - *
Абрагаму і яго патомству навекі.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Марыі: Святы біскуп Марцін, * Ты ўсім сэрцам палюбіў Хрыста Валадара / і не баяўся ўладаў свету. / О найсвяцейшая душа, / хоць не забіў цябе меч пераследніка, / ты атрымала карону мучаніцтва.

ПРОСЬБЫ

Спрадвечнаму Айцу, чыя міласэрнасць да Яго народу вышэй за нябёсы, усклікнем з радасным сэрцам:
Пане, няхай узрадуюцца тыя, хто на Цябе спадзяецца.

Пане, Ты паслаў свайго Сына не судзіць свет, але збавіць,
– дазволь, каб Яго хвалебная смерць прынесла ў нас шчодрыя плады.

Ты ўчыніў святароў слугамі Хрыста і распарадчыкамі Тваіх таямніцаў,
– адары іх вернасцю, пазнаннем і любоўю.

Пакліканым да чыстасці дзеля Нябеснага Валадарства
– дапамажы верна наследаваць Хрыста.

Ты напачатку стварыў мужчыну і жанчыну,
– захавай усе сем’і ў шчырай любові.

Ты знішчыў людскія грахі праз ахвяру Хрыста,
– прабач грахі ўсім памерлым.

Ойча наш.

МАЛІТВА

Усемагутны Божа, святы біскуп Марцін праславіў Цябе сваім жыццём і сваёю смерцю, аднаві таксама і ў нашых сэрцах цудоўныя дары Тваёй ласкі, каб ані смерць, ані жыццё не маглі адлучыць нас ад Тваёй любові. Праз Пана нашага. 

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пасля гэтага пажадана зрабіць рахунак сумлення.

ГІМН

Цябе, Стварыцель сусвету,
Калі наступае змярканне,
З надзеяй ласкава просім:
Абараняй нас ад злога.

Напоўні сабой нашы сэрцы,
Няхай Цябе ноччу адчуюць.
Калі ж іх світанне абудзіць,
Няхай Цябе славяць у песні.

Хай цела адчуе бадзёрасць,
І дух хай абновіць натхненне.
А цемру начную асветліць
Твая незнішчальная яснасць.

Дай гэта нам, Ойча найлепшы,
Праз Езуса, нашага Пана,
Які валадарыць з Табою
І з Духам цяпер і навекі. Амэн.

ПСАЛЬМОДЫЯ

1 ант. Божа, будзь маім абаронцам * і домам ратунку.

Псальм 31 (30), 2-6

Даверлівая малітва прыгнечанага Ойча, у рукі Твае аддаю дух Мой (Лк 23, 46)

У Цябе, Пане, я шукаю прыстанішча, †
няхай не буду асаромлены навекі, *
у справядлівасці Тваёй збаў мяне.

Схілі да мяне сваё вуха, *
Паспяшы, каб уратаваць мяне.

Будзь для мяне каменнай цвярдыняй, †
домам прыстанішча, *
каб уратаваць мяне.

Бо Ты мая скала і мая цвярдыня, *
дзеля імя Твайго кіруй мною і вядзі мяне.

Выцягні мяне з сеткі, якую патаемна паставілі на мяне, *
бо Ты мая цвярдыня.

У рукі Твае аддаю я дух мой; *
Ты мяне адкупіў, Пане, Божа верны.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Божа, будзь маім абаронцам * і домам ратунку.

2 ант. З глыбіні я клічу Цябе, Пане. †

Псальм 130 (129)
З глыбіні я клічу

Ён збавіць народ свой ад грахоў ягоных (Мц 1, 21)

З глыбіні я клічу Цябе, Пане. *
† Пане, пачуй мой голас.

Няхай Твае вушы пачуюць *
голас маіх малітваў.

Калі Ты, Пане, будзеш зважаць на беззаконні, *
хто ж вытрывае, Пане?

Але ў Цябе прабачэнне, *
каб Цябе паважалі.

Спадзяюся на Пана, *
спадзяецца душа мая на Яго слова.

Душа мая чакае Пана *
больш, чым варта світання.

Больш, чым варта світання, *
няхай Ізраэль чакае Пана,

бо ў Пана міласэрнасць *
і шчодрае ў Яго адкупленне.

Ён адкупіць Ізраэль *
ад усіх беззаконняў ягоных.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. З глыбіні я клічу Цябе, Пане. †

КАРОТКАЕ ЧЫТАННЕ Эф 4, 26-27
Не грашыце, няхай сонца не заходзіць над вашым гневам. Не давайце месца д’яблу.

К. У рукі Твае, Пане, * аддаю я дух мой.
Н. У рукі Твае, Пане, * аддаю я дух мой.
К. Ты нас адкупіў, Пане Божа верны.
Н. Аддаю я дух мой.
К. Хвала Айцу і Сыну, і Духу Святому.
Н. У рукі Твае, Пане, * аддаю я дух мой.

ПЕСНЯ З ЕВАНГЕЛЛЯ

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

Песня Сімяона (Лк 2, 29-32)
Хрыстус – святло народаў і хвала Ізраэля

Цяпер адпускаеш слугу Твайго, Валадару, *
паводле слова Твайго, у спакоі;

бо вочы мае ўбачылі збаўленне Тваё, *
якое падрыхтаваў Ты перад абліччам усіх народаў, 

святло для асвятлення язычнікаў *
і хвалу народу Твайго Ізраэля.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

МАЛІТВА

Пане Езу Хрыстэ, ціхі і пакорны, Ты даеш сваім паслядоўнікам салодкае ярмо і лёгкі цяжар. Прымі ласкава нашыя памкненні і справы гэтага дня і адары нас спакоем, каб мы маглі лепш Табе служыць. Які жывеш і валадарыш праз усе вякі вечныя. Амэн.

Потым, нават тады, калі Камплета чытаецца індывідуальна, прамаўляецца благаслаўленне:

Ноч спакойную і смерць шчаслівую няхай дасць нам Бог усемагутны, Айцец і Сын, і Дух Святы.
Н. Амэн.

АНТЫФОНЫ НА ЗАКАНЧЭННЕ ДА НАЙСВЯЦЕЙШАЙ ПАННЫ МАРЫІ

Дзева, Маці Адкупіцеля,
брама раю нябеснага,
зорка мора й ратунак
для чалавека грэшнага.
Падтрымай люд знясілены,
што імкнецца да святасці,
Ты, што чынам дзівосным
нарадзіла Збавіцеля,
свайго святога Стварыцеля.
Прывітана анёлам, усесвятая Марыя,
барані нас ад грэху і за нас заступіся.

Або:

Вітай, неба Уладарка,
Вітай, Панна анёлаў,
Вітай, Ружа і Брама;
Яснасць свету дала Ты.
Цешся, Панна хвалебная,
Па­над усё прыгажэйшая,
Вітай, Маці нябесная;
Заступіся за нас Ты.

Або:

Вітай, Каралева,
Маці міласэрнасці,
жыццё, асалода і надзея наша, вітай!
Да Цябе звяртаемся мы, выгнаннікі, дзеці Евы.
Да Цябе ўздыхаем, стогнучы і плачучы
ў гэтай слёз даліне.
Дык звярні на нас, Заступніца наша,
Твае міласэрныя вочы.
І Езуса, благаславёны плод улоння Твайго,
з’яві нам пасля выгнання гэтага.
О ласкавая, о літасцівая,
о салодкая Панна Марыя.

Або:

Тваёй абароне аддаемся,
Святая Багародзіца,
У нашых патрэбах
Не пагарджай маленнем нашым.
І ад усялякай злой прыгоды
Выбаўляй нас заўсёды,
Панна хвалебная і благаслаўлёная.
О пані наша, Апякунка наша,
Суцяшальніца наша, Ты Заступніца наша,
З Сынам сваім нас паяднай,
Сыну свайму нас даручай,
Сыну свайму с аддавай.