Заклік з’яўляецца пачаткам штодзённай літургічнай малітвы. Ён папярэднічае Гадзіне чытанняў або Ютрані, у залежнасці ад таго, якая з гэтых літургічных гадзінаў распачынае малітву дня.

К. Пане, адкрый мае вусны.
Н. І вусны мае будуць абвяшчаць Тваю хвалу.

Ант. Cвяткуючы нараджэнне Панны Марыі, / праславім Хрыста, Яе Сына і нашага Пана.

Псальм 24 (23)
Пан уваходзіць у святыню

Брамы нябёсаў адчыніліся для Хрыста дзеля ўзвышэння Яго чалавечай натуры (св. Ірэнэй) 

Пану належыць зямля і ўсё, што на ёй, *
сусвет і ўсё, што жыве ў ім.

Бо Ён заснаваў яго на морах *
і на рэках умацаваў яго.

Ант. Cвяткуючы нараджэнне Панны Марыі, / праславім Хрыста, Яе Сына і нашага Пана.

Хто ўзыдзе на гару Пана, *
і хто стане на святым месцы Ягоным?

Той, у каго рукі бязвінныя і чыстае сэрца, †
хто не схіляў душы да марнасці *
і не прысягаў фальшыва.

Ант. Cвяткуючы нараджэнне Панны Марыі, / праславім Хрыста, Яе Сына і нашага Пана.

Ён атрымае благаслаўленне ад Пана *
і ўзнагароду – ад Бога, свайго Збаўцы.

Вось пакаленне тых, хто Яго шукае, *
хто шукае аблічча Твайго, Бог Якуба.

Ант. Cвяткуючы нараджэнне Панны Марыі, / праславім Хрыста, Яе Сына і нашага Пана.

Падыміце вярхі вашыя, брамы, †
узніміцеся, адвечныя вароты, *
каб увайшоў Кароль славы.

Хто ж гэты Кароль славы? †
Пан, моцны і магутны, *
Пан, магутны ў барацьбе.

Ант. Cвяткуючы нараджэнне Панны Марыі, / праславім Хрыста, Яе Сына і нашага Пана.

Падыміце вярхі вашыя, брамы, †
узніміцеся, адвечныя вароты, *
каб увайшоў Кароль славы.

Хто Ён, гэты Кароль славы? *
Пан Магуццяў, Ён Кароль славы.

Ант. Cвяткуючы нараджэнне Панны Марыі, / праславім Хрыста, Яе Сына і нашага Пана.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн. 

Ант. Cвяткуючы нараджэнне Панны Марыі, / праславім Хрыста, Яе Сына і нашага Пана.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Ты гонар усяго чалавецтва,
Святая Божая Маці,
З Табою мы годнымі сталі
Святла называцца сынамі.

Са слаўнага дому Давіда,
Дачка каралеўскага роду,
Твой Сын большы быў за прарокаў,
За продкаў Тваіх найвялікшы.

Нас вырві з жыцця старога,
Змяні нашы думкі і розум,
З упадку ўзнімі чалавецтва,
Праз цноты вядзі нас да Бога.

Няхай моц Тваёй малітвы
Знішчае грэху кайданы,
Каб мы ўсе ў небе з Табою 
Маглі валадарыць навекі.

З Табою, Марыя, мы славім
Стварыцеля, Збаўцу і Бога,
Бо Ён учыніў Цябе Маці
Усялякіх дабротаў і ласкаў. Амэн.

ПСАЛЬМОДЫЯ

1 ант. Марыя прыняла благаслаўленне ад Пана * і міласэрнасць ад Бога, свайго Збаўцы.

Псальм 24 (23)

Пану належыць зямля і ўсё, што на ёй, *
сусвет і ўсё, што жыве ў ім.

Бо Ён заснаваў яго на морах *
і на рэках умацаваў яго.

Хто ўзыдзе на гару Пана, *
і хто стане на святым месцы Ягоным?

Той, у каго рукі бязвінныя і чыстае сэрца, †
хто не схіляў душы да марнасці *
і не прысягаў фальшыва.

Ён атрымае благаслаўленне ад Пана *
і ўзнагароду – ад Бога, свайго Збаўцы.

Вось пакаленне тых, хто Яго шукае, *
хто шукае аблічча Твайго, Бог Якуба.

Падыміце вярхі вашыя, брамы, †
узніміцеся, адвечныя вароты, *
каб увайшоў Кароль славы.

Хто ж гэты Кароль славы? †
Пан, моцны і магутны, *
Пан, магутны ў барацьбе.

Падыміце вярхі вашыя, брамы, †
узніміцеся, адвечныя вароты, *
каб увайшоў Кароль славы.

Хто Ён, гэты Кароль славы? *
Пан Магуццяў, Ён Кароль славы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Марыя прыняла благаслаўленне ад Пана * і міласэрнасць ад Бога, свайго Збаўцы.

2 ант. Найвышэйшы асвяціў * сваё жыллё.

Псальм 46 (45)

Бог – наша прыстанішча і сіла, *
надзейная дапамога ў нядолі.

Таму не будзем баяцца, †
калі б нават затрэслася зямля *
і горы ўпалі ў сярэдзіну мора.

Няхай шумяць і бурляць яго воды, *
а горы дрыжаць ад яго хвалявання.

Патокі рачныя весяляць горад Божы, *
святое жыллё Найвышэйшага.

Бог пасярод яго, і ён не пахіснецца, *
Бог дапаможа яму, калі прыйдзе світанак.

Зашумелі народы, усхваляваліся каралеўствы, *
Ягоны голас загучаў – і растапілася зямля.

Пан Магуццяў з намі, *
цвярдыня наша – Бог Якуба.

Прыйдзіце і ўбачце справы Пана, *
якія ўчыніў Ён на зямлі.

Ён спыняе войны да краю зямлі, †
ламае лук і знішчае зброю, *
паліць у агні калясніцы.

Спыніцеся і ведайце, што Я Бог, *
узнесены паміж народаў і ўзнесены на зямлі.

Пан Магуццяў з намі, *
цвярдыня наша – Бог Якуба.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Найвышэйшы асвяціў * сваё жыллё.

3 ант. Слаўныя рэчы сказаны пра Цябе, * Дзева Марыя.

Псальм 87 (86)

Умацаванне Яго на святых гарах, †
любіць Пан брамы Сіёна *
больш за ўсе шатры Якуба.

Абвяшчаецца твая хвала, *
горад Божы.

Узгадаю Егіпет і Бабілён *
сярод тых, хто ведае мяне,

вось філістымляне і Тыр з Эфіопіяй скажуць: *
«Той там нарадзіўся».

А пра Сіён будуць казаць: †
«Кожны чалавек на ім нарадзіўся, *
і Усемагутны яго ўмацаваў».

Пан напіша ў перапісе народаў: *
«Гэты там нарадзіўся».

І ў танцы будуць спяваць: *
«У табе ўсе крыніцы мае».

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Слаўныя рэчы сказаны пра Цябе, * Дзева Марыя.

К. Марыя захоўвала ўсе гэтыя словы.
Н. Разважаючы ў сэрцы сваім.

Першае чытанне

Кніга Быцця 3, 9-20

Прысуд грэшніку і абяцанне збаўлення

У той дзень: Паклікаў Пан Бог Адама і сказаў яму: «Дзе ты?» Ён адказаў: «Я пачуў голас твой у раі і спалохаўся, бо голы я, таму схаваўся». Сказаў Бог: «Хто сказаў табе, што ты голы? Можа еў ты з дрэва, з якога Я забараніў табе есці?» Адам сказаў: «Жанчына, якую Ты даў мне, яна дала мне, і еў я». І сказаў Пан Бог жанчыне: «Чаму ты гэта зрабіла?» Яна сказала: «Змей падмануў мяне, і ела я». Тады сказаў Пан Бог змею: «За тое, што ты зрабіў гэта, ты пракляты паміж усімі жывёламі і паміж усімі звярамі палявымі. На жываце сваім поўзаць будзеш і пыл будзеш есці праз усе дні жыцця свайго. Устанаўлю варожасць паміж табою і паміж жанчынаю, і паміж патомствам тваім, і паміж яе патомствам. Яно струшчыць табе галаву, а ты струшчыш яго пяту».

А жанчыне сказаў: «Памножу цярпенні твае ў тваёй цяжарнасці, у муках будзеш нараджаць патомства, да мужа твайго будзе скіравана прагненне тваё, а ён будзе панаваць над табою». 

Адаму ж Бог сказаў: «За тое, што ты паслухаў голас сваёй жонкі і еў з таго дрэва, з якога Я загадаў табе не есці, кажучы: не еш з яго, – праклятая будзе зямля праз цябе, у цяжкай працы будзеш здабываць ежу з яе ва ўсе дні жыцця свайго. Церні і асот яна будзе табе расціць, і ты будзеш есці палявыя травы. У поце аблічча свайго будзеш спажываць хлеб, пакуль не вернешся ў зямлю, з якой ты ўзяты, бо ты пылам ёсць і ў пыл вернешся».

І назваў Адам жонку сваю Евай, бо яна стала маці ўсіх жывых.

Рэспансорый

Н. Сёння нарадзілася Найсвяцейшая Панна Марыя з роду Давіда. * Праз Яе з’явіўся вернікам Збаўца свету.

К. Годна ўшануем нараджэнне Найсвяцейшай Панны Марыі. Н. Праз.

Другое чытанне

Малітва св. Андрэя Крыцкага, біскупа

(Oratio 1: PG 97, 806-810) 

Старое мінула, і вось – усё новае

«Вяршыняй жа Закону ёсць Хрыстус» (Рым 10, 4). Ён, вызваляючы нас ад Закону, узносіць таксама да духа. У Ім спаўняецца ўсё, бо як Правадыр, які ўсё споўніў і давёў да канца, замяніў літару Закону духам і прыцягнуў усё да сябе як Галава. Закон быў ажыўлены ласкай і падпарадкаваны ёй. А ласка гарманічна злучылася з Законам і з’ядналася з ім. Гэта не было змяшаннем ці зліццём уласцівасці Закону з уласцівасцю ласкі, але пераменай, здзейсненай праз Божую моц. Дзякуючы ёй, тое, што ў Законе было цяжкім, абцяжарвала і гняло, перамянілася ў тое, што лёгкае і свабоднае, каб мы ўжо не «служылі стыхіям свету» (Гал 4, 3) і не заставаліся пад ярмом літары Закону.

Менавіта ў гэтым заключаецца сутнасць ахвяраваных для нас Хрыстом дабрадзействаў, у гэтым выяўляецца намер Бога, у гэтым – прыніжэнне Боскай натуры – Бог і чалавек, у гэтым – абагаўленне прынятага Словам чалавека. Таму належала, каб такое цудоўнае і незвычайнае жыццё Бога сярод людзей было папярэджана пэўным увядзеннем у гэтую радасць, хвілінай, якая дала пачатак такому вялікаму для нас дару збаўлення. Менавіта гэта мы ўспамінаем падчас сённяшняга свята. Нараджэнне Багародзіцы з’яўляецца пачаткам, а выкананнем і мэтаю з’яўляецца з’яднанне Слова з целам. Вось прыходзіць у свет Дзева, прымае ежу і ўзрастае, каб быць Маці Бога, Караля вякоў.

Адсюль для нас выплывае падвойная карысць. Марыя вядзе нас да праўды і адрывае ад жыцця ў няволі Закону. Якім чынам? Дзякуючы чаму? Дзякуючы таму, што цемра саступае надыходзячаму святлу, што ласка прыносіць свабоду замест літары Закону. Сённяшняя ўрачыстасць вызначае межы гэтых часоў. Паказвае сувязь рэчаіснасці з сімваламі і прадказаннямі, замяняючы Стары Запавет Новым.

Таму няхай усё стварэнне спявае, радуецца і памнажае вяселле сённяшняга дня. Няхай усе жыхары зямлі і неба сёння адзначаюць урачыстасць. Няхай усе разам на зямлі і ў небе святкуюць. Бо сёння была ўзнесена святыня Стварыцелю сусвету, сёння стварэнне сілаю невыказнага намеру Бога рыхтуе Стварыцелю новае жыллё.

 

Рэспансорый

Н. Годна ўшануем нараджэнне Багародзіцы Марыі, заўсёды Панны. * Яе беззаганнае жыццё асвячае ўвесь Касцёл.

К. Сэрцам і душою спяваем хвалу Хрысту ў гэтае святое свята Вялікай Багародзіцы Марыі. Н. Яе.

ГІМН

Цябе, Бога, праслаўляем,
Табе, Пане, хвала вечна.

Неба і зямля спявае
Табе, Ойча векавечны.

Табе, Божа, ўсе анёлы,
3 імі Моцы і Нябёсы,

Херубімы, cерафімы
Гімн хвалы адвечны ўзносяць.

Святы, Святы над святымі
Бог магутны і ласкавы,

Над зямлёй і небам слыне
Неабсяжнасць Тваёй славы.

I Апосталы, і вучні,
Хор прарокаў, поўны хвалы,

3 імі мучанікаў лучнасць
Аддаюць Табе пашану.

У сугучным хоры льецца
Па усёй зямлі наўкола

Табе хвала з нашых сэрцаў,
Спеў святы Твайго Касцёла.

Сына з Духам суцяшэння,
Велічы Айца прамністай

Праслаўляе ўсё стварэнне, –
Валадар хвалы Ты, Хрыстэ.

Каб жа выбавіць свет цэлы
Праз свае святыя раны,

Сын Айца спрадвечны, цела
Ты прыняў ва ўлонні Панны.

Зруйнаваў Ты брамы смерці,
На крыжы ёй вырваў джала,

Каб для ўсіх, хто ў Цябе верыць,
Радасць вечная заззяла.

Праваруч Айца, у славе
Трон Твой, Збаўца наш адзіны,

Прыйдзеш зноў адтуль у яве,
Каб судзіць людскія чыны.

Грэшным Ты не дай загінуць, –
Будзь нам Збаўцам, не Суддзёю

I абмый нас ад правінаў
Дарагой сваёй крывёю.

Са святымі, ў бляску моцы
Захавай Тваіх абраных,

Пане, збаў народ Твой, просім,
Благаслаў Тваіх падданых.

Гэтую апошнюю частку гімна можна па жаданні прапусціць.

Шляхам нас вядзі бяспечным
У нябесны Ерузалем.

Цябе, Валадар адвечны,
Мы штодзённа праслаўляем.

Праз вякі гучыць няспынна
Спеў, што славіць Твае справы.

Пане, ад усіх правінаў
Захаваць нас будзь ласкавы.

Не пакінь жа свайго люду,
Божа, без Тваёй апекі.

Пану веру, дык не буду
Асаромлены навекі.

МАЛІТВА

Міласэрны Божа, нараджэнне Збаўцы з Найсвяцейшай Панны стала пачаткам нашага збаўлення, адары нас шчодра Тваёю ласкаю, каб свята Яе нараджэння ўмацавала супакой ва ўсім свеце. Праз Пана нашага.

Потым, прынамсі пры супольнай цэлебрацыі, дадаецца акламацыя:

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Святая Ўладарка нябёсаў,
О Каралева сусвету,
Нязгасная зорка мора,
О Маці і Панна Марыя.

Прыйдзі ўжо, любая Дзева,
Заззяй дабрадзейнасцю ў свеце.
Народзіш нам Божага Сына, 
Шляхетную Кветку ўлоння,

Святкуем сягоння свята
Твайго нараджэння, Марыя,
Хрыста, Бога і Чалавека,
Пад сэрцам сваім Ты насіла.

Зямлі жыхары Айчыну 
У небе сабе прыдбалі. 
Салодкі спакой і шчасце
Ізноў праз Цябе атрымалі.

Хвала няхай будзе Тройцы
Бясконцая з веку да веку,
Што можам назваць Цябе, Дзева,
Маці ласкавай Касцёла. Амэн.

ПСАЛЬМОДЫЯ

1 ант. Сёння нараджэнне Найсвяцейшай Панны Марыі, * якая паходзіла з патомства Абрагама, / выйшла з пакалення Юды, / з роду Давіда.

Псальм 63 (62), 2-9
Душа, якая прагне Бога

Той з Богам, хто адкідае ўчынкі цемры

Божа, мой Божа, Цябе шукаю, *
Цябе прагне душа мая.

Маё цела па Табе тужыць *
у зямлі пустыннай, засохлай і бязводнай.

Так, у святыні я ўглядаюся ў Цябе, *
каб убачыць Тваю сілу і славу.

Бо міласэрнасць Твая лепшая за жыццё, *
вусны мае будуць хваліць Цябе.

Так, буду благаслаўляць Цябе ў маім жыцці *
і ўзнясу рукі ў імя Тваё.

Душа мая насычаецца, нібы тлушчам і тукам, *
і вусны мае славяць Цябе радасным спевам;

калі ўзгадваю Цябе на маім ложы, *
разважаю пра Цябе ў начную варту.

Бо Ты стаў маёй дапамогай, *
у цені крылаў Тваіх узрадуюся.

Да Цябе імкнецца душа мая, *
трымае мяне Твая правіца.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Сёння нараджэнне Найсвяцейшай Панны Марыі, * якая паходзіла з патомства Абрагама, / выйшла з пакалення Юды, / з роду Давіда.

2 ант. Калі нарадзілася Найсвяцейшая Панна, * заззяла ў свеце святло надзеі; / благаслаўлёная Маці / і благаслаўлёны плод Яе ўлоння.

Песня (Дан 3, 57-88. 56)
Кожнае стварэнне хваліць Пана

Хваліце Бога нашага, усе Ягоныя слугі (Ап 19, 5)

Благаслаўляйце Пана, усе стварэнні Ягоныя, *
хваліце і ўзвялічвайце Яго навекі.

Нябёсы, благаслаўляйце Пана, *
благаслаўляйце Пана, анёлы Ягоныя.

Благаслаўляйце Пана, усе воды, што пад небам, *
няхай усялякая моц благаслаўляе Пана.

Благаслаўляйце Пана, сонца і месяц, *
благаслаўляйце Пана, нябесныя зоркі.

Благаслаўляйце Пана, усе дажджы і росы, *
благаслаўляйце Пана, усе вятры.

Благаслаўляйце Пана, агонь і спёка, *
благаслаўляйце Пана, холад і гарачыня.

Благаслаўляйце Пана, росы ды іней, *
благаслаўляйце Пана, мароз і холад.

Благаслаўляйце Пана, лёд і снег, *
благаслаўляйце Пана, дні і ночы.

Благаслаўляйце Пана, святло і цемра, *
благаслаўляйце Пана, маланкі і хмары.

Няхай зямля благаслаўляе Пана, *
няхай хваліць Яго і ўзвялічвае навекі.

Благаслаўляйце Пана, горы і ўзгоркі, *
благаслаўляйце Пана, усе расліны зямлі.

Благаслаўляйце Пана, крыніцы, *
благаслаўляйце Пана, моры і рэкі.

Благаслаўляйце Пана, кіты і ўсё, што плавае ў водах, *
благаслаўляйце Пана, усе нябесныя птушкі.

Благаслаўляйце Пана, усе звяры і жывёлы, *
благаслаўляйце Пана, чалавечыя сыны.

Няхай Ізраэль благаслаўляе Пана, *
хваліць і ўзвялічвае Яго навекі.

Благаслаўляйце Пана, святары Ягоныя, *
благаслаўляйце Пана, слугі Ягоныя.

Благаслаўляйце Пана, духі і душы справядлівых, *
благаслаўляйце Пана, святыя і пакорныя сэрцам.

Благаслаўляйце Пана, Ананія, Азарыя, Місаэль, *
хваліце і ўзвялічвайце Яго навекі.

Благаславім Айца і Сына, і Духа Святога, *
будзем хваліць і ўзвялічваць Яго навекі.

Благаслаўлёны Ты на скляпенні неба, *
годны хвалы і ўзвялічаны навекі.

2 ант. Калі нарадзілася Найсвяцейшая Панна, * заззяла ў свеце святло надзеі; / благаслаўлёная Маці / і благаслаўлёны плод Яе ўлоння.

3 ант. Мы з радасцю святкуем * Тваё нараджэнне, Святая Марыя, / заступайся за нас перад Езусам Хрыстом.

Псальм 149
Радасць святых

Дзеці Касцёла, дзеці новага народу радуюцца свайму Валадару – Хрысту (Хезыхій)

Спявайце Пану новую песню, *
хвала Яму на сходзе святых.

Няхай радуецца Ізраэль у тым, хто яго стварыў, *
сыны Сіёна няхай цешацца ў сваім Валадары.

Няхай праслаўляюць імя Ягонае ў танцы, *
няхай зайграюць Яму на бубне і арфе.

Бо Пан любіць свой народ, *
пакорных карануе збаўленнем.

Няхай усклікаюць святыя ў славе, *
няхай радуюцца на ложах сваіх.

Пахвала Богу на іх вуснах, *
а двухбаковы меч – у іхніх руках,

каб адпомсціць язычнікам *
і пакараць народы;

каб звязаць ланцугамі іх каралёў, *
а вяльможаў іх скаваць у жалезныя кайданы,

каб здзейсніць над імі запісаны прысуд: *
такая хвала для ўсіх Ягоных святых.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Мы з радасцю святкуем * Тваё нараджэнне, Святая Марыя, / заступайся за нас перад Езусам Хрыстом.

Кароткае чытанне Іс 11, 1-3а

Выйдзе парастак з пня Есэевага, і атожылак з кораня ягонага прынясе плод; і спачне на ім Дух Пана, дух мудрасці і разумення, дух парады і моцы, дух пазнання і боязі Пана. Напоўніцца бояззю Пана.

Кароткі рэспансорый

К. Бог выбраў Марыю * і вельмі палюбіў.
Н. Бог.
К. Пасяліў Яе ў сваім шатры.
Н. І вельмі.
К. Хвала Айцу.
Н. Бог.

ПЕСНЯ З ЕВАНГЕЛЛЯ

Ант. да песні Захарыі: Тваё нараджэнне, Багародзіца Панна, * прынесла радасць усяму свету, / з Цябе нарадзілася Сонца справядлівасці, Хрыстус, наш Бог. / Ён змяніў наш прысуд і вярнуў ласку, / Ён перамог смерць і даў нам вечнае жыццё. 

Песня Захарыі (Лк 1, 68-79)
Месія і Яго папярэднік

Благаслаўлёны Пан, Бог Ізраэля, *
бо наведаў і адкупіў народ свой,

і ўзняў моц збаўлення для нас *
у доме Давіда, слугі свайго.

Як абвясціў спрадвеку *
вуснамі сваіх святых прарокаў,

што збавіць нас ад ворагаў нашых *
і ад рук усіх, хто нас ненавідзіць.

Каб праявіць міласэрнасць да айцоў нашых *
і нагадаць пра святы запавет свой.

Прысягу, якую даў Абрагаму, айцу нашаму, *
дасць нам.

Каб, выбаўленыя з рук ворагаў, *
мы без страху служылі Яму

ў святасці і справядлівасці перад Ім *
ва ўсе дні нашыя.

А ты, дзіцятка, прарокам Найвышэйшага будзеш названа, *
бо пойдзеш прад абліччам Пана падрыхтаваць шляхі Яму,

каб даць народу Ягонаму пазнаць збаўленне *
праз адпушчэнне яго грахоў,

дзякуючы сардэчнай міласэрнасці нашага Бога,*
у якой наведаў нас Усход з вышыні;

каб асвятліць тых, *
хто сядзіць у цемры і ў цені смяротным;

каб накіраваць ногі нашыя *
на шлях спакою.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Захарыі: Тваё нараджэнне, Багародзіца Панна, * прынесла радасць усяму свету, / з Цябе нарадзілася Сонца справядлівасці, Хрыстус, наш Бог. / Ён змяніў наш прысуд і вярнуў ласку, / Ён перамог смерць і даў нам вечнае жыццё. 

ПРОСЬБЫ

Ушаноўваючы нашага Збаўцу, які нарадзіўся ад Панны Марыі, узнясём малітвы:
Пане, няхай Твая Маці заступаецца за нас.

Езу, Сонца справядлівасці, якое апярэдзіла, як ранішняя зорка, Марыя,
– дапамажы нам заўсёды жыць у Тваім святле.

Езу, спрадвечнае Слова, Ты выбраў сабе Марыю як незнішчальны каўчэг жылля,
– вызвалі нас ад сапсаванасці граху.

Наш Збаўца, Твая Маці стаяла ля крыжа,
– дай нам праз Яе заступніцтва радавацца ўдзелу ў Тваіх цярпеннях.

Найласкавейшы Езу, укрыжаваны, Ты даў Яну Марыю як Маці,
– дапамажы нам так жыць, каб быць прызнанымі Яе дзецьмі.

Ойча наш.

МАЛІТВА

Міласэрны Божа, нараджэнне Збаўцы з Найсвяцейшай Панны стала пачаткам нашага збаўлення, адары нас шчодра Тваёю ласкаю, каб свята Яе нараджэння ўмацавала супакой ва ўсім свеце. Праз Пана нашага.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Цяпер мы заклікаем Духа,
Адзінага з Айцом і Сынам:
Прыйдзі і жыватворнай ласкай
Напоўні шчодра нашы сэрцы.

Пачуцці, вусны, розум, воля
Няхай абвесцяць Тваю славу.
Любоў няхай агнём палае,
А жар яе – абудзіць бліжніх.

Дай праз Цябе пазнаць Айца нам
І Сына, што з Яго паходзіць,
Каб шчырай верай вызнавалі,
Што Ты адзіны ў Святой Тройцы. Амэн.

ПСАЛЬМОДЫЯ

Ант. Сёння мы адзначаем * нараджэнне Найсвяцейшай Панны Марыі. / Яе беззаганнае жыццё / асвячае ўвесь Касцёл.

Псальм 119 (118), 97-104
ХІІІ (Мэм)

Як жа я люблю Твой закон, *
я разважаю над ім увесь дзень.

Твая запаведзь †
учыніла мяне мудрэйшым за маіх ворагаў, *
бо яна мая навекі.

За ўсіх настаўнікаў сваіх я стаў разумнейшы, *
бо разважаю над Тваімі сведчаннямі.

Я больш разважлівы, чым старцы, *
бо захоўваю Твае наказы.

Устрымліваю ногі свае ад кожнай злой сцежкі, *
каб захоўваць Тваё слова.

Не ўхіляюся ад Тваіх прысудаў, *
бо Ты вучыш мяне.

Якія салодкія словы Твае для майго паднябення, *
саладзейшыя за мёд для маіх вуснаў.

Я разумнею ад Тваіх наказаў, *
таму я ненавіджу ўсякі шлях ілжывы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Сёння мы адзначаем * нараджэнне Найсвяцейшай Панны Марыі. / Яе беззаганнае жыццё / асвячае ўвесь Касцёл.

Псальм 74 (73)
Плач над разбуранай святыняй

Не бойцеся тых, хто забівае цела (Мц 10, 28)

І (1-12)

Навошта, Божа, Ты адкінуў нас назаўсёды, †
чаму распаліўся гнеў Твой *
на авечак пашы Тваёй?

Успомні пра грамаду сваю, набытую здаўна, †
пра адкупленае пакаленне спадчыны Тваёй, *
пра гару Сіён, на якой Ты пасяліўся.

Скіруй свае крокі да вечных руінаў: *
усё вораг знішчыў у святыні.

На месцы сходаў рыкаюць ненавіснікі Твае, *
паставілі там свае знакі.

Бачна, як падымаюць высока сякеры, *
нібы ў гушчары лесу.

Выбілі брамы святыні сякерамі і малаткамі. †
Святыню Тваю аддалі ў агонь, *
зняславілі дашчэнту сялібу імя Твайго.

Сказалі ў сэрцы сваім: †
«Знішчым іх разам», – *
і спалілі ўсе месцы Божых сходаў на зямлі.

Мы не бачылі больш нашых знакаў, †
няма больш прарока, і няма сярод нас нікога, *
хто б ведаў, дакуль гэта будзе.

Дакуль, Божа, будзе насміхацца Твой вораг? *
Ці будзе вечна вораг зневажаць імя Тваё?

Навошта стрымліваеш сваю руку і сваю правіцу? *
Выцягні яе з­за пазухі сваёй і пазнішчай іх.

Бог – мой Кароль спрадвеку, *
які здзяйсняе збаўленне пасярод зямлі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

ІІ (13-23)

Ты сваёй моцай раздзяліў мора, *
раструшчыў галовы цмокаў сярод водаў.

Ты разбіў галаву левіятану *
і аддаў яго на спажыву марскім пачварам.

Ты выкрасаў крыніцу і паток *
і высушыў мнагаводныя рэкі.

Дзень і ноч належаць Табе, *
Ты стварыў свяцілы і сонца.

Ты ўстанавіў усе межы зямлі, *
лета і зіму, Ты іх сфармаваў.

Памятай пра тое, †
што вораг зняважыў Пана, *
а шалёны народ пагарджае імем Тваім.

Не аддавай звярам душы туркаўкі Тваёй. *
Не забывай ніколі пра жыццё ўбогіх Тваіх.

Глянь на запавет, *
бо сховішчы зямлі напоўніліся шатрамі гвалту.

Няхай прыгнечаны не вяртаецца асаромленым, *
бедны і ўбогі няхай славяць імя Тваё.

Устань, Божа, рассудзі сваю справу, †
успомні пра знявагі свае, *
што кожны дзень церпіш ад неразумнага.

Не забывай пра голас ворагаў Тваіх, *
заўжды расце крык тых, хто бунтуе супраць Цябе.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Кароткае чытанне Пп 6, 10

Кім ёсць тая, што свеціць з вышыні нібы зорка світання, прыгожая як месяц, яркая нібы сонца, магутная як войскі пад харугвамі.

К. Шчаслівыя, хто слухае слова Божае.

Н. І захоўвае яго.

МАЛІТВА

Міласэрны Божа, нараджэнне Збаўцы з Найсвяцейшай Панны стала пачаткам нашага збаўлення, адары нас шчодра Тваёю ласкаю, каб свята Яе нараджэння ўмацавала супакой ва ўсім свеце. Праз Пана нашага.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Божа, Валадар магутны,
Ты кіруеш зменай часу:
Раніцай даеш заранку
І апоўдні ззянне сонца.

Пагасі агонь нязгоды,
Астудзі спякоту гневу,
Прынясі здароўе целу
І спакой праўдзівы ў сэрцы.

Дай нам гэта, добры Ойча,
У адзінстве з Тваім Сынам,
Разам з Духам Суцяшэння,
Бо Ты валадарыш вечна. Амэн.

ПСАЛЬМОДЫЯ

Ант. З каралеўскага роду Давіда * нарадзілася Марыя; / просім усёй душою і сэрцам: / няхай Яе заступніцтва дапамагае нам.

Псальм 119 (118), 97-104
ХІІІ (Мэм)

Як жа я люблю Твой закон, *
я разважаю над ім увесь дзень.

Твая запаведзь †
учыніла мяне мудрэйшым за маіх ворагаў, *
бо яна мая навекі.

За ўсіх настаўнікаў сваіх я стаў разумнейшы, *
бо разважаю над Тваімі сведчаннямі.

Я больш разважлівы, чым старцы, *
бо захоўваю Твае наказы.

Устрымліваю ногі свае ад кожнай злой сцежкі, *
каб захоўваць Тваё слова.

Не ўхіляюся ад Тваіх прысудаў, *
бо Ты вучыш мяне.

Якія салодкія словы Твае для майго паднябення, *
саладзейшыя за мёд для маіх вуснаў.

Я разумнею ад Тваіх наказаў, *
таму я ненавіджу ўсякі шлях ілжывы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. З каралеўскага роду Давіда * нарадзілася Марыя; / просім усёй душою і сэрцам: / няхай Яе заступніцтва дапамагае нам.

Псальм 74 (73)
Плач над разбуранай святыняй

Не бойцеся тых, хто забівае цела (Мц 10, 28)

І (1-12)

Навошта, Божа, Ты адкінуў нас назаўсёды, †
чаму распаліўся гнеў Твой *
на авечак пашы Тваёй?

Успомні пра грамаду сваю, набытую здаўна, †
пра адкупленае пакаленне спадчыны Тваёй, *
пра гару Сіён, на якой Ты пасяліўся.

Скіруй свае крокі да вечных руінаў: *
усё вораг знішчыў у святыні.

На месцы сходаў рыкаюць ненавіснікі Твае, *
паставілі там свае знакі.

Бачна, як падымаюць высока сякеры, *
нібы ў гушчары лесу.

Выбілі брамы святыні сякерамі і малаткамі. †
Святыню Тваю аддалі ў агонь, *
зняславілі дашчэнту сялібу імя Твайго.

Сказалі ў сэрцы сваім: †
«Знішчым іх разам», – *
і спалілі ўсе месцы Божых сходаў на зямлі.

Мы не бачылі больш нашых знакаў, †
няма больш прарока, і няма сярод нас нікога, *
хто б ведаў, дакуль гэта будзе.

Дакуль, Божа, будзе насміхацца Твой вораг? *
Ці будзе вечна вораг зневажаць імя Тваё?

Навошта стрымліваеш сваю руку і сваю правіцу? *
Выцягні яе з­за пазухі сваёй і пазнішчай іх.

Бог – мой Кароль спрадвеку, *
які здзяйсняе збаўленне пасярод зямлі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

ІІ (13-23)

Ты сваёй моцай раздзяліў мора, *
раструшчыў галовы цмокаў сярод водаў.

Ты разбіў галаву левіятану *
і аддаў яго на спажыву марскім пачварам.

Ты выкрасаў крыніцу і паток *
і высушыў мнагаводныя рэкі.

Дзень і ноч належаць Табе, *
Ты стварыў свяцілы і сонца.

Ты ўстанавіў усе межы зямлі, *
лета і зіму, Ты іх сфармаваў.

Памятай пра тое, †
што вораг зняважыў Пана, *
а шалёны народ пагарджае імем Тваім.

Не аддавай звярам душы туркаўкі Тваёй. *
Не забывай ніколі пра жыццё ўбогіх Тваіх.

Глянь на запавет, *
бо сховішчы зямлі напоўніліся шатрамі гвалту.

Няхай прыгнечаны не вяртаецца асаромленым, *
бедны і ўбогі няхай славяць імя Тваё.

Устань, Божа, рассудзі сваю справу, †
успомні пра знявагі свае, *
што кожны дзень церпіш ад неразумнага.

Не забывай пра голас ворагаў Тваіх, *
заўжды расце крык тых, хто бунтуе супраць Цябе.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Кароткае чытанне Пп 6, 10

Благаслаўлёны Пан Бог наш, які стварыў неба і зямлю. Твая надзея ніколі не праміне ў сэрцах людзей, што ўспамінаюць моц Божую.

К. Шчаслівае ўлонне Панны Марыі.

Н. Якое насіла Сына спрадвечнага Айца.

МАЛІТВА

Міласэрны Божа, нараджэнне Збаўцы з Найсвяцейшай Панны стала пачаткам нашага збаўлення, адары нас шчодра Тваёю ласкаю, каб свята Яе нараджэння ўмацавала супакой ва ўсім свеце. Праз Пана нашага.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Божа моцны, усё стварэнне
У Тваіх руках трывае.
Дзённага святла гадзінаў
Ты парадак вызначаеш.

Вечар наш напоўні ззяннем,
Каб святло жыцця не згасла,
І пасля зямной вандроўкі
Мы прыйшлі да вечнай славы.

Дай нам гэта, добры Ойча,
У адзінстве з Тваім Сынам,
Разам з Духам Суцяшэння,
Ты, што валадарыш вечна. Амэн.

ПСАЛЬМОДЫЯ

Ант. Сэрцам і душою спявайма хвалу Хрысту * у гэтае свята Багародзіцы Марыі.

Псальм 119 (118), 97-104
ХІІІ (Мэм)

Як жа я люблю Твой закон, *
я разважаю над ім увесь дзень.

Твая запаведзь †
учыніла мяне мудрэйшым за маіх ворагаў, *
бо яна мая навекі.

За ўсіх настаўнікаў сваіх я стаў разумнейшы, *
бо разважаю над Тваімі сведчаннямі.

Я больш разважлівы, чым старцы, *
бо захоўваю Твае наказы.

Устрымліваю ногі свае ад кожнай злой сцежкі, *
каб захоўваць Тваё слова.

Не ўхіляюся ад Тваіх прысудаў, *
бо Ты вучыш мяне.

Якія салодкія словы Твае для майго паднябення, *
саладзейшыя за мёд для маіх вуснаў.

Я разумнею ад Тваіх наказаў, *
таму я ненавіджу ўсякі шлях ілжывы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Сэрцам і душою спявайма хвалу Хрысту * у гэтае свята Багародзіцы Марыі.

Псальм 74 (73)
Плач над разбуранай святыняй

Не бойцеся тых, хто забівае цела (Мц 10, 28)

І (1-12)

Навошта, Божа, Ты адкінуў нас назаўсёды, †
чаму распаліўся гнеў Твой *
на авечак пашы Тваёй?

Успомні пра грамаду сваю, набытую здаўна, †
пра адкупленае пакаленне спадчыны Тваёй, *
пра гару Сіён, на якой Ты пасяліўся.

Скіруй свае крокі да вечных руінаў: *
усё вораг знішчыў у святыні.

На месцы сходаў рыкаюць ненавіснікі Твае, *
паставілі там свае знакі.

Бачна, як падымаюць высока сякеры, *
нібы ў гушчары лесу.

Выбілі брамы святыні сякерамі і малаткамі. †
Святыню Тваю аддалі ў агонь, *
зняславілі дашчэнту сялібу імя Твайго.

Сказалі ў сэрцы сваім: †
«Знішчым іх разам», – *
і спалілі ўсе месцы Божых сходаў на зямлі.

Мы не бачылі больш нашых знакаў, †
няма больш прарока, і няма сярод нас нікога, *
хто б ведаў, дакуль гэта будзе.

Дакуль, Божа, будзе насміхацца Твой вораг? *
Ці будзе вечна вораг зневажаць імя Тваё?

Навошта стрымліваеш сваю руку і сваю правіцу? *
Выцягні яе з­за пазухі сваёй і пазнішчай іх.

Бог – мой Кароль спрадвеку, *
які здзяйсняе збаўленне пасярод зямлі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

ІІ (13-23)

Ты сваёй моцай раздзяліў мора, *
раструшчыў галовы цмокаў сярод водаў.

Ты разбіў галаву левіятану *
і аддаў яго на спажыву марскім пачварам.

Ты выкрасаў крыніцу і паток *
і высушыў мнагаводныя рэкі.

Дзень і ноч належаць Табе, *
Ты стварыў свяцілы і сонца.

Ты ўстанавіў усе межы зямлі, *
лета і зіму, Ты іх сфармаваў.

Памятай пра тое, †
што вораг зняважыў Пана, *
а шалёны народ пагарджае імем Тваім.

Не аддавай звярам душы туркаўкі Тваёй. *
Не забывай ніколі пра жыццё ўбогіх Тваіх.

Глянь на запавет, *
бо сховішчы зямлі напоўніліся шатрамі гвалту.

Няхай прыгнечаны не вяртаецца асаромленым, *
бедны і ўбогі няхай славяць імя Тваё.

Устань, Божа, рассудзі сваю справу, †
успомні пра знявагі свае, *
што кожны дзень церпіш ад неразумнага.

Не забывай пра голас ворагаў Тваіх, *
заўжды расце крык тых, хто бунтуе супраць Цябе.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Кароткае чытанне Ап 2 1, 3

Вось скінія Бога з людзьмі, які будзе жыць з імі; яны будуць Ягоным народам, а Ён будзе «Богам з імі».

К. Благаслаўлёная Ты між жанчынамі.

Н. І благаслаўлёны плод улоння Твайго.

МАЛІТВА

Міласэрны Божа, нараджэнне Збаўцы з Найсвяцейшай Панны стала пачаткам нашага збаўлення, адары нас шчодра Тваёю ласкаю, каб свята Яе нараджэння ўмацавала супакой ва ўсім свеце. Праз Пана нашага.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Ты гонар усяго чалавецтва,
Святая Божая Маці,
З Табою мы годнымі сталі
Святла называцца сынамі.

Са слаўнага дому Давіда,
Дачка каралеўскага роду,
Твой Сын большы быў за прарокаў,
За продкаў Тваіх найвялікшы.

Нас вырві з жыцця старога,
Змяні нашы думкі і розум,
З упадку ўзнімі чалавецтва,
Праз цноты вядзі нас да Бога.

Няхай моц Тваёй малітвы
Знішчае грэху кайданы,
Каб мы ўсе ў небе з Табою 
Маглі валадарыць навекі.

З Табою, Марыя, мы славім
Стварыцеля, Збаўцу і Бога,
Бо Ён учыніў Цябе Маці
Усялякіх дабротаў і ласкаў. Амэн.

ПСАЛЬМОДЫЯ

1 ант. Дух Святы сышоў на Панну Марыю, * якая паходзіла з роду Есэя.

Псальм 122 (121)

Узрадаваўся я, калі мне сказалі: *
«Пойдзем у дом Пана».

Вось стаяць нашыя ногі *
ў брамах тваіх, Ерузалем.

Ерузалем пабудаваны як горад, *
дзе ўсё злучана ў адно.

Туды ўзыходзяць пакаленні, пакаленні Пана, *
каб, паводле сведчання Ізраэля, праслаўляць імя Пана.

Там стаяць судовыя троны, *
троны дома Давіда.

Прасіце спакою для Ерузалема: *
«Няхай спакой маюць тыя, хто любіць Цябе.

Няхай будзе спакой у мурах Тваіх, *
дабрабыт у палацах Тваіх!»

Дзеля братоў маіх і бліжніх маіх *
скажу я: «Спакой табе!»

Дзеля дома Пана, Бога нашага, *
буду жадаць дабра табе.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Дух Святы сышоў на Панну Марыю, * якая паходзіла з роду Есэя.

2 ант. Сёння мы адзначаем * нараджэнне Найсвяцейшай Панны Марыі; / Бог убачыў прыгажосць пакорнай душы / і наведаў Яе.

Псальм 127 (126)

Калі Пан не будуе дом, *
то будаўнікі працуюць дарэмна.

Калі Пан не пільнуе горад, *
то вартаўнікі дарэмна чуваюць.

Дарэмна, што вы рана ўстаеце, *
позна кладзецеся і хлеб ясце гаротны,

бо свайму ўмілаванаму *
Ён дае гэта, калі той спіць.

Вось нашчадкі – спадчына ад Пана, *
а плод улоння – узнагарода.

Быццам стрэлы ў руцэ асілка, *
так сыны маладыя.

Шчаслівы той чалавек, *
які напоўніў імі свой калчан,

ён не будзе саромецца, *
калі будуць яны размаўляць з ворагам у браме.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Сёння мы адзначаем * нараджэнне Найсвяцейшай Панны Марыі; / Бог убачыў прыгажосць пакорнай душы / і наведаў Яе.

3 ант. Благаслаўлёная Ты, Святая Багародзіца, Панна Марыя; * заступайся перад Панам за тых, хто святкуе Тваё нараджэнне. 

Песня (Эф 1, 3-10)

Благаслаўлёны Бог *
і Айцец Пана нашага Езуса Хрыста,

які благаславіў нас у Хрысце *
ўсялякім духоўным благаслаўленнем на нябёсах

i выбраў нас у Ім перад стварэннем свету, †
каб мы былі святымі і беззаганнымі *
перад Ім у любові.

Ён прадвызначыў нас для ўсынаўлення †
праз Езуса Хрыста, *
паводле ўпадабання сваёй волі,

дзеля хвалы сваёй праслаўленай ласкі, *
якою Ён адарыў нас ва Умілаваным.

У Ім мы маем адкупленне Ягонаю крывёю, *
дараванне правінаў,

паводле багацця ласкі Ягонай, †
якою шчодра адарыў нас *
ва ўсялякай мудрасці і разуменні,

дазволіўшы нам пазнаць †
таямніцу сваёй волі, *
паводле свайго ўпадабання,

якое раней паклаў у Ім *
для спаўнення паўнаты часу,

каб аб’яднаць усё ў Хрысце: *
тое, што на нябёсах і на зямлі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Благаслаўлёная Ты, Святая Багародзіца, Панна Марыя; * заступайся перад Панам за тых, хто святкуе Тваё нараджэнне. 

Кароткае чытанне Рым 9, 4-5

Гэта ізраэльцяне, якім належыць усынаўленне, і хвала, і запаветы, і ўстанаўленне законаў, і Божае служэнне, і абяцанні. Да іх належаць айцы, і з іх паводле цела – Хрыстус, Бог над усімі, благаслаўлёны навекі. Амэн.

Кароткі рэспансорый
К. Вітай, Марыя, поўная ласкі, * Пан з Табою.
Н. Вітай.
К. Благаслаўлёная Ты між жанчынамі і благаслаўлёны плод улоння Твайго.
Н. Пан.
К. Хвала Айцу.
Н. Вітай.

ПЕСНЯ З ЕВАНГЕЛЛЯ

Ант. да песні Марыі: Мы ўспамінаем нараджэнне Найсвяцейшай Панны Марыі; * Бог глянуў на Яе пакору, / і Яна, паводле слова анёла, / зачала Адкупіцеля свету.

Песня Марыі (Лк 1, 46-55)
Радасць душы ў Пану

Велічае душа мая Пана, *
і ўзрадаваўся дух мой у Богу, маім Збаўцу,

бо глянуў Бог на пакору сваёй слугі. *
І цяпер благаслаўляць мяне будуць усе пакаленні.

Бо вялікае ўчыніў мне Усемагутны, *
а імя Яго святое.

І міласэрнасць Яго з пакалення ў пакаленне *
над тымі, хто Яго баіцца.

Паказаў моц сваёй правіцы, *
рассеяў тых, хто пыхлівы сэрцам.

Скінуў магутных з трону *
і ўзвысіў пакорных.

Дабром галодных насыціў, *
а багатых ні з чым адправіў.

Прыняў свайго слугу Ізраэля, *
памятаючы пра сваю міласэрнасць,

як абяцаў бацькам нашым - *
Абрагаму і яго патомству навекі.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Марыі: Мы ўспамінаем нараджэнне Найсвяцейшай Панны Марыі; * Бог глянуў на Яе пакору, / і Яна, паводле слова анёла, / зачала Адкупіцеля свету.

ПРОСЬБЫ

Праслаўляем усемагутнага Бога Айца, які пажадаў, каб Марыю, Маці Ягонага Сына, шанавалі ўсе пакаленні, і просім Яго:
Няхай поўная ласкі заступаецца за нас.

Ты ўчыніў Марыю Маці Міласэрнасці,
– дай зведаць Яе мацярынскую любоў тым, хто знаходзіцца ў небяспецы.

Ты пажадаў, каб у доме Езуса і Юзафа Марыя стала Маці сям’і,
– учыні, каб праз Яе заступніцтва ўсе маці ахоўвалі ў сем’ях любоў і святасць.

Ты ўмацаваў Марыю, калі Яна стаяла каля крыжа, і ў час уваскрасення Сына напоўніў Яе радасцю,
– дапамагай прыгнечаным і ўмацоўвай іхнюю надзею.

Ты ўчыніў Марыю паслухмянай Твайму слову і сва­ёю вернаю слугою,
– праз Яе заступніцтва ўчыні нас слугамі і вучнямі Твайго Сына.

Ты ўкаранаваў Марыю на Уладарку неба,
– учыні, каб памерлыя вечна цешыліся ў Твамі валадарстве разам са святымі.

Ойча наш.

МАЛІТВА

Міласэрны Божа, нараджэнне Збаўцы з Найсвяцейшай Панны стала пачаткам нашага збаўлення, адары нас шчодра Тваёю ласкаю, каб свята Яе нараджэння ўмацавала супакой ва ўсім свеце. Праз Пана нашага.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пасля гэтага пажадана зрабіць рахунак сумлення.

ГІМН

О Хрыстэ, Ты дзень поўны бляску,
Знішчаеш цемру начную.
Ў Табе пачатак святла ёсць,
І дорыш яго Ты абраным.

Таму Цябе вельмі просім:
Абарані нас ад злога,
І адары нас спакоем,
І сілы новыя дай нам.

Калі ўжо сон нас агорне,
Хай сэрца чувае з Табою,
І верных, што Цябе любяць,
Ты захавай сваёй моцай.

Зірні на нас, Божа і Пане,
Зруйнуй усе злыя намеры
І аддалі ўсе спакусы,
Бо нас Ты крывёй сваёй збавіў.

О Хрыстэ, Уладар Наймілейшы,
Цябе, як Айца, так і Духа,
Усё, што пад небам жывое,
Няхай праслаўляе бясконца. Амэн.

ПСАЛЬМОДЫЯ

Ант. Не хавай, Божа, свайго аблічча ад мяне, * бо я на Цябе спадзяюся.

Псальм 143 (142), 1-11
Малітва ў нядолі

Чалавек апраўдваецца не ўчынкамі паводле Закону, а толькі вераю ў Езуса Хрыста (Гал 2, 16).

Пане, выслухай маю малітву, †
у сваёй вернасці пачуй мой енк, *
адкажы мне паводле сваёй справядлівасці.

Не ўваходзь на суд са слугою сваім, *
бо ніхто з жывых не апраўдаецца перад Табою.

Вораг пераследуе маю душу, *
топча на зямлі маё жыццё,

кідае мяне ў цемру, *
як памерлых назаўсёды.

Млее ўва мне мой дух, *
трывожыцца ўва мне маё сэрца.

Я памятаю даўнія дні, †
разважаю пра ўсе Твае чыны, *
раздумваю над справамі рук Тваіх.

Працягваю свае рукі да Цябе, *
душа мая прагне Цябе, як высахлая зямля.

Паспяшы адказаць мне, Пане, *
дух мой знемагае.

Не хавай свайго аблічча ад мяне, †
каб я не прыпадобніўся да тых, *
хто сыходзіць у магілу.

Дазволь мне ўжо раніцай пачуць †
пра Тваю міласэрнасць, *
бо я на Цябе спадзяюся.

Пакажы мне шлях, якім я павінен ісці, *
бо да Цябе я ўзношу сваю душу.

Вызвалі мяне, Пане, ад ворагаў маіх, *
бо я да Цябе ўцякаю.

Навучы мяне выконваць Тваю волю, *
бо Ты мой Бог.

Няхай Твой добры дух вядзе мяне *
па роўнай зямлі.

Дзеля імені твайго, Пане, ажыві мяне, †
паводле справядлівасці Тваёй *
выведзі маю душу з нядолі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Не хавай, Божа, свайго аблічча ад мяне, * бо я на Цябе спадзяюся.

КАРОТКАЕ ЧЫТАННЕ 1 П 5, 8-9а
Будзьце цвярозымі, чувайце. Праціўнік ваш, д’ябал, як леў кружыць з рыкам, шукаючы, каго пажэрці. Моцныя ў веры, станьце супраць яго.

К. У рукі Твае, Пане, * аддаю я дух мой.
Н. У рукі Твае, Пане, * аддаю я дух мой.
К. Ты нас адкупіў, Пане Божа верны.
Н. Аддаю я дух мой.
К. Хвала Айцу і Сыну, і Духу Святому.
Н. У рукі Твае, Пане, * аддаю я дух мой.

ПЕСНЯ З ЕВАНГЕЛЛЯ

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

Песня Сімяона (Лк 2, 29-32)
Хрыстус – святло народаў і хвала Ізраэля

Цяпер адпускаеш слугу Твайго, Валадару, *
паводле слова Твайго, у спакоі;

бо вочы мае ўбачылі збаўленне Тваё, *
якое падрыхтаваў Ты перад абліччам усіх народаў, 

святло для асвятлення язычнікаў *
і хвалу народу Твайго Ізраэля.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

МАЛІТВА

Пане, просім Цябе, асвятлі ласкава гэтую ноч і ўчыні, каб мы, Твае слугі, заснулі спакойна і з радасцю прачнуліся дзеля Твайго імя ў яснасці новага дня. Праз Хрыста, Пана нашага. Амэн.

Потым, нават тады, калі Камплета чытаецца індывідуальна, прамаўляецца благаслаўленне:

Ноч спакойную і смерць шчаслівую няхай дасць нам Бог усемагутны, Айцец і Сын, і Дух Святы.
Н. Амэн.

АНТЫФОНЫ НА ЗАКАНЧЭННЕ ДА НАЙСВЯЦЕЙШАЙ ПАННЫ МАРЫІ

Дзева, Маці Адкупіцеля,
брама раю нябеснага,
зорка мора й ратунак
для чалавека грэшнага.
Падтрымай люд знясілены,
што імкнецца да святасці,
Ты, што чынам дзівосным
нарадзіла Збавіцеля,
свайго святога Стварыцеля.
Прывітана анёлам, усесвятая Марыя,
барані нас ад грэху і за нас заступіся.

Або:

Вітай, неба Уладарка,
Вітай, Панна анёлаў,
Вітай, Ружа і Брама;
Яснасць свету дала Ты.
Цешся, Панна хвалебная,
Па­над усё прыгажэйшая,
Вітай, Маці нябесная;
Заступіся за нас Ты.

Або:

Вітай, Каралева,
Маці міласэрнасці,
жыццё, асалода і надзея наша, вітай!
Да Цябе звяртаемся мы, выгнаннікі, дзеці Евы.
Да Цябе ўздыхаем, стогнучы і плачучы
ў гэтай слёз даліне.
Дык звярні на нас, Заступніца наша,
Твае міласэрныя вочы.
І Езуса, благаславёны плод улоння Твайго,
з’яві нам пасля выгнання гэтага.
О ласкавая, о літасцівая,
о салодкая Панна Марыя.

Або:

Тваёй абароне аддаемся,
Святая Багародзіца,
У нашых патрэбах
Не пагарджай маленнем нашым.
І ад усялякай злой прыгоды
Выбаўляй нас заўсёды,
Панна хвалебная і благаслаўлёная.
О пані наша, Апякунка наша,
Суцяшальніца наша, Ты Заступніца наша,
З Сынам сваім нас паяднай,
Сыну свайму нас даручай,
Сыну свайму с аддавай.