Заклік з’яўляецца пачаткам штодзённай літургічнай малітвы. Ён папярэднічае Гадзіне чытанняў або Ютрані, у залежнасці ад таго, якая з гэтых літургічных гадзінаў распачынае малітву дня.

К. Пане, адкрый мае вусны.
Н. І вусны мае будуць абвяшчаць Тваю хвалу.

Ант. Хадземце, паклонімся Пану, / які прамаўляе праз Евангелле, / аллелюя.

Псальм 67 (66)
Няхай усе народы праслаўляюць Пана

Ведайце, што гэта Божае збаўленне паслана да язычнікаў (Дз 28, 28) 

Няхай Бог змілуецца над намі і благаславіць нас, *
няхай заззяе аблічча Яго над намі,

каб на зямлі мы спазналі Ягоную дарогу, *
між усімі народамі Яго збаўленне.

Ант. Хадземце, паклонімся Пану, / які прамаўляе праз Евангелле, / аллелюя.

Няхай славяць Цябе народы, Божа, *
няхай славяць Цябе народы ўсе.

Няхай весяляцца і радуюцца ўсе плямёны, †
бо Ты судзіш народы паводле праўды *
і плямёнамі на зямлі кіруеш.

Ант. Хадземце, паклонімся Пану, / які прамаўляе праз Евангелле, / аллелюя.

Няхай славяць Цябе народы, Божа, *
няхай славяць Цябе народы ўсе.

Зямля прынесла свой плён; *
няхай Бог, наш Бог нас благаслаўляе.

Няхай Бог нас благаслаўляе, *
няхай баяцца Яго ўсе межы зямлі.

Ант. Хадземце, паклонімся Пану, / які прамаўляе праз Евангелле, / аллелюя.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Хадземце, паклонімся Пану, / які прамаўляе праз Евангелле, / аллелюя.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

О Марк, адданы спадарожнік,
Апосталаў памочнік рупны
Ва ўсіх іх працах і служэнні,
Прымі малітвы і пашану.

Праз гэтых вестуноў Хрыстовых
Заззяў час радасці і праўды,
Усю зямлю спакой напоўніў,
І новыя вякі насталі.

Ты вечным небам быў абраны,
Каб разам з імі цяжар несці,
Таму такую ж славу маеш,
Якой Апосталы заззялі.

Святла нязгаснага ты сейбіт,
Зрабі, каб пад Хрыстовым сонцам
Усюды парасткі ажылі,
Напоўніўшы ўсе токі неба.

Калі з Апосталамі разам
Ты станеш прад Суддзёю вечным,
Ачысці нас з правінаў нашых
І падтрымай Ягонай ласкай.

Няхай Хрысту пашана будзе
З Айцом і жыватворным Духам,
Каб мы маглі з табою разам
У іх святле хадзіць навекі. Амэн.

ПСАЛЬМОДЫЯ

1 ант. Па ўсёй зямлі разыходзіцца іх голас, * і да межаў сусвету – словы іхнія. Аллелюя.

Псальм 19 (18), 2-7

Нябёсы абвяшчаюць Божую славу, *
пра справу рук Яго расказвае небасхіл.

Дзень дню апавядае слова, *
ноч ночы адкрывае веды.

Няма мовы, і няма слоў, *
але чуецца іх голас.

Па ўсёй зямлі разыходзіцца іх голас, †
і да межаў сусвету – словы іхнія; *
для сонца там шацёр у іх.

Як малады, яно выходзіць †
са свайго шлюбнага пакоя, *
радуецца, быццам асілак, які збіраецца бегчы.

Яно ўзыходзіць на адным краі неба, †
і бег ягоны – аж да другога краю, *
і нішто не схаваецца ад ягонага жару.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Па ўсёй зямлі разыходзіцца іх голас, * і да межаў сусвету – словы іхнія. Аллелюя.

2 ант. Яны абвяшчалі справу Бога * і зразумелі Яго ўчынкі. Аллелюя.

Псальм 64 (63)

Пачуй, Божа, мой голас, калі я скарджуся; *
беражы маё жыццё ад страху перад ворагам.

Схавай мяне ад зграі злачынцаў, *
ад натоўпу тых, хто чыніць беззаконне.

Навастрылі, як меч, свае языкі, †
пусцілі, як стрэлы, свае атрутныя словы, *
каб страляць з засады ў нявіннага.

Яны страляюць у яго нечакана і не баяцца, *
цвёрда трымаюцца злой задумы.

Змаўляюцца тайна паставіць пасткі, *
кажучы: «Хто нас убачыць?»

Яны задумваюць несправядлівасць, *
дасканала абдумваюць яе.

Неспасцігальныя нутро кожнага чалавека *
і ягонае сэрца.

Але Бог пусціць у іх стралою, – †
і яны нечакана паранены будуць, *
язык іхні прывядзе іх да ўпадку.

Кожны, хто іх убачыць, затрасе галавою, *
і ўсе людзі будуць іх баяцца.

Яны абвесцяць справу Бога *
і зразумеюць Яго ўчынкі.

А справядлівы ўзрадуецца ў Пану †
і будзе шукаць прыбежышча ў Ім, *
і праславяцца ўсе праведныя сэрцам.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Яны абвяшчалі справу Бога * і зразумелі Яго ўчынкі. Аллелюя.

3 ант. Яны абвяшчаюць Яго справядлівасць, * і ўсе народы бачаць Ягоную славу. Аллелюя

Псальм 97 (96)

Пан валадарыць! Няхай радуецца зямля, *
няхай весяляцца шматлікія выспы.

Воблака і цемра вакол Яго, *
справядлівасць і права – аснова Ягонага трона.

Агонь ідзе перад Ім *
і паглынае навокал ворагаў Ягоных.

Маланкі Ягоныя асвятляюць сусвет, *
зямля бачыць і дрыжыць.

Горы, як воск, растопяцца перад абліччам Пана, *
перад абліччам Пана ўсёй зямлі.

Нябёсы абвяшчаюць Яго справядлівасць, *
і ўсе народы бачаць Ягоную славу.

Няхай сорам спазнаюць усе, хто служыць ідалам, †
хто хваліцца бажкамі. *
Пакланіцеся Яму, усе багі.

Сіён чуе і весяліцца, *
і радуюцца дочкі Юды прысудам Тваім, Пане.

Бо Ты, Пане, найвышэйшы на ўсёй зямлі, *
вельмі ўзвялічаны над усімі багамі.

Пан любіць тых, хто зло ненавідзіць, †
Ён сцеражэ жыццё сваіх верных, *
з рук грэшнікаў ратуе іх.

Святло ззяе для справядлівага, *
і радасць – для праведных сэрцам.

Радуйцеся, справядлівыя, у Пану *
і дзякуйце на ўспамін Ягонай святасці.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Яны абвяшчаюць Яго справядлівасць, * і ўсе народы бачаць Ягоную славу. Аллелюя

К. Пан дасць вялікую моц, аллелюя.
Н. Тым, хто абвяшчае Евангелле, аллелюя.

ПЕРШАЕ ЧЫТАННЕ 
Пасланне св. апостала Паўла да Эфесцаў 4, 1-6

Размеркаванне ласкаў у адным целе

Браты: Малю вас я, вязень Пана, паступаць годна паклікання, якім вы пакліканы, з усёю пакораю і лагоднасцю, з доўгацярплівасцю, церпячы адзін аднаго ў любові, стараючыся захаваць еднасць духа ў саюзе спакою.

Адно цела і адзін дух, як і вы пакліканы ў адной надзеі вашага паклікання. Адзін Пан, адна вера, адзін хрост, адзін Бог і Айцец усіх, які над усімі і праз усіх, і ва ўсіх нас.

Кожнаму з нас дадзена ласка паводле меры Хрыстовага дару. Таму і сказана: «Узышоўшы на вышыні, паланіў палонных і даў людзям дары». А што азначае «ўзышоўшы», калі не тое, што ён сышоў да найніжэйшых частак зямлі. Той, хто сышоў, ёсць і тым, хто ўзышоў вышэй за ўсе нябёсы, каб напоўніць усё. Ён паставіў адных апосталамі, другіх прарокамі, іншых евангелістамі, іншых пастырамі і настаўнікамі дзеля выхавання святых для справы служэння, для будавання Хрыстовага цела, пакуль усе мы прыйдзем да еднасці веры і пазнання Сына Божага, да чалавека дасканалага, да меры сталасці паводле Хрыстовай паўнаты.

Таму мы больш не павінны быць немаўлятамі, якіх хістае і захапляе кожны вецер вучэнняў, каб падманам людскім, хітрым штукарствам увесці ў зман. Але, кажучы праўду ў любові, усё павінна ўзрастаць у тым, хто з’яўляецца Галавою, – у Хрысце. З Яго ўсё цела, якое складаецца і злучаецца праз розныя ўзаемныя сувязі, у меру дзеяння кожнай асобнай часткі, атрымлівае ўзрастанне цела для будавання самога сябе ў любові.

РЭСПАНСОРЫЙ пар. 2 П 1, 21; Прып 2, 6
Н. Не з людской волі было калісьці прынесена прароцтва; * натхнёныя Духам Святым гаварылі Божыя людзі, аллелюя.
К. Пан дае мудрасць, і з Ягоных вуснаў паходзіць веданне і разважнасць.
Н. Натхнёныя Духам Святым гаварылі Божыя людзі, аллелюя.

ДРУГОЕ ЧЫТАННЕ
Трактат «Супраць ерасяў» св. Ірэнэя, біскупа

(Lib. 1, 10, 1-3: PG 7, 550-554)
Абвяшчэнне праўды

Касцёл, рассеяны па ўсім свеце аж да краёў зямлі, прыняў ад Апосталаў і іх вучняў веру ў адзінага Бога, усемагутнага Айца, «які стварыў неба, і зямлю, і мора, і ўсё, што іх напаўняе» (пар. Дз 4, 24); веру ў аднаго Езуса Хрыста, Сына Божага, уцелаўлёнага дзеля нашага збаўлення, і ў Духа Святога, які праз прарокаў абвяшчаў задумы Божыя і прыйсце праз нараджэнне ад Дзевы, і муку, і ўваскрасенне з мёртвых, і цялеснае ўнебаўшэсце ўмілаванага Езуса Хрыста, нашага Пана, і Ягонае вяртанне з неба ў славе Айца, «каб аднавіць усё» (Эф 1, 10) і ўваскрасіць усякае чалавечае стварэнне, каб Езусу Хрысту, нашаму Пану, Богу, Збаўцу і Валадару, паводле ўпадабання нябачнага Айца, «схілілася кожнае калена стварэнняў нябесных, зямных і падземных; і каб кожны язык вызнаваў Яго» (пар. Флп 2, 10) і каб Ён учыніў справядлівы суд над усімі.

Атрымаў гэтае вучэнне і гэтую веру, як мы толькі што сказалі, Касцёл, рассеяны па ўсім свеце. Ён старанна ахоўвае яе, як бы жывучы ў адным доме. Падобным чынам верыць, нібыта мае адну душу і адно сэрца. Згодна абвяшчае веру, навучае ёй і перадае, нібыта маючы адны вусны. Бо хоць на свеце ёсць розныя мовы, аднак адна і тая ж моц традыцыі.

І не па-іншаму вераць, і не па-іншаму вучаць тыя Касцёлы, што заснаваны ў Германіі, Ірландыі, сярод кельтаў, на Усходзе, а таксама ў Егіпце, у Лівіі і тыя, што заснаваныя ў цэнтры свету. Як сонца, стварэнне Божае, па ўсім свеце адно і тое ж, так і абвяшчэнне праўды паўсюль, дзе ззяе, асвятляе ўсіх людзей, якія хочуць дайсці да пазнання праўды.

І нават найлепшы ў Касцёле прамоўца не скажа іншага, што было перададзена (бо ніхто не большы за Настаўніка), а слабейшы прамоўца не зможа паменшыць традыцыі. А паколькі вера адна і тая ж, не пашырыць яе і той, хто зможа сказаць пра яе шмат, а той, хто скажа мала, не паменшыць.

РЭСПАНСОРЫЙ 1 Кар 1, 17-18. 21
Н. Хрыстус паслаў мяне абвяшчаць Добрую Навіну, і не мудрасцю слова, каб не зрабіць марным крыжа Хрыстовага. * Бо для тых, хто гіне, слова аб крыжы – гэта глупства, але для нас, якія збаўляемся, – гэта моц Божая, аллелюя.
К. Паколькі свет сваёю мудрасцю не пазнаў Бога ў мудрасці Божай, спадабалася Богу праз глупства прапаведавання збавіць веруючых.
Н. Бо для тых, хто гіне, слова аб крыжы – гэта глупства, але для нас, якія збаўляемся, – гэта моц Божая, аллелюя.

ГІМН

Цябе, Бога, праслаўляем,
Табе, Пане, хвала вечна.

Неба і зямля спявае
Табе, Ойча векавечны.

Табе, Божа, ўсе анёлы,
3 імі Моцы і Нябёсы,

Херубімы, cерафімы
Гімн хвалы адвечны ўзносяць.

Святы, Святы над святымі
Бог магутны і ласкавы,

Над зямлёй і небам слыне
Неабсяжнасць Тваёй славы.

I Апосталы, і вучні,
Хор прарокаў, поўны хвалы,

3 імі мучанікаў лучнасць
Аддаюць Табе пашану.

У сугучным хоры льецца
Па усёй зямлі наўкола

Табе хвала з нашых сэрцаў,
Спеў святы Твайго Касцёла.

Сына з Духам суцяшэння,
Велічы Айца прамністай

Праслаўляе ўсё стварэнне, –
Валадар хвалы Ты, Хрыстэ.

Каб жа выбавіць свет цэлы
Праз свае святыя раны,

Сын Айца спрадвечны, цела
Ты прыняў ва ўлонні Панны.

Зруйнаваў Ты брамы смерці,
На крыжы ёй вырваў джала,

Каб для ўсіх, хто ў Цябе верыць,
Радасць вечная заззяла.

Праваруч Айца, у славе
Трон Твой, Збаўца наш адзіны,

Прыйдзеш зноў адтуль у яве,
Каб судзіць людскія чыны.

Грэшным Ты не дай загінуць, –
Будзь нам Збаўцам, не Суддзёю

I абмый нас ад правінаў
Дарагой сваёй крывёю.

Са святымі, ў бляску моцы
Захавай Тваіх абраных,

Пане, збаў народ Твой, просім,
Благаслаў Тваіх падданых.

Гэтую апошнюю частку гімна можна па жаданні прапусціць.

Шляхам нас вядзі бяспечным
У нябесны Ерузалем.

Цябе, Валадар адвечны,
Мы штодзённа праслаўляем.

Праз вякі гучыць няспынна
Спеў, што славіць Твае справы.

Пане, ад усіх правінаў
Захаваць нас будзь ласкавы.

Не пакінь жа свайго люду,
Божа, без Тваёй апекі.

Пану веру, дык не буду
Асаромлены навекі.

МАЛІТВА

Міласцівы Божа, Ты абраў святога Марка, евангеліста, каб ён абвяшчаў Добрую Навіну, просім Цябе, асвяці нас, каб мы, пабожна чытаючы яго Евангелле, навучыліся верна ісці следам за Хрыстом, Тваім Сынам. Які з Табою жыве і валадарыць у еднасці Духа Святога, Бог, праз усе вякі вечныя. Амэн.

Потым, прынамсі пры супольнай цэлебрацыі, дадаецца акламацыя:

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

З радасцю сёння мы гімн заспяваем,
Свята тваё ўспамінаючы, Марку.
Ты расказаў пра жыццё Бога Сына
Божаму люду.

Як твая маці, з гарачай любоўю
Прыняў Пятра і за ім верна крочыў;
Ты захаваў, з яго вуснаў пачуўшы,
Словы пра Збаўцу.

Духам натхнёны, адкрыў нам у кнізе
Мудрасці Божай цудоўныя справы,
Цераз якія ўсе людзі пазналі
Радасць збаўлення.

Павел Апостал любіў цябе, Марку,
Ты ж яго прагнуў наследаваць верна,
Так як і ён, ты цярпеў, кроў праліўшы,
За вернасць Пану.

Хай праз заслугі Твае, святы Марку,
Мы станем вернымі сведкамі Пана,
І сузіраць будзем разам у небе
Яго аблічча. Амэн.

ПСАЛЬМОДЫЯ

1 ант. Святыя евангелісты даследавалі мудрасць старажытных * і пацвярджалі свае апавяданні словамі прарокаў, / аллелюя.

Псальм 63 (62), 2-9
Душа, якая прагне Бога

Той з Богам, хто адкідае ўчынкі цемры

Божа, мой Божа, Цябе шукаю, *
Цябе прагне душа мая.

Маё цела па Табе тужыць *
у зямлі пустыннай, засохлай і бязводнай.

Так, у святыні я ўглядаюся ў Цябе, *
каб убачыць Тваю сілу і славу.

Бо міласэрнасць Твая лепшая за жыццё, *
вусны мае будуць хваліць Цябе.

Так, буду благаслаўляць Цябе ў маім жыцці *
і ўзнясу рукі ў імя Тваё.

Душа мая насычаецца, нібы тлушчам і тукам, *
і вусны мае славяць Цябе радасным спевам;

калі ўзгадваю Цябе на маім ложы, *
разважаю пра Цябе ў начную варту.

Бо Ты стаў маёй дапамогай, *
у цені крылаў Тваіх узрадуюся.

Да Цябе імкнецца душа мая, *
трымае мяне Твая правіца.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Святыя евангелісты даследавалі мудрасць старажытных * і пацвярджалі свае апавяданні словамі прарокаў, / аллелюя.

2 ант. У духу праўды Бог паклікаў нас праз Евангелле * для набыцця славы нашага Пана Езуса Хрыста, / аллелюя.

Песня (Дан 3, 57-88. 56)
Кожнае стварэнне хваліць Пана

Хваліце Бога нашага, усе Ягоныя слугі (Ап 19, 5)

Благаслаўляйце Пана, усе стварэнні Ягоныя, *
хваліце і ўзвялічвайце Яго навекі.

Нябёсы, благаслаўляйце Пана, *
благаслаўляйце Пана, анёлы Ягоныя.

Благаслаўляйце Пана, усе воды, што пад небам, *
няхай усялякая моц благаслаўляе Пана.

Благаслаўляйце Пана, сонца і месяц, *
благаслаўляйце Пана, нябесныя зоркі.

Благаслаўляйце Пана, усе дажджы і росы, *
благаслаўляйце Пана, усе вятры.

Благаслаўляйце Пана, агонь і спёка, *
благаслаўляйце Пана, холад і гарачыня.

Благаслаўляйце Пана, росы ды іней, *
благаслаўляйце Пана, мароз і холад.

Благаслаўляйце Пана, лёд і снег, *
благаслаўляйце Пана, дні і ночы.

Благаслаўляйце Пана, святло і цемра, *
благаслаўляйце Пана, маланкі і хмары.

Няхай зямля благаслаўляе Пана, *
няхай хваліць Яго і ўзвялічвае навекі.

Благаслаўляйце Пана, горы і ўзгоркі, *
благаслаўляйце Пана, усе расліны зямлі.

Благаслаўляйце Пана, крыніцы, *
благаслаўляйце Пана, моры і рэкі.

Благаслаўляйце Пана, кіты і ўсё, што плавае ў водах, *
благаслаўляйце Пана, усе нябесныя птушкі.

Благаслаўляйце Пана, усе звяры і жывёлы, *
благаслаўляйце Пана, чалавечыя сыны.

Няхай Ізраэль благаслаўляе Пана, *
хваліць і ўзвялічвае Яго навекі.

Благаслаўляйце Пана, святары Ягоныя, *
благаслаўляйце Пана, слугі Ягоныя.

Благаслаўляйце Пана, духі і душы справядлівых, *
благаслаўляйце Пана, святыя і пакорныя сэрцам.

Благаслаўляйце Пана, Ананія, Азарыя, Місаэль, *
хваліце і ўзвялічвайце Яго навекі.

Благаславім Айца і Сына, і Духа Святога, *
будзем хваліць і ўзвялічваць Яго навекі.

Благаслаўлёны Ты на скляпенні неба, *
годны хвалы і ўзвялічаны навекі.

2 ант. У духу праўды Бог паклікаў нас праз Евангелле * для набыцця славы нашага Пана Езуса Хрыста, / аллелюя.

3 ант. Многія будуць хваліць мудрасць евангелістаў, * і яна не будзе забытая ніколі, / аллелюя.

Псальм 149
Радасць святых

Дзеці Касцёла, дзеці новага народу радуюцца свайму Валадару – Хрысту (Хезыхій)

Спявайце Пану новую песню, *
хвала Яму на сходзе святых.

Няхай радуецца Ізраэль у тым, хто яго стварыў, *
сыны Сіёна няхай цешацца ў сваім Валадары.

Няхай праслаўляюць імя Ягонае ў танцы, *
няхай зайграюць Яму на бубне і арфе.

Бо Пан любіць свой народ, *
пакорных карануе збаўленнем.

Няхай усклікаюць святыя ў славе, *
няхай радуюцца на ложах сваіх.

Пахвала Богу на іх вуснах, *
а двухбаковы меч – у іхніх руках,

каб адпомсціць язычнікам *
і пакараць народы;

каб звязаць ланцугамі іх каралёў, *
а вяльможаў іх скаваць у жалезныя кайданы,

каб здзейсніць над імі запісаны прысуд: *
такая хвала для ўсіх Ягоных святых.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Многія будуць хваліць мудрасць евангелістаў, * і яна не будзе забытая ніколі, / аллелюя.

КАРОТКАЕ ЧЫТАННЕ 1 Кар 15, 1-2а. 3-4
Нагадваю вам, браты, Евангелле, якое я абвяшчаў вам і якое вы прынялі, і ў якім трываеце, і праз якое таксама збавіцеся, калі цвёрда захаваеце тое слова, што я абвясціў вам. Бо спачатку я перадаў вам тое, што і сам прыняў: што Хрыстус памёр за нашыя грахі паводле Пісання, што Ён быў пахаваны і ўваскрос на трэці дзень паводле Пісання.

КАРОТКІ РЭСПАНСОРЫЙ
К. Расказвалі пра славу Пана і Ягоную моц, * аллелюя, аллелюя.
Н. Расказвалі пра славу Пана і Ягоную моц, * аллелюя, аллелюя.
К. І пра Ягоныя цуды, якія ўчыніў.
Н. Аллелюя, аллелюя.
К. Хвала Айцу і Сыну, і Духу Святому.
Н. Расказвалі пра славу Пана і Ягоную моц, * аллелюя, аллелюя.

ПЕСНЯ З ЕВАНГЕЛЛЯ

Ант. да песні Захарыi: З ласкі Езуса Хрыста * настаўнікі і евангелісты былі пасланыя да народаў, якія паверылі, / дзеля служэння веры, / аллелюя.

Песня Захарыі (Лк 1, 68-79)
Месія і Яго папярэднік

Благаслаўлёны Пан, Бог Ізраэля, *
бо наведаў і адкупіў народ свой,

і ўзняў моц збаўлення для нас *
у доме Давіда, слугі свайго.

Як абвясціў спрадвеку *
вуснамі сваіх святых прарокаў,

што збавіць нас ад ворагаў нашых *
і ад рук усіх, хто нас ненавідзіць.

Каб праявіць міласэрнасць да айцоў нашых *
і нагадаць пра святы запавет свой.

Прысягу, якую даў Абрагаму, айцу нашаму, *
дасць нам.

Каб, выбаўленыя з рук ворагаў, *
мы без страху служылі Яму

ў святасці і справядлівасці перад Ім *
ва ўсе дні нашыя.

А ты, дзіцятка, прарокам Найвышэйшага будзеш названа, *
бо пойдзеш прад абліччам Пана падрыхтаваць шляхі Яму,

каб даць народу Ягонаму пазнаць збаўленне *
праз адпушчэнне яго грахоў,

дзякуючы сардэчнай міласэрнасці нашага Бога,*
у якой наведаў нас Усход з вышыні;

каб асвятліць тых, *
хто сядзіць у цемры і ў цені смяротным;

каб накіраваць ногі нашыя *
на шлях спакою.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Захарыi: З ласкі Езуса Хрыста * настаўнікі і евангелісты былі пасланыя да народаў, якія паверылі, / дзеля служэння веры, / аллелюя.

ПРОСЬБЫ

З годнаю хвалою пакорна просім нашага Збаўцу, які, знішчыўшы смерць, асвятліў Евангеллем шлях да жыцця і нятленнасці:
Умацоўвай свой Касцёл у веры і любові.

Ты цудоўна асвятліў свой Касцёл святымі і выдатнымі настаўнікамі,
– учыні, каб хрысціяне заўсёды радаваліся гэтаму святлу.

Ты прабачаў грахі народу, калі святыя пастыры, як Майсей, прасілі Цябе,
– праз іх заступніцтва асвячай свой Касцёл і няспынна Яго ачышчай.

Ты выбраў сваіх святых сярод братоў і спаслаў на іх свайго Духа,
– напоўні Духам Святым усіх кіраўнікоў Твайго народу.

Ты сам стаў спадчынай святых пастыраў,
– дай, каб ніхто з тых, каго Ты набыў цаною крыві, не заставаўся без Цябе.

Ойча наш.

МАЛІТВА

Міласцівы Божа, Ты абраў святога Марка, евангеліста, каб ён абвяшчаў Добрую Навіну, просім Цябе, асвяці нас, каб мы, пабожна чытаючы яго Евангелле, навучыліся верна ісці следам за Хрыстом, Тваім Сынам. Які з Табою жыве і валадарыць у еднасці Духа Святога, Бог, праз усе вякі вечныя. Амэн.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

У гэту гадзіну святую
Быў Хрыстус узняты на крыжы.
Адкінем жа дрэнныя думкі
І радасць малітвы адчуем.

Няхай той, хто Пана прымае,
Паводзіць сябе беззаганна
І праз выкананне наказаў
Ўдастоіцца Духа Святога.

Пан Езус праз муку на крыжы
Правіну жахлівую знішчыў,
Ад гэтай хвіліны пачаўся
Час радасці і прабачэння.

О Езу, Ты смерць перамогшы,
Хвалою нябеснай нам ззяеш;
Табе і Айцу разам з Духам
Няхай будзе вечная слава. Амэн.

ПСАЛЬМОДЫЯ

Ант. Аллелюя, * аллелюя, аллелюя.

Псальм 119 (118), 153-160
XХ (Рэш)

Паглядзі на нядолю маю і выбаві мяне, *
бо я не забыў пра Твой закон.

Рассудзі маю справу і збаў мяне, *
ажыві мяне паводле Твайго слова.

Далёка ад грэшнікаў выратаванне, *
бо яны не шукаюць Тваіх пастановаў.

Вялікая Твая міласэрнасць, Пане, *
паводле наказаў сваіх ажыві мяне.

Шмат хто пераследуе мяне і ўціскае, *
але я не адхіляюся ад Тваіх сведчанняў.

Бачыў здраднікаў я і адчуваў агіду, *
бо не захоўваюць яны Твайго слова.

Глядзі, як я палюбіў Твае наказы; *
Пане, ажыві мяне паводле міласэрнасці сваёй.

Падстава слова Твайго – праўда, *
і вечныя ўсе суды справядлівасці Тваёй.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 128 (127)
Божае благаслаўленне дому

«Няхай благаславіць цябе Пан з Сіёна», гэта значыць з Касцёла свайго (Арнобій)

Шчаслівы кожны, хто баіцца Пана, *
хто ходзіць Ягонымі шляхамі.

Плён працы рук сваіх будзеш спажываць, *
будзеш шчаслівы і добра табе будзе.

Жонка твая, як урадлівая вінаградная лаза *
ў сценах дому твайго.

Сыны твае, як аліўкавыя парасткі, *
вакол стала твайго.

Вось так будзе благаслаўлёны чалавек, *
які баіцца Пана.

Няхай благаславіць цябе Пан з Сіёна, – †
і ты ўбачыш дабрабыт Ерузалема *
ва ўсе дні жыцця свайго.

Убачыш патомства сыноў сваіх. *
Спакой над Ізраэлем.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 129 (128)
Новая надзея прыгнечанага народу

Касцёл гаворыць пра свае цярпенні (св. Аўгустын)

Часта прыгняталі мяне з маладосці маёй, – *
можа сказаць Ізраэль, –

часта ўціскалі мяне з маладосці маёй, *
аднак не здолелі знішчыць мяне.

На спіне маёй аратыя аралі, *
парабілі доўгія барозны.

Але справядлівы Пан *
паразрываў путы грэшнікаў.

Няхай будуць асаромленыя і адступяць *
усе, хто ненавідзіць Сіён.

Няхай стануць падобнымі да травы на даху, *
якая высыхае перад тым, як яе вырвуць.

Касец не напоўніць ёй сваёй далоні, *
і той, хто вяжа снапы, сваёй рукі.

І не скажуць праходзячыя міма: †
«Благаслаўленне Пана над вамі, *
благаслаўляем вас імем Пана».

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Аллелюя, * аллелюя, аллелюя.

КАРОТКАЕ ЧЫТАННЕ Рым 1, 16-17
Я не саромеюся Евангелля, бо гэта моц Божая, дадзеная для збаўлення кожнаму, хто верыць, спярша юдэю, а потым і грэку. Бо ў Ім адкрываецца справядлівасць Божая з веры для веры, як напісана: Праведны жыць будзе вераю.

К. Па ўсёй зямлі разышоўся іх голас, аллелюя.
Н. І да краёў зямлі – іхнія словы, аллелюя.

МАЛІТВА

Міласцівы Божа, Ты абраў святога Марка, евангеліста, каб ён абвяшчаў Добрую Навіну, просім Цябе, асвяці нас, каб мы, пабожна чытаючы яго Евангелле, навучыліся верна ісці следам за Хрыстом, Тваім Сынам. Які з Табою жыве і валадарыць у еднасці Духа Святога, Бог, праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Прыйдзіце, пакорныя слугі,
Няхай вашы вусны і розум
Праславяць хвалебнаю песняй
Святое Імя Бога Збаўцы.

Смяротныя ў гэту гадзіну
На муку Хрыста асудзілі.
І быў да крыжа прыбіты
Сам Бог і Суддзя ўсемагутны.

А мы ўсе з належнай любоўю
І з праведнай бояззю просім,
Каб Ён дапамог у змаганні
З нападамі лютага д’ябла.

Няхай нашу шчырую просьбу
Пачуе Айцец наймілейшы,
Сын, што навек валадарыць,
І Дух Найсвяцейшы, у Тройцы. Амэн.

ПСАЛЬМОДЫЯ

Ант. Аллелюя, * аллелюя, аллелюя.

Псальм 119 (118), 153-160
XХ (Рэш)

Паглядзі на нядолю маю і выбаві мяне, *
бо я не забыў пра Твой закон.

Рассудзі маю справу і збаў мяне, *
ажыві мяне паводле Твайго слова.

Далёка ад грэшнікаў выратаванне, *
бо яны не шукаюць Тваіх пастановаў.

Вялікая Твая міласэрнасць, Пане, *
паводле наказаў сваіх ажыві мяне.

Шмат хто пераследуе мяне і ўціскае, *
але я не адхіляюся ад Тваіх сведчанняў.

Бачыў здраднікаў я і адчуваў агіду, *
бо не захоўваюць яны Твайго слова.

Глядзі, як я палюбіў Твае наказы; *
Пане, ажыві мяне паводле міласэрнасці сваёй.

Падстава слова Твайго – праўда, *
і вечныя ўсе суды справядлівасці Тваёй.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 128 (127)
Божае благаслаўленне дому

«Няхай благаславіць цябе Пан з Сіёна», гэта значыць з Касцёла свайго (Арнобій)

Шчаслівы кожны, хто баіцца Пана, *
хто ходзіць Ягонымі шляхамі.

Плён працы рук сваіх будзеш спажываць, *
будзеш шчаслівы і добра табе будзе.

Жонка твая, як урадлівая вінаградная лаза *
ў сценах дому твайго.

Сыны твае, як аліўкавыя парасткі, *
вакол стала твайго.

Вось так будзе благаслаўлёны чалавек, *
які баіцца Пана.

Няхай благаславіць цябе Пан з Сіёна, – †
і ты ўбачыш дабрабыт Ерузалема *
ва ўсе дні жыцця свайго.

Убачыш патомства сыноў сваіх. *
Спакой над Ізраэлем.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 129 (128)
Новая надзея прыгнечанага народу

Касцёл гаворыць пра свае цярпенні (св. Аўгустын)

Часта прыгняталі мяне з маладосці маёй, – *
можа сказаць Ізраэль, –

часта ўціскалі мяне з маладосці маёй, *
аднак не здолелі знішчыць мяне.

На спіне маёй аратыя аралі, *
парабілі доўгія барозны.

Але справядлівы Пан *
паразрываў путы грэшнікаў.

Няхай будуць асаромленыя і адступяць *
усе, хто ненавідзіць Сіён.

Няхай стануць падобнымі да травы на даху, *
якая высыхае перад тым, як яе вырвуць.

Касец не напоўніць ёй сваёй далоні, *
і той, хто вяжа снапы, сваёй рукі.

І не скажуць праходзячыя міма: †
«Благаслаўленне Пана над вамі, *
благаслаўляем вас імем Пана».

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Аллелюя, * аллелюя, аллелюя.

КАРОТКАЕ ЧЫТАННЕ 1 Тэс 2, 2b-4а
Мы адважыліся ў Богу нашым абвяшчаць вам Евангелле Божае ў вялікім змаганні. Бо заахвота наша не паходзіць з памылкі, нячыстасці ці падману, але, як мы былі выпрабаваны Богам, каб паверыць у Евангелле, так і абвяшчаем для таго, каб дагадзіць не людзям, але Богу.

К. Захоўвалі запаведзі Бога, аллелюя.
Н. І Ягоныя наказы, аллелюя. 

МАЛІТВА

Міласцівы Божа, Ты абраў святога Марка, евангеліста, каб ён абвяшчаў Добрую Навіну, просім Цябе, асвяці нас, каб мы, пабожна чытаючы яго Евангелле, навучыліся верна ісці следам за Хрыстом, Тваім Сынам. Які з Табою жыве і валадарыць у еднасці Духа Святога, Бог, праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Вось бляскам заззяла гадзіна,
Што крыжа рассеяла цемру,
Зямлю вярнула са змроку,
Нябесным святлом асвяціўшы.

У гэту гадзіну Пан Езус
Вярнуў да жыцця ўсіх памерлых.
І, вывеўшы целы з магілаў,
Даў ім жыццядайнага духа.

Тады абнавіўся свет цэлы,
І смерць сваю страціла сілу,
Пачаўся час радасці вечнай
І ласкаў нябеснага шчасця.

О Езу, Ты, смерць перамогшы,
Хвалою нябеснай нам ззяеш;
Табе і Айцу разам з Духам
Няхай будзе вечная слава. Амэн.

ПСАЛЬМОДЫЯ

Ант. Аллелюя, * аллелюя, аллелюя.

Псальм 119 (118), 153-160
XХ (Рэш)

Паглядзі на нядолю маю і выбаві мяне, *
бо я не забыў пра Твой закон.

Рассудзі маю справу і збаў мяне, *
ажыві мяне паводле Твайго слова.

Далёка ад грэшнікаў выратаванне, *
бо яны не шукаюць Тваіх пастановаў.

Вялікая Твая міласэрнасць, Пане, *
паводле наказаў сваіх ажыві мяне.

Шмат хто пераследуе мяне і ўціскае, *
але я не адхіляюся ад Тваіх сведчанняў.

Бачыў здраднікаў я і адчуваў агіду, *
бо не захоўваюць яны Твайго слова.

Глядзі, як я палюбіў Твае наказы; *
Пане, ажыві мяне паводле міласэрнасці сваёй.

Падстава слова Твайго – праўда, *
і вечныя ўсе суды справядлівасці Тваёй.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 128 (127)
Божае благаслаўленне дому

«Няхай благаславіць цябе Пан з Сіёна», гэта значыць з Касцёла свайго (Арнобій)

Шчаслівы кожны, хто баіцца Пана, *
хто ходзіць Ягонымі шляхамі.

Плён працы рук сваіх будзеш спажываць, *
будзеш шчаслівы і добра табе будзе.

Жонка твая, як урадлівая вінаградная лаза *
ў сценах дому твайго.

Сыны твае, як аліўкавыя парасткі, *
вакол стала твайго.

Вось так будзе благаслаўлёны чалавек, *
які баіцца Пана.

Няхай благаславіць цябе Пан з Сіёна, – †
і ты ўбачыш дабрабыт Ерузалема *
ва ўсе дні жыцця свайго.

Убачыш патомства сыноў сваіх. *
Спакой над Ізраэлем.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 129 (128)
Новая надзея прыгнечанага народу

Касцёл гаворыць пра свае цярпенні (св. Аўгустын)

Часта прыгняталі мяне з маладосці маёй, – *
можа сказаць Ізраэль, –

часта ўціскалі мяне з маладосці маёй, *
аднак не здолелі знішчыць мяне.

На спіне маёй аратыя аралі, *
парабілі доўгія барозны.

Але справядлівы Пан *
паразрываў путы грэшнікаў.

Няхай будуць асаромленыя і адступяць *
усе, хто ненавідзіць Сіён.

Няхай стануць падобнымі да травы на даху, *
якая высыхае перад тым, як яе вырвуць.

Касец не напоўніць ёй сваёй далоні, *
і той, хто вяжа снапы, сваёй рукі.

І не скажуць праходзячыя міма: †
«Благаслаўленне Пана над вамі, *
благаслаўляем вас імем Пана».

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Аллелюя, * аллелюя, аллелюя.

КАРОТКАЕ ЧЫТАННЕ 2 Цім 1, 8b-9
Далучыся да цярпенняў дзеля Евангелля паводле моцы Бога, які ўратаваў нас і паклікаў святым пакліканнем не за нашыя ўчынкі, але паводле ўласнай пастановы і ласкі, дадзенай нам у Хрысце Езусе.

К. Радуйцеся і весяліцеся, – кажа Пан, аллелюя.
Н. Бо вашыя імёны запісаныя ў нябёсах, аллелюя.

МАЛІТВА

Міласцівы Божа, Ты абраў святога Марка, евангеліста, каб ён абвяшчаў Добрую Навіну, просім Цябе, асвяці нас, каб мы, пабожна чытаючы яго Евангелле, навучыліся верна ісці следам за Хрыстом, Тваім Сынам. Які з Табою жыве і валадарыць у еднасці Духа Святога, Бог, праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

З радасцю сёння мы гімн заспяваем,
Свята тваё ўспамінаючы, Марку.
Ты расказаў пра жыццё Бога Сына
Божаму люду.

Як твая маці, з гарачай любоўю
Прыняў Пятра і за ім верна крочыў;
Ты захаваў, з яго вуснаў пачуўшы,
Словы пра Збаўцу.

Духам натхнёны, адкрыў нам у кнізе
Мудрасці Божай цудоўныя справы,
Цераз якія ўсе людзі пазналі
Радасць збаўлення.

Павел Апостал любіў цябе, Марку,
Ты ж яго прагнуў наследаваць верна,
Так як і ён, ты цярпеў, кроў праліўшы,
За вернасць Пану.

Хай праз заслугі Твае, святы Марку,
Мы станем вернымі сведкамі Пана,
І сузіраць будзем разам у небе
Яго аблічча. Амэн.

ПСАЛЬМОДЫЯ

1 ант. Я стаў слугою Евангелля * згодна з дарам ласкі Божай, / аллелюя.

Псальм 116, 10-19 (115)

Я верыў нават тады, калі казаў: *
«Я моцна прыгнечаны».

Я сказаў у боязі сваёй: *
«Кожны чалавек – ілгун».

Чым аддзячу я Пану *
за ўсе Яго дабрадзействы для мяне?

Келіх збаўлення ўзніму *
і буду заклікаць імя Пана.

Выканаю свае абяцанні для Пана *
перад усім Яго народам.

Каштоўная ў вачах Пана *
смерць Яго святых.

Пане, я Твой слуга, †
Я слуга Твой, сын слугі Тваёй, *
Ты разарваў мае кайданы.

Я прынясу Табе ахвяру хвалы *
і буду заклікаць імя Пана.

Выканаю свае абяцанні для Пана *
перад усім Яго народам.

У дварах дома Пана, *
сярод цябе, Ерузалем.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Я стаў слугою Евангелля * згодна з дарам ласкі Божай, / аллелюя.

2 ант. Усё раблю дзеля Евангелля, * каб стаць Яго ўдзельнікам, / аллелюя.

Псальм 126 (125)

Калі Пан перамяніў лёс Сіёна, *
мы былі, быццам у сне.

Вусны нашыя тады былі поўныя смеху, *
а язык спяваў з радасці.

Тады гаварылі між народамі: *
«Вялікія рэчы ўчыніў Пан для іх».

Вялікія рэчы ўчыніў Пан для нас, *
і мы ўзрадаваліся.

Змяні наш лёс, о Пане, *
як патокі на поўдзень.

Хто ў слязах сеяў, *
жаць будзе з радасцю.

Хто ідзе і плача, несучы насенне, каб сеяць, *
вернецца з радасцю, несучы снапы свае.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Усё раблю дзеля Евангелля, * каб стаць Яго ўдзельнікам, / аллелюя.

3 ант. Мне дадзена ласка *  абвяшчаць народам неабсяжнае багацце Хрыста, / аллелюя.

Песня (Эф 1, 3-10)

Благаслаўлёны Бог *
і Айцец Пана нашага Езуса Хрыста,

які благаславіў нас у Хрысце *
ўсялякім духоўным благаслаўленнем на нябёсах

i выбраў нас у Ім перад стварэннем свету, †
каб мы былі святымі і беззаганнымі *
перад Ім у любові.

Ён прадвызначыў нас для ўсынаўлення †
праз Езуса Хрыста, *
паводле ўпадабання сваёй волі,

дзеля хвалы сваёй праслаўленай ласкі, *
якою Ён адарыў нас ва Умілаваным.

У Ім мы маем адкупленне Ягонаю крывёю, *
дараванне правінаў,

паводле багацця ласкі Ягонай, †
якою шчодра адарыў нас *
ва ўсялякай мудрасці і разуменні,

дазволіўшы нам пазнаць †
таямніцу сваёй волі, *
паводле свайго ўпадабання,

якое раней паклаў у Ім *
для спаўнення паўнаты часу,

каб аб’яднаць усё ў Хрысце: *
тое, што на нябёсах і на зямлі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Мне дадзена ласка *  абвяшчаць народам неабсяжнае багацце Хрыста, / аллелюя.

КАРОТКАЕ ЧЫТАННЕ Клс 1, 3-6а
Дзякуем Богу, Айцу нашага Пана Езуса Хрыста, заўсёды, калi молiмся за вас, бо мы пачулі пра вашую веру ў Хрысце Езусе і пра любоў, якую маеце да ўсіх святых дзеля надзеі, што захавана для вас у нябёсах. Вы пачулі пра яе раней у слове праўды Евангелля, якое прыйшло да вас. І як яно прыносіць плён і расце ва ўсім свеце, так i сярод вас.

КАРОТКІ РЭСПАНСОРЫЙ
К. Абвяшчайце між народаў славу Пана, * аллелюя, аллелюя.
Н. Абвяшчайце між народаў славу Пана, * аллелюя, аллелюя.
К. Сярод усіх народаў Ягоныя цуды.
Н. Аллелюя, аллелюя.
К. Хвала Айцу і Сыну, і Духу Святому.
Н. Абвяшчайце між народаў славу Пана, * аллелюя, аллелюя.

ПЕСНЯ З ЕВАНГЕЛЛЯ

Ант. да песні Марыі: Слова Пана трывае навекі. * І гэтым словам ёсць Добрая Навіна, абвешчаная вам, / аллелюя.

Песня Марыі (Лк 1, 46-55)
Радасць душы ў Пану

Велічае душа мая Пана, *
і ўзрадаваўся дух мой у Богу, маім Збаўцу,

бо глянуў Бог на пакору сваёй слугі. *
І цяпер благаслаўляць мяне будуць усе пакаленні.

Бо вялікае ўчыніў мне Усемагутны, *
а імя Яго святое.

І міласэрнасць Яго з пакалення ў пакаленне *
над тымі, хто Яго баіцца.

Паказаў моц сваёй правіцы, *
рассеяў тых, хто пыхлівы сэрцам.

Скінуў магутных з трону *
і ўзвысіў пакорных.

Дабром галодных насыціў, *
а багатых ні з чым адправіў.

Прыняў свайго слугу Ізраэля, *
памятаючы пра сваю міласэрнасць,

як абяцаў бацькам нашым - *
Абрагаму і яго патомству навекі.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Марыі: Слова Пана трывае навекі. * І гэтым словам ёсць Добрая Навіна, абвешчаная вам, / аллелюя.

ПРОСЬБЫ

Бога, Айца святла, які паклікаў нас да праўдзівай веры праз Евангелле свайго Сына, просім за Яго святы народ:
Памятай, Пане, пра свой Касцёл.

Ойча, Ты ўваскрасіў свайго Сына, вялікага пастыра авечак,
– учыні, каб мы былі Ягонымі сведкамі да самага краю зямлі.

Ты паслаў свайго Сына абвяшчаць Добрую Навіну ўбогім,
– дапамагай нам абвяшчаць Евангелле ўсякаму стварэнню.

Ты паслаў свайго Сына сеяць насенне слова,
– учыні, каб мы, сеючы слова ў цярпенні, з радасцю збіралі яго плён.

Ты паслаў свайго Сына прымірыць з сабою свет праз Ягоную кроў,
– дапамажы нам супрацоўнічаць дзеля прымірэння ўсіх.

Ты паставіў свайго Сына ў небе праваруч сябе,
– дапусці памерлых у валадарства вечнага шчасця.

Ойча наш.

МАЛІТВА

Міласцівы Божа, Ты абраў святога Марка, евангеліста, каб ён абвяшчаў Добрую Навіну, просім Цябе, асвяці нас, каб мы, пабожна чытаючы яго Евангелле, навучыліся верна ісці следам за Хрыстом, Тваім Сынам. Які з Табою жыве і валадарыць у еднасці Духа Святога, Бог, праз усе вякі вечныя. Амэн.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пасля гэтага пажадана зрабіць рахунак сумлення.

ГІМН

О, Езу, Збавіцель сусвету,
Спрадвечнае Слова Айца,
Святло незвычайнага бляску,
Нястомны ахоўнік людзей.

Стварыцель усяго наймудрэйшы,
Кіруеш гадзінамі дня;
Каб аздаравіць стому цела,
Начны адпачынак нам даў.

Ты зруйнаваў моцы пекла,
Ад ворага вызвалі нас,
Каб ён не зняволіў спакусай
Ахопленых мукай Тваёй.

Пакуль нашае кволае цела
Знаходзіць у сне адпачынак,
Няхай розум будзе бадзёрым
І верна чувае з Табою.

Табе, уваскрослы наш Пане,
Няхай будзе слава й пашана
У Тройцы Святой і Адзінай
Няспынна ва ўсе вякі. Амэн.

ПСАЛЬМОДЫЯ

Ант. Аллелюя, * аллелюя, аллелюя.

Псальм 16 (15)
Пан – частка спадчыны маёй

Бог уваскрасіў Езуса, вызваліўшы ад мукаў смерці (Дз 2, 24)

Захавай мяне, Божа, *
бо на Цябе спадзяюся.

Сказаў я Пану: «Ты – мой Пан. *
Няма ў мяне ніякага дабра, апроч Цябе».

Уся мая любоў скіравана да святых, *
выбітных мужоў Яго зямлі.

Тыя, хто ідзе за чужымі багамі, *
памнажаюць свае цярпенні.

Я не буду ліць іхніх крывавых ахвяраў, *
іх імёнаў не вымавяць мае вусны.

Пан – частка спадчыны маёй і келіха майго, *
Ён лёс мой трымае.

Шнуры адмерылі мне шчодры надзел, *
і мая спадчына мне вельмі даспадобы.

Благаслаўляю Пана, які дае мне параду, *
бо і ноччу вучыць мяне маё сэрца.

Пана маю заўсёды перад вачыма, *
Ён праваруч мяне, – і я не пахіснуся.

Таму радуецца маё сэрца і весяліцца душа, *
і цела маё будзе спачываць бяспечна,

бо не пакінеш душы маёй у адхлані *
і не дасі святому Твайму ўбачыць тленне.

Ты дарогу жыцця мне пакажаш, †
паўната радасці перад Табою, *
вечнае шчасце праваруч Цябе.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Аллелюя, * аллелюя, аллелюя.

КАРОТКАЕ ЧЫТАННЕ 1 Тэс 5, 23
Сам жа Бог спакою няхай асвяціць вас цалкам, і ўвесь дух ваш, і душа, і цела няхай захаваюцца без заганы ў прыйсце Пана нашага Езуса Хрыста.

К. У рукі Твае, Пане, аддаю я дух мой, * аллелюя, аллелюя.
Н. У рукі Твае, Пане, аддаю я дух мой, * аллелюя, аллелюя.
К. Ты нас адкупіў, Пане Божа верны.
Н. Аллелюя, аллелюя.
К. Хвала Айцу і Сыну, і Духу Святому.
Н. У рукі Твае, Пане, аддаю я дух мой, * аллелюя, аллелюя. 

ПЕСНЯ З ЕВАНГЕЛЛЯ

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі, / аллелюя.

Песня Сімяона (Лк 2, 29-32)
Хрыстус – святло народаў і хвала Ізраэля

Цяпер адпускаеш слугу Твайго, Валадару, *
паводле слова Твайго, у спакоі;

бо вочы мае ўбачылі збаўленне Тваё, *
якое падрыхтаваў Ты перад абліччам усіх народаў, 

святло для асвятлення язычнікаў *
і хвалу народу Твайго Ізраэля.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі, / аллелюя.

МАЛІТВА

Пане наш Божа, атулі нас, змучаных працай гэтага дня, спакойным сном, каб узмоцненыя Тваёй ласкай, мы заўсёды былі адданыя Табе целам і духам. Праз Хрыста, Пана нашага. Амэн.

Потым, нават тады, калі Камплета чытаецца індывідуальна, прамаўляецца благаслаўленне:

Ноч спакойную і смерць шчаслівую няхай дасць нам Бог усемагутны, Айцец і Сын, і Дух Святы.
Н. Амэн.

АНТЫФОНЫ НА ЗАКАНЧЭННЕ ДА НАЙСВЯЦЕЙШАЙ ПАННЫ МАРЫІ

Уладарка неба, усцешся, аллелюя.
Бо той, каго пад сэрцам насіла, аллелюя.
Уваскрос Ён, як прадказаў, аллелюя.
Богу за нас маліся, аллелюя.