Літургія гадзінаў

Аўторак - 29 верасня 2026
СВ. МІХАЛА, ГАБРЫЭЛЯ І РАФАЛА, АРХАНЁЛАЎ
Свята

ЗАКЛІК

Заклік з’яўляецца пачаткам штодзённай літургічнай малітвы. Ён папярэднічае Гадзіне чытанняў або Ютрані, у залежнасці ад таго, якая з гэтых літургічных гадзінаў распачынае малітву дня.

К. Пане, адкрый мае вусны.
Н. І вусны мае будуць абвяшчаць Тваю хвалу.

Ант. Прыйдзіце, паклонімся Пану / разам з анёламі.

Псальм 100 (99)
Радасць тых, хто ўваходзіць у святыню

Пан хоча, каб адкупленыя спявалі песню перамогі (св. Атаназій)

Усклікай Пану, уся зямля. *
З радасцю служыце Пану.

Станьце перад Яго абліччам *
з радасным спевам.

Ант. Прыйдзіце, паклонімся Пану / разам з анёламі.

Ведайце, што Пан ёсць Богам, *
Ён стварыў нас, і мы Ягоныя.

Мы – Яго народ *
і авечкі Ягонай пашы.

Ант. Прыйдзіце, паклонімся Пану / разам з анёламі.

Уваходзьце ў брамы Яго з падзякаю, †
на дзядзінцы Ягоныя з гімнам хвалы, *
праслаўляйце і благаслаўляйце Яго імя.

Бо Пан ёсць добры, †
навекі Ягоная міласэрнасць, *
і вернасць Яго з пакалення ў пакаленне.

Ант. Прыйдзіце, паклонімся Пану / разам з анёламі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Прыйдзіце, паклонімся Пану / разам з анёламі.

ГАДЗІНА ЧЫТАННЯЎ

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Гімн спяваем арханёлам
Ва ўрачысты дзень іх свята,
Неба поўніцца хвалою
Светлых слугаў дому Пана.

Міхал, князь нябесных войскаў,
Мужны воін, пераможца,
Будзь надзейнай абаронай,
Стань цвярдыняй ласкі Божай.

Габрыэль, ты быў абраны
Несці таямніцы Бога;
Навучы не адхіляцца
Ад шляхоў любові Божай.

Рафал, правадыр надзейны,
Захавай нас ад хваробаў,
Будзь для душаў паратункам,
Каб не збіцца з дарог Божых.

Чыстыя нябёсаў духі,
Сцеражыце нас ад злога,
Каб маглі мы разам з вамі
Радавацца ў доме Пана.

Слава будзь Айцу і Сыну,
Суцяшыцелю таксама,
Хор анёлаў хай спявае
Богу ў Тройцы вечнай. Амэн.

ПСАЛЬМОДЫЯ

1 ант. Узварухнулася мора, * і задрыжэла зямля, / калі арханёл Міхал сыходзіў з неба.

Псальм 97 (96)

Пан валадарыць! Няхай радуецца зямля, *
няхай весяляцца шматлікія выспы.

Воблака і цемра вакол Яго, *
справядлівасць і права – аснова Ягонага трона.

Агонь ідзе перад Ім *
і паглынае навокал ворагаў Ягоных.

Маланкі Ягоныя асвятляюць сусвет, *
зямля бачыць і дрыжыць.

Горы, як воск, растопяцца перад абліччам Пана, *
перад абліччам Пана ўсёй зямлі.

Нябёсы абвяшчаюць Яго справядлівасць, *
і ўсе народы бачаць Ягоную славу.

Няхай сорам спазнаюць усе, хто служыць ідалам, †
хто хваліцца бажкамі. *
Пакланіцеся Яму, усе багі.

Сіён чуе і весяліцца, *
і радуюцца дочкі Юды прысудам Тваім, Пане.

Бо Ты, Пане, найвышэйшы на ўсёй зямлі, *
вельмі ўзвялічаны над усімі багамі.

Пан любіць тых, хто зло ненавідзіць, †
Ён сцеражэ жыццё сваіх верных, *
з рук грэшнікаў ратуе іх.

Святло ззяе для справядлівага, *
і радасць – для праведных сэрцам.

Радуйцеся, справядлівыя, у Пану *
і дзякуйце на ўспамін Ягонай святасці.

1 ант. Узварухнулася мора, * і задрыжэла зямля, / калі арханёл Міхал сыходзіў з неба.

2 ант. Анёл Габрыэль з’явіўся Захарыі і сказаў: * Жонка твая Альжбета народзіць сына, / а ты назавеш яго імем Ян.

Псальм 103 (102)

І (1-7)

Благаславі, душа мая, Пана, *
і ўсё нутро маё, імя Яго святое.

Благаславі, душа мая, Пана *
і не забывай пра ўсе Яго дабрадзействы.

Ён адпускае ўсе беззаконні твае *
і вылечвае ўсе твае хваробы.

Ён жыццё тваё ратуе ад загубы, *
літасцю і міласэрнасцю цябе карануе.

Ён насычае цябе дабротамі, якіх жадаеш, *
аднавілася, як у арла, твая маладосць.

Пан здзяйсняе справядлівасць *
і правасуддзе для ўсіх прыгнечаных.

Ён паказаў шляхі свае Майсею, *
сынам Ізраэля – справы свае.

3 ант. Я – анёл Рафал, * які стаіць перад абліччам Пана; / вы ж благаслаўляйце Пана / і расказвайце пра ўсе Ягоныя цуды.

ІІ (8-16)

Міласэрны ёсць Пан і ласкавы, *
доўгацярплівы і шматміласцівы.

Не злуецца вечна *
і не палае гневам навекі.

Не паступае з намі паводле грахоў нашых *
і не адплачвае паводле правінаў нашых.

Бо, як высока ўзносіцца неба над зямлёю, †
настолькі вялікая міласэрнасць Пана да тых, *
хто Яго баіцца.

Як далёка ўсход ад захаду, *
так Ён аддаліў ад нас нашыя правіны.

Як літуецца бацька над сынамі, †
так змілуецца Пан над тымі, *
хто Яго баіцца.

Бо Ён ведае, з чаго створаны мы; *
памятае, што мы з’яўляемся пылам.

Дні чалавека – як трава, *
як палявая кветка, ён цвіце.

Вецер падзьме над ім, – і больш яго няма, *
і ўжо месца ягонае не пазнае яго.

К. Благаслаўляйце Пана, Ягоныя анёлы.

Н. Магутныя сілай, якія выконваеце Ягонае слова.

Першае чытанне

Апакаліпсіс св. Яна апостала 12, 1-17

Бітва Міхала з цмокам

Вялікі знак з’явіўся на небе: жанчына, апранутая ў сонца, і месяц пад яе нагамі, а над яе галавою вянок з дванаццаці зорак. Яна была цяжарная і крычала ад болю і родавых пакутаў. З’явіўся таксама другі знак на небе: вось вялікі вогненны цмок з сямю галовамі і дзесяццю рагамі, а над галавой яго сем дыядэм. Хвост ягоны змятае траціну нябесных зорак і кідае іх на зямлю. Цмок стаў перад жанчынаю, якая павінна была нарадзіць, каб пажэрці дзіця, як толькі яна народзіць. І нарадзіла яна сына, мужчыну, які будзе пасвіць усе народы жалезным кіем. Яе дзіця было забрана да Бога і да Ягонага трона. А жанчына ўцякла ў пустыню, дзе ёй было падрыхтавана месца Богам, каб яе кармілі там тысячу дзвесце шэсцьдзясят дзён.

Узнялася бітва на небе. Міхал і ягоныя анёлы змагаліся з цмокам. Ваяваў цмок і ягоныя анёлы, але не перамаглі, і не знайшлося ўжо месца для іх на небе. Таму скінуты быў вялікі цмок, змей старадаўні, называны д’яблам і сатаною. Той, які зводзіць увесь свет, быў скінуты на зямлю, і разам з ім былі скінуты ягоныя анёлы. І пачуў я моцны голас, які казаў з неба:

«Цяпер настала збаўленне і сіла, і валадаранне Бога нашага, і ўлада Памазаніка Ягонага, бо скінуты абвінаваўца братоў нашых, які дзень і ноч абвінавачваў іх перад Богам нашым. Яны перамаглі яго дзякуючы крыві Баранка і дзякуючы слову сведчання свайго; і не палюбілі жыцця свайго аж да смерці. Таму радуйцеся, нябёсы і ўсе, хто насяляе іх.

Гора зямлі і мору, бо сышоў д’ябал да вас у вялікім гневе, ведаючы, што кароткі яго час!»

Калі цмок убачыў, што ён скінуты на зямлю, пачаў пераследаваць жанчыну, якая нарадзіла мужчыну. А жанчыне былі дадзены два вялікія арліныя крылы, каб яна ляцела ў пустыню на сваё месца, дзе яе будуць карміць час, і часы, і палову часу здалёк ад цмока. Тады пусціў змей са сваіх вуснаў за жанчынай ваду, быццам раку, каб яе панесла рака. Але зямля дапамагла жанчыне. Адкрыла зямля свае вусны і паглынула раку, якую выпусціў цмок са сваіх вуснаў.

Тады раззлаваўся цмок на жанчыну і распачаў бітву з астатнімі яе нашчадкамі, якія захоўваюць запаведзі Бога і маюць сведчанне Езуса.

Рэспансорый пар. Ап 12, 7. 10

Н. Настала ціша на небе, калі Міхал арханёл змагаўся з цмокам. * І пачуўся моцны голас, які казаў: Збаўленне, пашана і сіла Богу ўсемагутнаму.

К. Цяпер настала збаўленне і сіла, і валадаранне Бога нашага, і ўлада Памазаніка Ягонага. Н. І пачуўся.

Другое чытанне

«Гамілія да Евангелля» св. Грыгорыя Вялікага, папы

(Hom. 34, 8-9: PL 76, 1250-1251)

Імя «анёл» азначае заданне, а не натуру

Трэба ведаць, што імя «анёл» азначае заданне, а не натуру. Святыя духі ў небе сапраўды заўсёды з’яўляюцца духамі, але не заўсёды іх можна называць анёламі, а толькі тады, калі яны з’яўляюцца, каб штосьці абвясціць. Духі, якія абвяшчаюць менш значныя справы, называюцца анёламі, а тыя, якія прадказваюць найбольш узнёслыя падзеі, называюцца арханёламі.

Да Дзевы Марыі быў пасланы не які-небудзь анёл, але арханёл Габрыэль. Для выканання гэтага задання быў пасланы найважнейшы анёл, каб абвясціць найбольш значную сярод усіх падзей.

Больш за тое, некаторыя з іх маюць уласныя імёны, каб ужо у саміх імёнах была бачна сутнасць, даручанай ім паслугі. Дарэчы, уласныя імёны яны не атрымліваюць у гэтым Святым Горадзе, таму што і без гэтых імёнаў яны былі б там пазнаныя. Бо там існуе дасканалае пазнанне, якое вынікае з сузірання Бога. Імёны, якія ўказваюць на вызначаныя для іх заданні, яны атрымліваюць ад нас, калі з’яўляюцца, каб здзейсніць для нас нейкую паслугу. Імя Міхал азначае: «Хто як Бог»; Габрыэль – «Божая моц»; Рафал – «Бог аздараўляе».

Таму, кожны раз, калі ўзнікае неабходнасць здзейсніць штосьці вялікае, пасылаецца Міхал, каб з самога ўчынку і з імя можна было зразумець, што ніхто не можа зрабіць тое, што належыць самому Богу. Старадаўні вораг, які з прычыны сваёй пыхі жадаў быць падобным да Бога, кажучы: «Узыду на неба, вышэй за зоркі нябесныя пастаўлю свой трон, буду падобны да Найвышэйшага» (пар. Іс 14, 13-14), пакінуты напрыканцы свету сам сабе, перш, чым атрымае канчатковае пакаранне, будзе змагацца з арханёлам Міхалам паводле сведчання Яна: «Узнялася бітва на небе. Міхал і ягоныя анёлы змагаліся з цмокам» (Ап 12, 7).

Да Марыі быў пасланы арханёл па імені Габрыэль, якое азначае «Божая моц». Ён з’явіўся, каб звеставаць таго, хто пажадаў аб’явіцца ў постаці слугі, каб запанаваць над сіламі зла. Так, «Божая моц» прадказала таго, хто прыйшоў як Пан Магуццяў і моцны ў змаганні.

Як ужо было сказана, імя Рафал азначае «Бог аздараўляе», бо арханёл вылечыў ад слепаты вочы Тобія, дакрануўшыся да іх, быццам бы ён гэтым жэстам аздаравіў іх. Таму той, хто прыйшоў вылечыць хваробу, справядліва названы «Бог аздараўляе».

Рэспансорый пар. Ап 8, 3. 4; Дан 7, 10b

Н. Анёл стаў пры алтары святыні, маючы залатую кадзільніцу ў сваіх руках, і было дадзена яму шмат кадзіла. * І дым кадзіла ўзняўся з рукі анёла перад Богам.

К. Тысячы тысячаў служылі Яму, і дзесяць тысяч дзесяткаў тысяч стаялі перад Ім. Н. І дым.

ГІМН

Цябе, Бога, праслаўляем,
Табе, Пане, хвала вечна.

Неба і зямля спявае
Табе, Ойча векавечны.

Табе, Божа, ўсе анёлы,
3 імі Моцы і Нябёсы,

Херубімы, cерафімы
Гімн хвалы адвечны ўзносяць.

Святы, Святы над святымі
Бог магутны і ласкавы,

Над зямлёй і небам слыне
Неабсяжнасць Тваёй славы.

I Апосталы, і вучні,
Хор прарокаў, поўны хвалы,

3 імі мучанікаў лучнасць
Аддаюць Табе пашану.

У сугучным хоры льецца
Па усёй зямлі наўкола

Табе хвала з нашых сэрцаў,
Спеў святы Твайго Касцёла.

Сына з Духам суцяшэння,
Велічы Айца прамністай

Праслаўляе ўсё стварэнне, –
Валадар хвалы Ты, Хрыстэ.

Каб жа выбавіць свет цэлы
Праз свае святыя раны,

Сын Айца спрадвечны, цела
Ты прыняў ва ўлонні Панны.

Зруйнаваў Ты брамы смерці,
На крыжы ёй вырваў джала,

Каб для ўсіх, хто ў Цябе верыць,
Радасць вечная заззяла.

Праваруч Айца, у славе
Трон Твой, Збаўца наш адзіны,

Прыйдзеш зноў адтуль у яве,
Каб судзіць людскія чыны.

Грэшным Ты не дай загінуць, –
Будзь нам Збаўцам, не Суддзёю

I абмый нас ад правінаў
Дарагой сваёй крывёю.

Са святымі, ў бляску моцы
Захавай Тваіх абраных,

Пане, збаў народ Твой, просім,
Благаслаў Тваіх падданых.

Гэтую апошнюю частку гімна можна па жаданні прапусціць.

Шляхам нас вядзі бяспечным
У нябесны Ерузалем.

Цябе, Валадар адвечны,
Мы штодзённа праслаўляем.

Праз вякі гучыць няспынна
Спеў, што славіць Твае справы.

Пане, ад усіх правінаў
Захаваць нас будзь ласкавы.

Не пакінь жа свайго люду,
Божа, без Тваёй апекі.

Пану веру, дык не буду
Асаромлены навекі.

МАЛІТВА

Спрадвечны Божа, Ты з дзівоснаю мудрасцю вызначаеш абавязкі Анёлам і людзям, просім Цябе, няхай нашае жыццё на зямлі заўсёды ахоўваюць Анёлы, якія нястомна служаць Табе ў небе. Праз Пана нашага.

Потым, прынамсі пры супольнай цэлебрацыі, дадаецца акламацыя:

К. Благаславім Пана.
Н. Дзякуем Пану Богу.

ЮТРАНЬ

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

У прысутнасці анёлаў,
Хрыстэ, моц і жыццё наша,
Гімнам, спевамі, малітвай
Цябе, наша адкупленне,
Сэрцаў нашых суцяшэнне,
Мы ўсе шчыра праслаўляем.

Слава, гонар арханёлам,
Найяснейшым духам неба,
Іх правадыру, Міхалу,
Што змагаўся з сатаною
На чале нябесных войскаў,
Бо здабыў ён перамогу.

Валадар, Кароль наш Хрыстэ,
Праз заступніцтва Міхала
Адвядзі ад нас спакусы,
Усе напады злога духа
І ўвядзі ў брамы раю
Да хвалы благаслаўлёных.

Спеў хвалы гучыць для Бога,
Гімнам славім Яго Сына,
У хвале Дух Суцяшыцель
Няхай вечна прабывае
У адзінстве Святой Тройцы
Праз усе стагоддзі. Амэн.

ПСАЛЬМОДЫЯ

1 ант. Праславім Пана, * якога славяць анёлы, херубімы і серафімы, спяваючы: / Святы, Святы, Святы.

Псальм 63 (62), 2-9
Душа, якая прагне Бога

Той з Богам, хто адкідае ўчынкі цемры

Божа, мой Божа, Цябе шукаю, *
Цябе прагне душа мая.

Маё цела па Табе тужыць *
у зямлі пустыннай, засохлай і бязводнай.

Так, у святыні я ўглядаюся ў Цябе, *
каб убачыць Тваю сілу і славу.

Бо міласэрнасць Твая лепшая за жыццё, *
вусны мае будуць хваліць Цябе.

Так, буду благаслаўляць Цябе ў маім жыцці *
і ўзнясу рукі ў імя Тваё.

Душа мая насычаецца, нібы тлушчам і тукам, *
і вусны мае славяць Цябе радасным спевам;

калі ўзгадваю Цябе на маім ложы, *
разважаю пра Цябе ў начную варту.

Бо Ты стаў маёй дапамогай, *
у цені крылаў Тваіх узрадуюся.

Да Цябе імкнецца душа мая, *
трымае мяне Твая правіца.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Праславім Пана, * якога славяць анёлы, херубімы і серафімы, спяваючы: / Святы, Святы, Святы.

2 ант. Анёлы Пана, * благаславіце Пана навекі.

Песня (Дан 3, 57-88. 56)
Кожнае стварэнне хваліць Пана

Хваліце Бога нашага, усе Ягоныя слугі (Ап 19, 5)

Благаслаўляйце Пана, усе стварэнні Ягоныя, *
хваліце і ўзвялічвайце Яго навекі.

Нябёсы, благаслаўляйце Пана, *
благаслаўляйце Пана, анёлы Ягоныя.

Благаслаўляйце Пана, усе воды, што пад небам, *
няхай усялякая моц благаслаўляе Пана.

Благаслаўляйце Пана, сонца і месяц, *
благаслаўляйце Пана, нябесныя зоркі.

Благаслаўляйце Пана, усе дажджы і росы, *
благаслаўляйце Пана, усе вятры.

Благаслаўляйце Пана, агонь і спёка, *
благаслаўляйце Пана, холад і гарачыня.

Благаслаўляйце Пана, росы ды іней, *
благаслаўляйце Пана, мароз і холад.

Благаслаўляйце Пана, лёд і снег, *
благаслаўляйце Пана, дні і ночы.

Благаслаўляйце Пана, святло і цемра, *
благаслаўляйце Пана, маланкі і хмары.

Няхай зямля благаслаўляе Пана, *
няхай хваліць Яго і ўзвялічвае навекі.

Благаслаўляйце Пана, горы і ўзгоркі, *
благаслаўляйце Пана, усе расліны зямлі.

Благаслаўляйце Пана, крыніцы, *
благаслаўляйце Пана, моры і рэкі.

Благаслаўляйце Пана, кіты і ўсё, што плавае ў водах, *
благаслаўляйце Пана, усе нябесныя птушкі.

Благаслаўляйце Пана, усе звяры і жывёлы, *
благаслаўляйце Пана, чалавечыя сыны.

Няхай Ізраэль благаслаўляе Пана, *
хваліць і ўзвялічвае Яго навекі.

Благаслаўляйце Пана, святары Ягоныя, *
благаслаўляйце Пана, слугі Ягоныя.

Благаслаўляйце Пана, духі і душы справядлівых, *
благаслаўляйце Пана, святыя і пакорныя сэрцам.

Благаслаўляйце Пана, Ананія, Азарыя, Місаэль, *
хваліце і ўзвялічвайце Яго навекі.

Благаславім Айца і Сына, і Духа Святога, *
будзем хваліць і ўзвялічваць Яго навекі.

Благаслаўлёны Ты на скляпенні неба, *
годны хвалы і ўзвялічаны навекі.

2 ант. Анёлы Пана, * благаславіце Пана навекі.

3 ант. Цябе славяць на вышынях усе анёлы, * разам кажучы: / Табе, Божа, належыць хвала.

Псальм 149
Радасць святых

Дзеці Касцёла, дзеці новага народу радуюцца свайму Валадару – Хрысту (Хезыхій)

Спявайце Пану новую песню, *
хвала Яму на сходзе святых.

Няхай радуецца Ізраэль у тым, хто яго стварыў, *
сыны Сіёна няхай цешацца ў сваім Валадары.

Няхай праслаўляюць імя Ягонае ў танцы, *
няхай зайграюць Яму на бубне і арфе.

Бо Пан любіць свой народ, *
пакорных карануе збаўленнем.

Няхай усклікаюць святыя ў славе, *
няхай радуюцца на ложах сваіх.

Пахвала Богу на іх вуснах, *
а двухбаковы меч – у іхніх руках,

каб адпомсціць язычнікам *
і пакараць народы;

каб звязаць ланцугамі іх каралёў, *
а вяльможаў іх скаваць у жалезныя кайданы,

каб здзейсніць над імі запісаны прысуд: *
такая хвала для ўсіх Ягоных святых.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Цябе славяць на вышынях усе анёлы, * разам кажучы: / Табе, Божа, належыць хвала.

Кароткае чытанне Быц 28, 12-13а

Якуб убачыў у сне лесвіцу, якая стаяла на зямлі і сваім верхам дасягала да неба, а таксама анёлаў Божых, якія ўзыходзілі і сыходзілі па ёй. І вось Пан стаяў над ёю і казаў: «Я – Пан, Бог Абрагама, бацькі твайго, і Бог Ісаака».

Кароткі рэспансорый

К. Анёл, стаў * пры алтары святыні.
Н. Анёл.
К. Трымаючы залатую кадзільніцу ў сваіх руках.
Н. Пры.
К. Хвала Айцу.
Н. Анёл.

ПЕСНЯ З ЕВАНГЕЛЛЯ

Ант. да песні Захарыі: Сапраўды, сапраўды кажу вам: * убачыце неба раскрытае і анёлаў Божых, / якія ўзыходзяць і сыходзяць на Сына Чалавечага.

Песня Захарыі (Лк 1, 68-79)
Месія і Яго папярэднік

Благаслаўлёны Пан, Бог Ізраэля, *
бо наведаў і адкупіў народ свой,

і ўзняў моц збаўлення для нас *
у доме Давіда, слугі свайго.

Як абвясціў спрадвеку *
вуснамі сваіх святых прарокаў,

што збавіць нас ад ворагаў нашых *
і ад рук усіх, хто нас ненавідзіць.

Каб праявіць міласэрнасць да айцоў нашых *
і нагадаць пра святы запавет свой.

Прысягу, якую даў Абрагаму, айцу нашаму, *
дасць нам.

Каб, выбаўленыя з рук ворагаў, *
мы без страху служылі Яму

ў святасці і справядлівасці перад Ім *
ва ўсе дні нашыя.

А ты, дзіцятка, прарокам Найвышэйшага будзеш названа, *
бо пойдзеш прад абліччам Пана падрыхтаваць шляхі Яму,

каб даць народу Ягонаму пазнаць збаўленне *
праз адпушчэнне яго грахоў,

дзякуючы сардэчнай міласэрнасці нашага Бога,*
у якой наведаў нас Усход з вышыні;

каб асвятліць тых, *
хто сядзіць у цемры і ў цені смяротным;

каб накіраваць ногі нашыя *
на шлях спакою.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

ПРОСЬБЫ

Праславім Пана, перад якім стаяць незлічоныя войскі анёлаў, і разам, аддаючы Яму пашану, з радасцю ўсклікнем:

Благаслаўляйце Пана, усе Ягоныя анёлы.

Божа, Ты загадаў сваім анёлам ахоўваць нас на ўсіх нашых шляхах,

– вядзі нас сёння бяспечна сваімі сцежкамі.

Ойча, нашыя анёлы заўсёды ўглядаюцца ў Тваё аблічча,

– учыні, каб мы няспынна шукалі Цябе.

Божа, Твае вернікі будуць пасля ўваскрасення, як анёлы ў небе,

– дапамажы нам захоўваць чыстасць у думках і паводзінах.

Божа, пашлі на дапамогу свайму народу арханёла Міхала,

– няхай ён абараняе нас у барацьбе са злымі духамі.

Ойча наш.

МАЛІТВА

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

Малітва перад поўднем

ГІМН

Трываючы ў малітве і чуванні,
калі настане трэцяя гадзіна,
з пабожным сэрцам будзем праслаўляць
славу і моц Святой Адзінай Тройцы.

Каб сталі мы жыллём Святога Духа,
які калісьці ў гэтую гадзіну
спасланы быў Апосталам з нябёсаў
як дар вялікай міласці Хрыстовай.

Той, хто стварыў нябёсаў валадарства,
цудоўным чынам свет наш упрыгожыў,
уліў у сэрцы радасць, суцяшэнне,
аздобіў усё для вечнай узнагароды.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

Ант. Арханёл Міхал * прыйшоў мне на дапамогу.

Псальм 119 (118), 49-56
VIІ (Заін)

Памятай пра слова да Твайго слугі, *
якое Ты мне загадаў чакаць.

Гэта – суцяшэнне маё ў нядолі маёй, *
бо Тваё слова мяне ажыўляе.

Ганарыстыя кпяць з мяне моцна, *
але я не адступлю ад Твайго закону.

Я ўзгадваю Твае адвечныя прысуды, Пане, *
і цешуся.

Гнеў ахоплівае мяне *
з прычыны грэшнікаў, што пакінулі Твой закон.

Песнямі сталі для мяне Твае пастановы *
ў доме майго падарожжа.

Успамінаю ўначы Тваё імя, Пане, *
і захоўваю Твой закон.

Гэтак сталася мне, *
бо я захоўваю Твае наказы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Арханёл Міхал * прыйшоў мне на дапамогу.

Псальм 53 (52)
Глупства бязбожнікаў

Усе зграшылі і пазбаўлены славы Божай (Рым 3, 23)

Неразумны сказаў у сваім сэрцы: «Няма Бога». †
Сапсаваліся і чыняць агіднае; *
няма таго, хто б рабіў дабро.

Бог з нябёсаў пазірае на сыноў чалавечых, *
каб убачыць, ці ёсць які разумны, што шукае Бога.

Усе адступіліся, сталі нікчэмнымі ўсе як адзін; *
няма таго, хто б рабіў дабро, няма ніводнага.

Хіба не разумеюць тыя, хто чыніць беззаконне, †
хто паглынае свой народ, нібыта хлеб, *
хто не заклікае Пана?

Яны затрапяталі там ад страху, хоць страху не было, †
таму што Бог раскідаў косткі тых, хто абступіў цябе. *
Яны асаромлены, таму што Бог імі пагардзіў.

Хто з Сіёна дасць збаўленне Ізраэлю? †
Калі Пан пераменіць лёс свайго народу, *
узрадуецца Якуб і развесяліцца Ізраэль.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 54 (53), 3-6. 8-9
Просьба аб дапамозе

Прарок моліцца, каб у імя Пана вызваліцца ад зласлівых ганіцеляў (Касіядор)

Уратуй мяне, Божа, сваім імем, *
і судзі мяне сваёю моцай.

Божа, пачуй маю малітву, *
выслухай словы маіх вуснаў.

Бо супраць мяне паўсталі чужынцы, †
шукаюць магутныя майго жыцця, *
яны не маюць Бога перад сабою.

Вось Бог дапамагае мне, *
Пан падтрымлівае маё жыццё.

Я добраахвотна прынясу Табе ахвяру, *
падзякую Твайму імені, Пане, бо яно добрае.

Яно вызваліла мяне з усялякага няшчасця, *
і маё вока глядзела на ворагаў маіх.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Кароткае чытанне Дан 12, 1

Паўстане ў той час Міхал, князь вялікі, які стаіць для абароны сыноў народу твайго. І надыдзе цяжкі час, якога не было з таго моманту, калі пачалі існаваць народы, аж да гэтай пары. І ў той час збавіцца народ твой, кожны, каго знойдуць запісаным у кнізе.

К. Пан пашле анёлаў сваіх.

Н. І збярэ выбраных сваіх з чатырох бакоў свету.

МАЛІТВА

К. Благаславім Пана.
Н. Дзякуем Пану Богу.

Малітва апоўдні

ГІМН

Ужо настала шостая гадзіна,
якая заклікае шчырым духам
аддаць хвалу і пакланенне Пану,
Малітвамі Стварыцеля праславіць.

Бо вернікам у гэтую гадзіну.
адкрыўся шлях праўдзівага збаўлення:
ахвяра бласлаўлёнага Баранка
і моц крыжа Ягонага заззяла.

Святло Яго – яснейшае за поўдзень.
Ён ласку сее, нібы промні сонца.
Удзячныя за наша адкупленне,
мы прымем дар Яго ў нашы сэрцы.

ПСАЛЬМОДЫЯ

Ант. Габрыэль, якога перад гэтым убачыў, * хутка наблізіўся, дакрануўся да мяне і павучыў.

Псальм 119 (118), 49-56
VIІ (Заін)

Памятай пра слова да Твайго слугі, *
якое Ты мне загадаў чакаць.

Гэта – суцяшэнне маё ў нядолі маёй, *
бо Тваё слова мяне ажыўляе.

Ганарыстыя кпяць з мяне моцна, *
але я не адступлю ад Твайго закону.

Я ўзгадваю Твае адвечныя прысуды, Пане, *
і цешуся.

Гнеў ахоплівае мяне *
з прычыны грэшнікаў, што пакінулі Твой закон.

Песнямі сталі для мяне Твае пастановы *
ў доме майго падарожжа.

Успамінаю ўначы Тваё імя, Пане, *
і захоўваю Твой закон.

Гэтак сталася мне, *
бо я захоўваю Твае наказы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Габрыэль, якога перад гэтым убачыў, * хутка наблізіўся, дакрануўся да мяне і павучыў.

Псальм 53 (52)
Глупства бязбожнікаў

Усе зграшылі і пазбаўлены славы Божай (Рым 3, 23)

Неразумны сказаў у сваім сэрцы: «Няма Бога». †
Сапсаваліся і чыняць агіднае; *
няма таго, хто б рабіў дабро.

Бог з нябёсаў пазірае на сыноў чалавечых, *
каб убачыць, ці ёсць які разумны, што шукае Бога.

Усе адступіліся, сталі нікчэмнымі ўсе як адзін; *
няма таго, хто б рабіў дабро, няма ніводнага.

Хіба не разумеюць тыя, хто чыніць беззаконне, †
хто паглынае свой народ, нібыта хлеб, *
хто не заклікае Пана?

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 54 (53), 3-6. 8-9
Просьба аб дапамозе

Прарок моліцца, каб у імя Пана вызваліцца ад зласлівых ганіцеляў (Касіядор)

Уратуй мяне, Божа, сваім імем, *
і судзі мяне сваёю моцай.

Божа, пачуй маю малітву, *
выслухай словы маіх вуснаў.

Бо супраць мяне паўсталі чужынцы, †
шукаюць магутныя майго жыцця, *
яны не маюць Бога перад сабою.

Вось Бог дапамагае мне, *
Пан падтрымлівае маё жыццё.

Я добраахвотна прынясу Табе ахвяру, *
падзякую Твайму імені, Пане, бо яно добрае.

Яно вызваліла мяне з усялякага няшчасця, *
і маё вока глядзела на ворагаў маіх.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Кароткае чытанне Дан 9, 22-23

Анёл Габрыэль размаўляў са мною і сказаў: «Даніэль, цяпер я прыйшоў, каб навучыць цябе разуменню. На пачатку тваіх малітваў выйшла слова, і я прыбыў, каб абвясціць яго табе, умілаванаму. Зразумей гэтае слова і прыгледзься да бачання».

К. Благаслаўляйце Пана, усе Ягоныя магуцці.

Н. Cлугі Ягоныя, якія выконваеце Яго волю.

МАЛІТВА

К. Благаславім Пана.
Н. Дзякуем Пану Богу.

Малітва пасля поўдня

ГІМН

Мінае ўжо дзевятая гадзіна,
таму з пакораю спявайма Пану.
З адданаю душою, шчырым сэрцам
праславім Бога ў Найсвяцейшай Тройцы.

Прымаючы святую таямніцу,
яе ў чыстым сэрцы захаваем.
Яе адкрыў для ўсіх Пётр у святыні
праз цуды – знак збаўлення нам ад Пана.

Таму далучым розум свой і волю
да сведчання і да вучэння
Апосталаў, што ў імя Хрыстова
вядуць нас Яго моцай да збаўлення.

ПСАЛЬМОДЫЯ

Ант. Анёл Рафал быў пасланы да Тобія і Сары, * каб іх вылечыць.

Псальм 119 (118), 49-56
VIІ (Заін)

Памятай пра слова да Твайго слугі, *
якое Ты мне загадаў чакаць.

Гэта – суцяшэнне маё ў нядолі маёй, *
бо Тваё слова мяне ажыўляе.

Ганарыстыя кпяць з мяне моцна, *
але я не адступлю ад Твайго закону.

Я ўзгадваю Твае адвечныя прысуды, Пане, *
і цешуся.

Гнеў ахоплівае мяне *
з прычыны грэшнікаў, што пакінулі Твой закон.

Песнямі сталі для мяне Твае пастановы *
ў доме майго падарожжа.

Успамінаю ўначы Тваё імя, Пане, *
і захоўваю Твой закон.

Гэтак сталася мне, *
бо я захоўваю Твае наказы.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Анёл Рафал быў пасланы да Тобія і Сары, * каб іх вылечыць.

Псальм 53 (52)
Глупства бязбожнікаў

Усе зграшылі і пазбаўлены славы Божай (Рым 3, 23)

Неразумны сказаў у сваім сэрцы: «Няма Бога». †
Сапсаваліся і чыняць агіднае; *
няма таго, хто б рабіў дабро.

Бог з нябёсаў пазірае на сыноў чалавечых, *
каб убачыць, ці ёсць які разумны, што шукае Бога.

Усе адступіліся, сталі нікчэмнымі ўсе як адзін; *
няма таго, хто б рабіў дабро, няма ніводнага.

Хіба не разумеюць тыя, хто чыніць беззаконне, †
хто паглынае свой народ, нібыта хлеб, *
хто не заклікае Пана?

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 54 (53), 3-6. 8-9
Просьба аб дапамозе

Прарок моліцца, каб у імя Пана вызваліцца ад зласлівых ганіцеляў (Касіядор)

Уратуй мяне, Божа, сваім імем, *
і судзі мяне сваёю моцай.

Божа, пачуй маю малітву, *
выслухай словы маіх вуснаў.

Бо супраць мяне паўсталі чужынцы, †
шукаюць магутныя майго жыцця, *
яны не маюць Бога перад сабою.

Вось Бог дапамагае мне, *
Пан падтрымлівае маё жыццё.

Я добраахвотна прынясу Табе ахвяру, *
падзякую Твайму імені, Пане, бо яно добрае.

Яно вызваліла мяне з усялякага няшчасця, *
і маё вока глядзела на ворагаў маіх.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Кароткае чытанне Тоб 12, 15. 18. 20а

Я – Рафал, адзін з сямі святых анёлаў, якія ўваходзяць і служаць перад абліччам славы Пана. Тое, што я быў з вамі, было дзякуючы волі нашага Бога. Таму благаслаўляйце Яго навекі. А цяпер благаслаўляйце Пана на зямлі і вызнавайце Бога. Я ж узыходжу да таго, хто мяне паслаў. Запішыце ўсё гэта, што здарылася з вамі.

К. Бог анёлам сваім загадае наконт цябе.

Н. Каб яны ахоўвалі цябе на ўсіх шляхах тваіх.

МАЛІТВА

К. Благаславім Пана.
Н. Дзякуем Пану Богу.

Нешпары

ГІМН

Анёла спакою пашлі нам, Хрыстэ,
Святога Міхала, які дапаможа
Слугам Тваім памножыць у свеце
Твае даброты.

Пашлі Габрыэля, анёла моцы,
Каб ён адганяў напады злога,
Сваёй апекай напоўніў святыню
Твайго народу.

Анёла збаўлення пашлі нам з нябёсаў,
Рафала, што лечыць душу і цела,
Каб мы, атрымаўшы аздараўленне,
Табе служылі.

Хрыстэ, хвала ўсіх святых і анёлаў,
Дай нам адчуць у жыцці іх прысутнасць,
Каб у хоры сугучным мы заспявалі
Гімн праслаўлення Тройцы. Амэн.

ПСАЛЬМОДЫЯ

1 ант. Кароль анёлаў, * Твой трон узносіцца па-над нябёсамі.

Псальм 8

О Пане, Божа наш, *
якое велічнае імя Тваё па ўсёй зямлі.

Веліч Твая ўзносіцца *
па-над нябёсамі.

З вуснаў дзяцей і немаўлят Ты ўчыніў хвалу †
насуперак ворагам сваім, *
каб зрабіць нямым непрыяцеля і мсціўцу.

Калі я бачу Твае нябёсы, справу пальцаў Тваіх, *
месяц і зоркі, якія Ты ўмацаваў, думаю,

чым ёсць чалавек, што Ты пра яго памятаеш, *
і сын чалавечы, што Ты ўзгадваеш пра яго?

Ты ўчыніў яго мала меншым ад анёлаў, *
славаю і веліччу ўвянчаў яго.

Паставіў яго валадаром над справай рук Тваіх, *
усё паклаў яму пад ногі.

Авечак і жывёлу ўсялякую, *
і звяроў дзікіх,

птушак нябесных і рыбу марскую, *
і ўсё, што ходзіць сцежкамі марскімі.

Пане, Божа наш, *
якое велічнае імя Тваё па ўсёй зямлі!

1 ант. Кароль анёлаў, * Твой трон узносіцца па-над нябёсамі.

2 ант. Перад анёламі заспяваю Табе, * мой Божа.

Псальм 138 (137)

Слаўлю Цябе ўсім маім сэрцам, *
бо пачуў Ты словы вуснаў маіх.

Перад анёламі спяваю Табе, *
кланяюся перад святой Тваёй святыняй.

Слаўлю імя Тваё *
за міласэрнасць Тваю і вернасць.

У дзень, калі Цябе паклікаў, Ты пачуў мяне, *
павялічыў моц маёй душы.

Праславяць Цябе, Пане, усе каралі зямлі, *
калі пачуюць словы Тваіх вуснаў.

І будуць шляхі Пана апяваць, *
бо вялікая слава Пана.

Узнёслы Пан бачыць пакорнага, *
а ганарыстага пазнае здалёку.

Калі я пайду сярод няшчасця, †
Ты мяне падтрымаеш, *
выцягнеш руку сваю супраць гневу маіх ворагаў.

Твая правіца ратуе мяне. *
Пан усё зробіць за мяне.

Міласэрнасць Твая, Пане, навекі, *
спраў рук Тваіх не пакідай.

2 ант. Перад анёламі заспяваю Табе, * мой Божа.

3 ант. Я ўбачыў, што пасярод трона * стаяў Баранак, нібы забіты, / і чуў я голас мноства анёлаў вакол трона.

Песня пар. Клс 1, 12-20

Мы дзякуем Богу Айцу, які паклікаў вас *
да ўдзелу ў спадчыне святых у святле;

які вызваліў нас з-пад улады цемры *
і прывёў у Валадарства ўмілаванага Сына свайго,

у якім мы маем адкупленне *
і адпушчэнне грахоў.

Ён з’яўляецца вобразам нябачнага Бога, *
першародным сярод усякага стварэння.

Бо ў Ім было створана ўсё, †
што на нябёсах і на зямлі, *
бачнае і нябачнае,

ці троны, ці панаванні, *
ці начальствы, ці ўлады.

Усё праз Яго і для Яго створана. †
Ён ёсць раней за ўсё, *
і ўсё трымаецца ў Ім.

Ён – Галава цела, гэта значыць, Касцёла. †
Ён – пачатак, першародны з памерлых, *
каб Ён ва ўсім меў першынство.

Бо спадабалася Айцу, †
каб у Ім жыла ўся паўната *
і каб праз Яго прымірыць з сабою ўсё,

і зямное, і нябеснае, *
усталяваўшы спакой праз кроў Ягонага крыжа.

3 ант. Я ўбачыў, што пасярод трона * стаяў Баранак, нібы забіты, / і чуў я голас мноства анёлаў вакол трона.

Кароткае чытанне Ап 1, 4b-5. 6b

Ласка вам і спакой ад таго, які ёсць, і быў, і прыходзіць, і ад сямі Духаў, што перад Ягоным тронам, і ад Езуса Хрыста, вернага сведкі, першароднага сярод памерлых і Уладара зямных каралёў. Таму, хто любіць нас і хто праз сваю кроў вызваліў нас ад нашых грахоў, хвала і моц на векі вечныя.

Кароткі рэспансорый
К. Перад абліччам Бога * узняўся дым кадзіла.
Н. Перад.
К. З рукі анёла.
Н. Узняўся.
К. Хвала Айцу.
Н. Перад.

ПЕСНЯ З ЕВАНГЕЛЛЯ

Ант. да песні Марыі: Анёл Габрыэль сказаў Марыі: * Вось зачнеш ва ўлонні сваім і народзіш Сына, / і дасі Яму імя Езус.

Песня Марыі (Лк 1, 46-55)
Радасць душы ў Пану

Велічае душа мая Пана, *
і ўзрадаваўся дух мой у Богу, маім Збаўцу,

бо глянуў Бог на пакору сваёй слугі. *
І цяпер благаслаўляць мяне будуць усе пакаленні.

Бо вялікае ўчыніў мне Усемагутны, *
а імя Яго святое.

І міласэрнасць Яго з пакалення ў пакаленне *
над тымі, хто Яго баіцца.

Паказаў моц сваёй правіцы, *
рассеяў тых, хто пыхлівы сэрцам.

Скінуў магутных з трону *
і ўзвысіў пакорных.

Дабром галодных насыціў, *
а багатых ні з чым адправіў.

Прыняў свайго слугу Ізраэля, *
памятаючы пра сваю міласэрнасць,

як абяцаў бацькам нашым - *
Абрагаму і яго патомству навекі.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

ПРОСЬБЫ

Просім Бога, каб мы разам з анёламі, якія выконваюць Яго волю, былі паслухмяныя голасу Ягонага слова, таму ў малітве будзем казаць:

Цябе просім, выслухай нас, Пане.

Як з рук анёла ўзнёсся дым кадзіла,

– так няхай узнясецца да Цябе нашая малітва.

Цябе просім, выслухай нас, Пане.

Няхай анёл Твой занясе нашыя ахвяры

– на Твой нябесны алтар.

Цябе просім, выслухай нас, Пане.

Дазволь нам разам з незлічонымі нябеснымі войскамі ўзносіць хвалу на вышынях Богу,

– а на зямлі людзям добрай волі.

Цябе просім, выслухай нас, Пане.

Няхай у канцы нашага жыцця анёлы апярэдзяць нас

– і прывядуць у нябесную айчыну.

Цябе просім, выслухай нас, Пане.

Няхай святы Міхал увядзе душы памерлых вернікаў

– у Тваё святое святло.

Цябе просім, выслухай нас, Пане.

Ойча наш.

МАЛІТВА

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

КАМПЛЕТА

Пасля гэтага пажадана зрабіць рахунак сумлення.

ГІМН

О Хрыстэ, Ты дзень поўны бляску,
Знішчаеш цемру начную.
Ў Табе пачатак святла ёсць,
І дорыш яго Ты абраным.

Таму Цябе вельмі просім:
Абарані нас ад злога,
І адары нас спакоем,
І сілы новыя дай нам.

Калі ўжо сон нас агорне,
Хай сэрца чувае з Табою,
І верных, што Цябе любяць,
Ты захавай сваёй моцай.

Зірні на нас, Божа і Пане,
Зруйнуй усе злыя намеры
І аддалі ўсе спакусы,
Бо нас Ты крывёй сваёй збавіў.

О Хрыстэ, Уладар Наймілейшы,
Цябе, як Айца, так і Духа,
Усё, што пад небам жывое,
Няхай праслаўляе бясконца. Амэн.

ПСАЛЬМОДЫЯ

Ант. Не хавай, Божа, свайго аблічча ад мяне, * бо я на Цябе спадзяюся.

Псальм 143 (142), 1-11
Малітва ў нядолі

Чалавек апраўдваецца не ўчынкамі паводле Закону, а толькі вераю ў Езуса Хрыста (Гал 2, 16).

Пане, выслухай маю малітву, †
у сваёй вернасці пачуй мой енк, *
адкажы мне паводле сваёй справядлівасці.

Не ўваходзь на суд са слугою сваім, *
бо ніхто з жывых не апраўдаецца перад Табою.

Вораг пераследуе маю душу, *
топча на зямлі маё жыццё,

кідае мяне ў цемру, *
як памерлых назаўсёды.

Млее ўва мне мой дух, *
трывожыцца ўва мне маё сэрца.

Я памятаю даўнія дні, †
разважаю пра ўсе Твае чыны, *
раздумваю над справамі рук Тваіх.

Працягваю свае рукі да Цябе, *
душа мая прагне Цябе, як высахлая зямля.

Паспяшы адказаць мне, Пане, *
дух мой знемагае.

Не хавай свайго аблічча ад мяне, †
каб я не прыпадобніўся да тых, *
хто сыходзіць у магілу.

Дазволь мне ўжо раніцай пачуць †
пра Тваю міласэрнасць, *
бо я на Цябе спадзяюся.

Пакажы мне шлях, якім я павінен ісці, *
бо да Цябе я ўзношу сваю душу.

Вызвалі мяне, Пане, ад ворагаў маіх, *
бо я да Цябе ўцякаю.

Навучы мяне выконваць Тваю волю, *
бо Ты мой Бог.

Няхай Твой добры дух вядзе мяне *
па роўнай зямлі.

Дзеля імені твайго, Пане, ажыві мяне, †
паводле справядлівасці Тваёй *
выведзі маю душу з нядолі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Не хавай, Божа, свайго аблічча ад мяне, * бо я на Цябе спадзяюся.

КАРОТКАЕ ЧЫТАННЕ 1 П 5, 8-9а
Будзьце цвярозымі, чувайце. Праціўнік ваш, д’ябал, як леў кружыць з рыкам, шукаючы, каго пажэрці. Моцныя ў веры, станьце супраць яго.

КАРОТКI РЭСПАНСОРЫЙ

К. У рукі Твае, Пане, * аддаю я дух мой.
Н. У рукі Твае, Пане, * аддаю я дух мой.
К. Ты нас адкупіў, Пане Божа верны.
Н. Аддаю я дух мой.
К. Хвала Айцу і Сыну, і Духу Святому.
Н. У рукі Твае, Пане, * аддаю я дух мой.

ПЕСНЯ З ЕВАНГЕЛЛЯ

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

Песня Сімяона (Лк 2, 29-32)
Хрыстус – святло народаў і хвала Ізраэля

Цяпер адпускаеш слугу Твайго, Валадару, *
паводле слова Твайго, у спакоі;

бо вочы мае ўбачылі збаўленне Тваё, *
якое падрыхтаваў Ты перад абліччам усіх народаў,

святло для асвятлення язычнікаў *
і хвалу народу Твайго Ізраэля.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

МАЛІТВА

Пане, просім Цябе, асвятлі ласкава гэтую ноч і ўчыні, каб мы, Твае слугі, заснулі спакойна і з радасцю прачнуліся дзеля Твайго імя ў яснасці новага дня. Праз Хрыста, Пана нашага. Амэн.

Потым, нават тады, калі Камплета чытаецца індывідуальна, прамаўляецца благаслаўленне:

Ноч спакойную і смерць шчаслівую няхай дасць нам Бог усемагутны, Айцец і Сын, і Дух Святы.
Н. Амэн.

АНТЫФОНЫ НА ЗАКАНЧЭННЕ ДА НАЙСВЯЦЕЙШАЙ ПАННЫ МАРЫІ

Дзева, Маці Адкупіцеля,
брама раю нябеснага,
зорка мора й ратунак
для чалавека грэшнага.
Падтрымай люд знясілены,
што імкнецца да святасці,
Ты, што чынам дзівосным
нарадзіла Збавіцеля,
свайго святога Стварыцеля.
Прывітана анёлам, усесвятая Марыя,
барані нас ад грэху і за нас заступіся.

Або:

Вітай, неба Уладарка,
Вітай, Панна анёлаў,
Вітай, Ружа і Брама;
Яснасць свету дала Ты.
Цешся, Панна хвалебная,
Панад усё прыгажэйшая,
Вітай, Маці нябесная;
Заступіся за нас Ты.

Або:

Вітай, Каралева,
Маці міласэрнасці,
жыццё, асалода і надзея наша, вітай!
Да Цябе звяртаемся мы, выгнаннікі, дзеці Евы.
Да Цябе ўздыхаем, стогнучы і плачучы
ў гэтай слёз даліне.
Дык звярні на нас, Заступніца наша,
Твае міласэрныя вочы.
І Езуса, благаславёны плод улоння Твайго,
з’яві нам пасля выгнання гэтага.
О ласкавая, о літасцівая,
о салодкая Панна Марыя.

Або:

Тваёй абароне аддаемся,
Святая Багародзіца,
У нашых патрэбах
Не пагарджай маленнем нашым.
І ад усялякай злой прыгоды
Выбаўляй нас заўсёды,
Панна хвалебная і благаслаўлёная.
О пані наша, Апякунка наша,
Суцяшальніца наша, Ты Заступніца наша,
З Сынам сваім нас паяднай,
Сыну свайму нас даручай,
Сыну свайму с аддавай.

© Канферэнцыя Каталіцкіх Біскупаў у Беларусі
Мінск, 2012 - 2024

Выкарыстанне тэкстаў Літургіі гадзінаў
з мэтаю выдання і перавыдання забаронена

Зваротная сувязь: liturgiaminsk@gmail.com