Заклік з’яўляецца пачаткам штодзённай літургічнай малітвы. Ён папярэднічае Гадзіне чытанняў або Ютрані, у залежнасці ад таго, якая з гэтых літургічных гадзінаў распачынае малітву дня.

К. Пане, адкрый мае вусны.
Н. І вусны мае будуць абвяшчаць Тваю хвалу.

Ант. Праславім нашага Бога, / ушаноўваючы святога N.

Псальм 100 (99)
Радасць тых, хто ўваходзіць у святыню

Пан хоча, каб адкупленыя спявалі песню перамогі (св. Атаназій) 

Усклікай Пану, уся зямля. *
З радасцю служыце Пану.

Станьце перад Яго абліччам *
з радасным спевам.

Ант. Праславім нашага Бога, / ушаноўваючы святога N.

Ведайце, што Пан ёсць Богам, *
Ён стварыў нас, і мы Ягоныя.

Мы – Яго народ *
і авечкі Ягонай пашы.

Ант. Праславім нашага Бога, / ушаноўваючы святога N.

Уваходзьце ў брамы Яго з падзякаю, †
на дзядзінцы Ягоныя з гімнам хвалы, *
праслаўляйце і благаслаўляйце Яго імя.

Бо Пан ёсць добры, †
навекі Ягоная міласэрнасць, *
і вернасць Яго з пакалення ў пакаленне.

Ант. Праславім нашага Бога, / ушаноўваючы святога N.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Праславім нашага Бога, / ушаноўваючы святога N.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Сярод святых ты цешышся хвалою,
Ад нас прымі таксама праслаўленне,
Бо праведнасць твая нас захапляе,
О Бэнэдыкце!

Ты сталым стаў яшчэ ў сваім юнацтве,
І не звяла цябе пажадлівасць зямная,
Імкнуўся ты ўсцяж духам да нябёсаў
Дарогай святасці.

Каб не зграшыць, пакінуў ты айчыну,
Чужым стаў для сям’і сваёй і родных.
Ў пустэльні, што была сапраўдным домам,
Ты ўзрастаў у пакоры.

Шлях паказаў, як трэба служыць Богу,
Евангелле прыняўшы усім сэрцам.
Дапамажы нам крочыць шляхам веры
У жыцці штодзённым.

Айцу і Сыну, і Святому Духу
Цяпер хвала хай будзе і навекі,
За тое, што цябе так шчодра адарылі
Хвалою ласкі. Амэн.

ПСАЛЬМОДЫЯ

1 ант. Ён прасіў у Цябе жыцця, * і Ты даў яму, Пане; / Ты адарыў яго веліччу і гонарам.

Псальм 21 (20), 2-8. 14

Пане, Тваёй сілай цешыцца кароль *
і вельмі радуецца Тваёй дапамозе.

Ты выканаў жаданне ягонага сэрца *
і просьбы вуснаў яго не адкінуў.

Бо Ты сустрэў яго жаданымі благаслаўленнямі, *
на яго галаву ўсклаў вянок з чыстага золата.

Ён прасіў у Цябе жыцця, *
і Ты даў яму даўгалецце на вечныя вякі.

Вялікая слава яго пры Тваёй дапамозе, *
Ты адарыў яго веліччу і гонарам.

Благаслаўленне даў яму навекі, *
усцешыў яго радасцю перад Тваім абліччам.

Бо кароль спадзяецца на Пана *
і дзякуючы міласэрнасці Найвышэйшага не пахіснецца.

Устань, Пане, у магутнасці сваёй, *
мы будзем апяваць і праслаўляць Тваю моц.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Ён прасіў у Цябе жыцця, * і Ты даў яму, Пане; / Ты адарыў яго веліччу і гонарам.

2 ант. Сцежка справялівага як бляск святла, * што вядзе да дасканалага дня.

Псальм 92 (91)
І (2-9)

Добра ёсць дзякаваць Пану *
і праслаўляць імя Тваё, Найвышэйшы,

раніцаю абвяшчаць Тваю міласэрнасць *
і вернасць Тваю ўначы.

На дзесяціструннай арфе і на ліры, *
пад гранне гусляў.

Бо Ты ўсцешыў мяне, Пане, учынкамі сваімі, *
я радуюся справам Тваіх рук.

Якія ж вялікія Твае справы, Пане, *
Твае думкі вельмі глыбокія.

Неразумны чалавек не спазнае, *
а неразважлівы не зразумее гэтага.

Хоць грэшнікі разрастаюцца, быццам трава, *
і ўсе, хто чыніць беззаконне, квітнеюць,

усё роўна знікнуць назаўсёды. *
Ты ж, Пане, узвышаны навекі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Сцежка справялівага як бляск святла, * што вядзе да дасканалага дня.

3 ант. Справядлівы заквітнее, як пальма, * вырасце, быццам кедр на Лібане.

ІІ (10-16)

Бо вось ворагі Твае, Пане, †
бо вось ворагі Твае загінуць, *
і ўсе рассеяцца, хто чыніць беззаконне.

А мой рог Ты ўзносіш, як у аднарога, *
і я намашчаны свежым алеем.

Мае вочы бачаць тых, хто мяне падсцерагае, †
мае вушы чуюць злачынцаў, *
што паўставалі супраць мяне.

Справядлівы заквітнее, як пальма, *
вырасце, быццам кедр на Лібане.

Пасаджаныя ў доме Пана, *
яны заквітнеюць на дзядзінцах нашага Бога.

Нават у старасці яны будуць пладавітыя, *
сакавітыя і свежыя,

каб абвяшчаць, што справядлівы Пан, *
цвярдыня мая, і няма ў Ім няпраўды.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Справядлівы заквітнее, як пальма, * вырасце, быццам кедр на Лібане.

К. Пан вёў справядлівага па сцежках праўды.
Н. І паказаў яму Божае Валадарства.

ПЕРШАЕ ЧЫТАННЕ
Пасланне св. апостала Паўла да Філіпянаў  3, 7 – 4, 1. 4-9

Радуйцеся заўсёды ў Пану

Браты: Што было для мяне набыткам, тое дзеля Хрыста я палічыў стратай. Ды і ўсё лічу стратаю дзеля перавагі пазнання Хрыста Езуса, майго Пана.

Дзеля Яго я ўсё страціў і лічу смеццем, каб набыць Хрыста і апынуцца ў Ім не са сваёю справядлівасцю, якая паходзіць з Закону, але з тою, якая паходзіць з веры ў Хрыста, са справядлівасцю ад Бога, заснаванай на веры, каб пазнаць Яго і моц Ягонага ўваскрасення і саўдзельнічаць у цярпеннях Ягоных, прыпадабняючыся да Ягонай смерці, каб нейкім чынам дасягнуць уваскрашэння з мёртвых. Не тое, каб я ўжо атрымаў гэта і ўжо стаў дасканалым, але я імкнуся атрымаць тое, дзеля чаго мяне здабыў Хрыстус Езус.

Браты, я не лічу, што ўжо атрымаў гэта, але толькі забываю тое, што за мною, і сягаю да таго, што наперадзе. Паводле мэты імкнуся да ўзнагароды высокага паклікання Божага ў Хрысце Езусе.

Будучы дасканалымі, давайце так думаць, а калі інакш думаеце, то Бог вам адкрые. Аднак, да чаго мы ўжо дайшлі, таго і будзем трымацца.

Наследуйце мяне, браты, і глядзіце на тых, хто паступае паводле ўзору, які маеце ў нас. Бо многія, пра каго часта казаў вам, а цяпер нават з плачам кажу, паступаюць, як ворагі крыжа Хрыстовага. Іхні канец – пагібель, іхні бог – чэрава, і слава іх – у сораме іхнім; яны думаюць пра зямное. А наша айчына знаходзіцца ў нябёсах, адкуль мы чакаем Збаўцу, Пана Езуса Хрыста, які пераменіць нашае прыніжанае цела на падабенства свайго праслаўленага цела праз дзеянне моцы, якой Ён можа падпарадкаваць сабе ўсё.

Таму, мае браты ўмілаваныя, па якіх сумую, радасць і вянец мой, так трывайце ў Пану, умілаваныя!

Радуйцеся заўсёды ў Пану. Яшчэ раз кажу: радуйцеся! Лагоднасць вашая няхай будзе вядомая ўсім людзям. Пан блізка. Ні пра што не турбуйцеся, але ў кожнай малітве і просьбе з удзячнасцю адкрывайце вашыя жаданні перад Богам. І спакой Божы, які пераўзыходзіць усялякі розум, будзе аберагаць сэрцы вашыя і думкі вашыя ў Хрысце Езусе.

Нарэшце, браты, што ёсць праўдзівае, што годнае, што справядлівае, што беззаганнае, што ласкавае, што хвалебнае, калі гэта нейкая цнота або нешта годнае пахвалы – пра гэта думайце. Чаму навучыліся, і што прынялі, і пачулі, і ўбачылі ўва мне, тое чыніце, і Бог спакою будзе з вамі.

РЭСПАНСОРЫЙ Лк 12, 35-36; Мц 24, 42
Н. Няхай сцёгны вашыя будуць падперазаныя і светачы запаленыя, * а вы – падобныя да людзей, якія чакаюць вяртання свайго гаспадара з вяселля.
К. Таму чувайце, бо не ведаеце, у які дзень Пан ваш прыйдзе.
Н. А вы.

Пра законніцу: Пс 45 (44), 2
Н. Адкінула валадарства гэтага свету і ўсю прыгажосць яго дзеля любові да Пана майго, Езуса Хрыста; * Яго пазнала і выбрала, у Яго паверыла і палюбіла Яго.
К. З майго сэрца выплывае добрае слова; я спяваю песню маю для Караля.
Н. Яго пазнала.

ДРУГОЕ ЧЫТАННЕ
«Рэгула» св. Бэнэдыкта, абата

(Prologus, 4-22; cap. 72, 1-12: CSEL 75, 2-5. 161-163)
Няхай нішто не будзе важнейшым за Хрыста

Перш, чым штосьці добрае захочаш зрабіць, спачатку шчыра памаліся, каб Бог сам гэта завершыў, а мы, якіх Ён пажадаў залічыць да ліку сваіх сыноў, каб не засмучалі Яго нашымі дрэннымі ўчынкамі. Карыстаючыся дабром, якім адарыў нас, мы павінны заўсёды быць паслухмянымі Яму, бо ў адваротным выпадку Ён мог бы не толькі пазбавіць нас спадчыны, як раззлаваны Айцец сваіх сыноў, але таксама як грозны Пан, пакрыўджаны нашай нікчэмнасцю, Ён мог бы аддаць на вечнае пакаранне нягодных слугаў, бо мы не хацелі ісці за Ім да хвалы.

Урэшце, паўстанем, бо Святое Пісанне заахвочвае нас словамі: «Настала ўжо пара, каб вы абудзіліся са сну» (Рым 13, 11). Адкрыўшы вочы на боскае святло, будзем уважліва слухаць Божы голас, які штодня нагадвае нам, заклікаючы: «О, каб вы паслухалі сёння Ягоны голас: не рабіце жорсткімі сэрцы вашыя» (Пс 95 [94], 7-8) і яшчэ: «Хто мае вушы, няхай пачуе, што Дух кажа Касцёлам» (Ап 2, 11).

А што кажа? «Прыйдзіце, сыны, паслухайце мяне: навучу вас боязі Пана» (Пс 34 [33], 12). Бяжыце, пакуль маеце Святло жыцця, каб цемра смерці не агарнула вас (пар. Ян 12, 35).

Пан сярод шматлікага натоўпу, якому кажа гэтыя словы, шукае сваіх супрацоўнікаў і яшчэ раз паўтарае: «Хто той чалавек, які ўпадабаў жыццё і любіць доўгія дні, каб бачыць дабро?» (Пс 34 [33], 13). Калі, пачуўшы гэтае, адкажаш: «Я», Бог скажа табе: «Паколькі хочаш мець праўдзівае і вечнае жыццё, сцеражы язык свой ад злога і вусны свае ад словаў падступных, адвярніся ад зла і рабі дабро, шукай спакою і трымайся яго (пар. Пс 34 [33], 14-15). Калі гэта зробіце, мае вочы будуць скіраваныя на вас, а вушы мае будуць адкрытыя на вашыя просьбы. І перш, чым паклічаце Мяне, Я адкажу: “Вось Я”».

Што ж для нас наймілейшае, дарагія браты, за гэтае запрашэнне? У сваёй ласкавасці Пан паказвае нам дарогу жыцця.

Таму падпярэжам сцёгны верай і выкананнем добрых учынкаў, пойдзем сцежкамі Пана пад кіраўніцтвам Евангелля, каб мы былі годныя сузіраць таго, хто паклікаў нас у сваё валадарства. Калі мы прагнем пасяліцца ў гэтым валадарстве і ў Святыні Пана, мы павінны бегчы дарогаю добрых учынкаў, бо інакш туды не патрапім.

Як існуе злая і горкая заўзятасць, якая аддаляе ад Бога і вядзе да пекла, так існуе і добрая руплівасць, якая аддаляе ад грахоў і вядзе да Бога і вечнага жыцця. Няхай гэтая руплівасць адрознівае манахаў, няхай жыве ў іх адданая любоў, каб у сведчанні зычлівасці яны апярэджвалі адзін аднаго. Няхай свае цялесныя і духоўныя слабасці зносяць цярпліва. Няхай апярэджваюць адзін аднаго ў паслухмянасці. Няхай ніхто не імкнецца да таго, што лічыць карысным для сябе, але больш да таго, што карыснае для іншага. Няхай узаемна адорваюць сябе чыстай братэрскай любоўю. Няхай баяцца Бога таму, што любяць Яго. Няхай любяць свайго абата шчырай і пакорнай любоўю. Няхай нішто і ніколі не будзе для іх важнейшым за Хрыста. Няхай Ён захоча прывесці нас разам да вечнага жыцця.

РЭСПАНСОРЫЙ
Н. Святы Бэнэдыкт, жадаючы падабацца толькі Богу, пакінуў дом і сямейны маёнтак і шукаў месца для поўнай перамены жыцця. * На самоце прабываў у прысутнасці ўсёбачнага Бога.
К. Адышоў, поўны ведаў, хоць не меў адукацыі; быў невукам, але кіравала ім мудрасць.
Н. На самоце прабываў у прысутнасці ўсёбачнага Бога.

ГІМН

Цябе, Бога, праслаўляем,
Табе, Пане, хвала вечна.

Неба і зямля спявае
Табе, Ойча векавечны.

Табе, Божа, ўсе анёлы,
3 імі Моцы і Нябёсы,

Херубімы, cерафімы
Гімн хвалы адвечны ўзносяць.

Святы, Святы над святымі
Бог магутны і ласкавы,

Над зямлёй і небам слыне
Неабсяжнасць Тваёй славы.

I Апосталы, і вучні,
Хор прарокаў, поўны хвалы,

3 імі мучанікаў лучнасць
Аддаюць Табе пашану.

У сугучным хоры льецца
Па усёй зямлі наўкола

Табе хвала з нашых сэрцаў,
Спеў святы Твайго Касцёла.

Сына з Духам суцяшэння,
Велічы Айца прамністай

Праслаўляе ўсё стварэнне, –
Валадар хвалы Ты, Хрыстэ.

Каб жа выбавіць свет цэлы
Праз свае святыя раны,

Сын Айца спрадвечны, цела
Ты прыняў ва ўлонні Панны.

Зруйнаваў Ты брамы смерці,
На крыжы ёй вырваў джала,

Каб для ўсіх, хто ў Цябе верыць,
Радасць вечная заззяла.

Праваруч Айца, у славе
Трон Твой, Збаўца наш адзіны,

Прыйдзеш зноў адтуль у яве,
Каб судзіць людскія чыны.

Грэшным Ты не дай загінуць, –
Будзь нам Збаўцам, не Суддзёю

I абмый нас ад правінаў
Дарагой сваёй крывёю.

Са святымі, ў бляску моцы
Захавай Тваіх абраных,

Пане, збаў народ Твой, просім,
Благаслаў Тваіх падданых.

Гэтую апошнюю частку гімна можна па жаданні прапусціць.

Шляхам нас вядзі бяспечным
У нябесны Ерузалем.

Цябе, Валадар адвечны,
Мы штодзённа праслаўляем.

Праз вякі гучыць няспынна
Спеў, што славіць Твае справы.

Пане, ад усіх правінаў
Захаваць нас будзь ласкавы.

Не пакінь жа свайго люду,
Божа, без Тваёй апекі.

Пану веру, дык не буду
Асаромлены навекі.

МАЛІТВА

Добры Божа, Ты даў нам святога абата Бэнэдыкта як вялікага настаўніка духоўнага жыцця, прысвечанага Богу, просім, дапамажы, каб любоў да Цябе заўсёды была ў нашым жыцці на першым месцы і каб мы з радасным сэрцам ішлі шляхам Тваіх наказаў. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

Потым, прынамсі пры супольнай цэлебрацыі, дадаецца акламацыя:

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пададзенае вышэй прапускаецца, калі гэтая Гадзіна чытаецца непасрэдна пасля Закліку.

ГІМН

Мудры настаўнік, слаўны апякуне,
Свет цябе славіць за твае заслугі,
Напоўні зноў зямлю, о Бэнэдыкце,
Святлом Хрыстовым.

Праз тваю працу народ адрадзіўся
Сярод людзей, што еднасць палюбілі,
Божы закон ты ў сэрцах іх пасеяў,
Умілаваны ўсімі.

Паклікаў ты і слугаў, і свабодных,
Каб вучнямі Хрыста іх учыніці.
І правіла святое іх з’яднала
У працы і малітве.

Кіруй народамі, о слаўны Бэнэдыкце,
Каб усе жылі ў згодзе і братэрстве,
Спазналі радасць у служэння іншым
Праз дар спакою.

Хвала хай будзе і Айцу, і Сыну,
Хвала Святому Полымю любові,
Бо адарыў цябе Бог ласкаю нязмернай
Праз ззянне ў велічы нябёсаў. Амэн.

ПСАЛЬМОДЫЯ

1 ант. Пан адарыў іх вечным святлом * і даў ім у спадчыну вечную славу.

Псальм 63 (62), 2-9
Душа, якая прагне Бога

Той з Богам, хто адкідае ўчынкі цемры

Божа, мой Божа, Цябе шукаю, *
Цябе прагне душа мая.

Маё цела па Табе тужыць *
у зямлі пустыннай, засохлай і бязводнай.

Так, у святыні я ўглядаюся ў Цябе, *
каб убачыць Тваю сілу і славу.

Бо міласэрнасць Твая лепшая за жыццё, *
вусны мае будуць хваліць Цябе.

Так, буду благаслаўляць Цябе ў маім жыцці *
і ўзнясу рукі ў імя Тваё.

Душа мая насычаецца, нібы тлушчам і тукам, *
і вусны мае славяць Цябе радасным спевам;

калі ўзгадваю Цябе на маім ложы, *
разважаю пра Цябе ў начную варту.

Бо Ты стаў маёй дапамогай, *
у цені крылаў Тваіх узрадуюся.

Да Цябе імкнецца душа мая, *
трымае мяне Твая правіца.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Пан адарыў іх вечным святлом * і даў ім у спадчыну вечную славу.

2 ант. Слугі Пана, * благаслаўляце Пана навекі.

Песня (Дан 3, 57-88. 56)
Кожнае стварэнне хваліць Пана

Хваліце Бога нашага, усе Ягоныя слугі (Ап 19, 5)

Благаслаўляйце Пана, усе стварэнні Ягоныя, *
хваліце і ўзвялічвайце Яго навекі.

Нябёсы, благаслаўляйце Пана, *
благаслаўляйце Пана, анёлы Ягоныя.

Благаслаўляйце Пана, усе воды, што пад небам, *
няхай усялякая моц благаслаўляе Пана.

Благаслаўляйце Пана, сонца і месяц, *
благаслаўляйце Пана, нябесныя зоркі.

Благаслаўляйце Пана, усе дажджы і росы, *
благаслаўляйце Пана, усе вятры.

Благаслаўляйце Пана, агонь і спёка, *
благаслаўляйце Пана, холад і гарачыня.

Благаслаўляйце Пана, росы ды іней, *
благаслаўляйце Пана, мароз і холад.

Благаслаўляйце Пана, лёд і снег, *
благаслаўляйце Пана, дні і ночы.

Благаслаўляйце Пана, святло і цемра, *
благаслаўляйце Пана, маланкі і хмары.

Няхай зямля благаслаўляе Пана, *
няхай хваліць Яго і ўзвялічвае навекі.

Благаслаўляйце Пана, горы і ўзгоркі, *
благаслаўляйце Пана, усе расліны зямлі.

Благаслаўляйце Пана, крыніцы, *
благаслаўляйце Пана, моры і рэкі.

Благаслаўляйце Пана, кіты і ўсё, што плавае ў водах, *
благаслаўляйце Пана, усе нябесныя птушкі.

Благаслаўляйце Пана, усе звяры і жывёлы, *
благаслаўляйце Пана, чалавечыя сыны.

Няхай Ізраэль благаслаўляе Пана, *
хваліць і ўзвялічвае Яго навекі.

Благаслаўляйце Пана, святары Ягоныя, *
благаслаўляйце Пана, слугі Ягоныя.

Благаслаўляйце Пана, духі і душы справядлівых, *
благаслаўляйце Пана, святыя і пакорныя сэрцам.

Благаслаўляйце Пана, Ананія, Азарыя, Місаэль, *
хваліце і ўзвялічвайце Яго навекі.

Благаславім Айца і Сына, і Духа Святога, *
будзем хваліць і ўзвялічваць Яго навекі.

Благаслаўлёны Ты на скляпенні неба, *
годны хвалы і ўзвялічаны навекі.

2 ант. Слугі Пана, * благаслаўляце Пана навекі.

3 ант. Няхай святыя радуюцца ў славе * і ўзвесяляцца на нябеснай гасціне.

Псальм 149
Радасць святых

Дзеці Касцёла, дзеці новага народу радуюцца свайму Валадару – Хрысту (Хезыхій)

Спявайце Пану новую песню, *
хвала Яму на сходзе святых.

Няхай радуецца Ізраэль у тым, хто яго стварыў, *
сыны Сіёна няхай цешацца ў сваім Валадары.

Няхай праслаўляюць імя Ягонае ў танцы, *
няхай зайграюць Яму на бубне і арфе.

Бо Пан любіць свой народ, *
пакорных карануе збаўленнем.

Няхай усклікаюць святыя ў славе, *
няхай радуюцца на ложах сваіх.

Пахвала Богу на іх вуснах, *
а двухбаковы меч – у іхніх руках,

каб адпомсціць язычнікам *
і пакараць народы;

каб звязаць ланцугамі іх каралёў, *
а вяльможаў іх скаваць у жалезныя кайданы,

каб здзейсніць над імі запісаны прысуд: *
такая хвала для ўсіх Ягоных святых.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Няхай святыя радуюцца ў славе * і ўзвесяляцца на нябеснай гасціне.

КАРОТКАЕ ЧЫТАННЕ Рым 12, 1-2
Прашу вас, браты, праз літасць Божую, аддайце вашыя целы на ахвяру жывую, святую, прыемную Богу – на разумнае служэнне вашае. І не дастасоўвайцеся да гэтага веку, але перамяняйцеся праз абнаўленне розуму вашага, каб вы пазналі, якая воля Божая – добрая, прыемная і дасканалая.

КАРОТКІ РЭСПАНСОРЫЙ
К. Сэрцы святых звернуты * да Божага закону.
Н. Сэрцы святых звернуты * да Божага закону.
К. І не пахіснуцца іхнія крокі.
Н. Да Божага закону.
К. Хвала Айцу і Сыну, і Духу Святому.
Н. Сэрцы святых звернуты * да Божага закону.

ПЕСНЯ З ЕВАНГЕЛЛЯ

Ант. да песні Захарыі: Быў чалавек дастойны, * адораны ласкаю і сапраўды благаслаўлёны, / імя яго Бэнэдыкт.

Песня Захарыі (Лк 1, 68-79)
Месія і Яго папярэднік

Благаслаўлёны Пан, Бог Ізраэля, *
бо наведаў і адкупіў народ свой,

і ўзняў моц збаўлення для нас *
у доме Давіда, слугі свайго.

Як абвясціў спрадвеку *
вуснамі сваіх святых прарокаў,

што збавіць нас ад ворагаў нашых *
і ад рук усіх, хто нас ненавідзіць.

Каб праявіць міласэрнасць да айцоў нашых *
і нагадаць пра святы запавет свой.

Прысягу, якую даў Абрагаму, айцу нашаму, *
дасць нам.

Каб, выбаўленыя з рук ворагаў, *
мы без страху служылі Яму

ў святасці і справядлівасці перад Ім *
ва ўсе дні нашыя.

А ты, дзіцятка, прарокам Найвышэйшага будзеш названа, *
бо пойдзеш прад абліччам Пана падрыхтаваць шляхі Яму,

каб даць народу Ягонаму пазнаць збаўленне *
праз адпушчэнне яго грахоў,

дзякуючы сардэчнай міласэрнасці нашага Бога,*
у якой наведаў нас Усход з вышыні;

каб асвятліць тых, *
хто сядзіць у цемры і ў цені смяротным;

каб накіраваць ногі нашыя *
на шлях спакою.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Захарыі: Быў чалавек дастойны, * адораны ласкаю і сапраўды благаслаўлёны, / імя яго Бэнэдыкт.

ПРОСЬБЫ

Праславім Хрыста, Святога Бога, і молімся, каб мы служылі Яму ў святасці і справядлівасці ва ўсе дні нашага жыцця:
Пане, Ты адзіны святы.

Ты захацеў прыпадобніцца да нас ва ўсім, апроч граху,
– змілуйся над намі, Пане Езу.

Ты паклікаў усіх да дасканалай любові,
– асвяці нас, Пане Езу.

Ты загадаў нам быць соллю зямлі і святлом свету,
– асвятляй нас, Пане Езу.

Ты пажадаў служыць, а не каб Табе служылі,
– дапамажы нам, Пане Езу, пакорна служыць Табе і братам.

Ты слава Айца і вобраз сутнасці Ягонай,
– дазволь нам, Пане Езу, убачыць Тваё праслаўленае аблічча.

Ойча наш.

МАЛІТВА

Добры Божа, Ты даў нам святога абата Бэнэдыкта як вялікага настаўніка духоўнага жыцця, прысвечанага Богу, просім, дапамажы, каб любоў да Цябе заўсёды была ў нашым жыцці на першым месцы і каб мы з радасным сэрцам ішлі шляхам Тваіх наказаў. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Трываючы ў малітве і чуванні,
калі настане трэцяя гадзіна,
з пабожным сэрцам будзем праслаўляць
славу і моц Святой Адзінай Тройцы.

Каб сталі мы жыллём Святога Духа,
які калісьці ў гэтую гадзіну
спасланы быў Апосталам з нябёсаў
як дар вялікай міласці Хрыстовай.

Той, хто стварыў нябёсаў валадарства,
цудоўным чынам свет наш упрыгожыў,
уліў у сэрцы радасць, суцяшэнне,
аздобіў усё для вечнай узнагароды.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

Ант. Хто захоўвае слова Хрыста, * у тым сапраўды дасканалая любоў.

Псальм 119 (118), 81-88
ХІ (Каф)

Мая душа журыцца па Тваім збаўленні, *
я спадзяюся на Тваё слова.

Знемагаюць вочы мае ад Твайго слова і пытаюцца: *
«Калі Ты суцешыш мяне?»

Бо хоць я стаў як мех сярод дыму, *
я не забыў Твае пастановы.

Колькі дзён яшчэ ёсць для Твайго слугі? *
Калі Ты асудзіш тых, хто пераследуе мяне?

Равы выкапалі для мяне ганарліўцы, *
што супраціўляюцца Твайму закону.

Усе Твае запаведзі – праўда. *
Дапамажы мне, калі мяне пераследуюць несправядліва.

Яны амаль не перамаглі мяне на зямлі, *
але я не пакінуў наказаў Тваіх.

Паводле міласэрнасці сваёй ажыві мяне, – *
і Я буду трымацца сведчання вуснаў Тваіх.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 61 (60)
Малітва выгнанніка

Малітва справядлівага, які спадзяецца на вечную радасць (св. Гілярый)

Пачуй, Божа, маю просьбу, *
прыслухайся да маёй малітвы.

З краёў зямлі я ўсклікаю да Цябе, *
калі знемагае маё сэрца.

Узвядзі мяне на недасяжную скалу. †
Бо Ты стаў прыбежышчам маім, *
умацаванай вежай супраць ворага.

Хачу навекі пасяліцца ў Тваім шатры *
і хавацца ў цені Тваіх крылаў.

Бо Ты, мой Божа, выслухоўваеш мае абяцанні *
і даеш мне спадчыну тых, хто баіцца імені Твайго.

Дадай дні да дзён караля, *
няхай доўжацца яго гады з пакалення ў пакаленне.

Няхай ён заўсёды пануе на троне перад абліччам Бога, *
спашлі міласэрнасць і вернасць, каб ахоўвалі яго.

Тады я буду вечна апяваць імя Тваё, *
спаўняючы дзень за днём свае абяцанні.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 64 (63)
Бог абараняе ад ворагаў

Гэты псальм найбольш паказвае муку Пана (св. Аўгустын)

Пачуй, Божа, мой голас, калі я скарджуся; *
беражы маё жыццё ад страху перад ворагам.

Схавай мяне ад зграі злачынцаў, *
ад натоўпу тых, хто чыніць беззаконне.

Навастрылі, як меч, свае языкі, †
пусцілі, як стрэлы, свае атрутныя словы, *
каб страляць з засады ў нявіннага.

Яны страляюць у яго нечакана і не баяцца, *
цвёрда трымаюцца злой задумы.

Змаўляюцца тайна паставіць пасткі, *
кажучы: «Хто нас убачыць?»

Яны задумваюць несправядлівасць, *
дасканала абдумваюць яе.

Неспасцігальныя нутро кожнага чалавека *
і ягонае сэрца.

Але Бог пусціць у іх стралою, – †
і яны нечакана паранены будуць, *
язык іхні прывядзе іх да ўпадку.

Кожны, хто іх убачыць, затрасе галавою, *
і ўсе людзі будуць іх баяцца.

Яны абвесцяць справу Бога *
і зразумеюць Яго ўчынкі.

А справядлівы ўзрадуецца ў Пану †
і будзе шукаць прыбежышча ў Ім, *
і праславяцца ўсе праведныя сэрцам.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Хто захоўвае слова Хрыста, * у тым сапраўды дасканалая любоў.

КАРОТКАЕ ЧЫТАННЕ Гал 6, 7b-8
Што чалавек сее, тое і пажне. Хто сее ў сваім целе, той пажне са свайго цела знішчэнне; а хто сее ў духу, той пажне ў духу вечнае жыццё.

К. Ён кіруе прыніжанымі ў справядлівасці.
Н. І навучае пакорных шляхам cваім.

МАЛІТВА

Добры Божа, Ты даў нам святога абата Бэнэдыкта як вялікага настаўніка духоўнага жыцця, прысвечанага Богу, просім, дапамажы, каб любоў да Цябе заўсёды была ў нашым жыцці на першым месцы і каб мы з радасным сэрцам ішлі шляхам Тваіх наказаў. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Ужо настала шостая гадзіна,
якая заклікае шчырым духам
аддаць хвалу і пакланенне Пану,
Малітвамі Стварыцеля праславіць.

Бо вернікам у гэтую гадзіну.
адкрыўся шлях праўдзівага збаўлення:
ахвяра бласлаўлёнага Баранка
і моц крыжа Ягонага заззяла.

Святло Яго – яснейшае за поўдзень.
Ён ласку сее, нібы промні сонца.
Удзячныя за наша адкупленне,
мы прымем дар Яго ў нашы сэрцы.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

Ант. Той, хто выконвае волю Айца Майго, які ў нябёсах, * увойдзе ў Нябеснае Валадарства.

Псальм 119 (118), 81-88
ХІ (Каф)

Мая душа журыцца па Тваім збаўленні, *
я спадзяюся на Тваё слова.

Знемагаюць вочы мае ад Твайго слова і пытаюцца: *
«Калі Ты суцешыш мяне?»

Бо хоць я стаў як мех сярод дыму, *
я не забыў Твае пастановы.

Колькі дзён яшчэ ёсць для Твайго слугі? *
Калі Ты асудзіш тых, хто пераследуе мяне?

Равы выкапалі для мяне ганарліўцы, *
што супраціўляюцца Твайму закону.

Усе Твае запаведзі – праўда. *
Дапамажы мне, калі мяне пераследуюць несправядліва.

Яны амаль не перамаглі мяне на зямлі, *
але я не пакінуў наказаў Тваіх.

Паводле міласэрнасці сваёй ажыві мяне, – *
і Я буду трымацца сведчання вуснаў Тваіх.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 61 (60)
Малітва выгнанніка

Малітва справядлівага, які спадзяецца на вечную радасць (св. Гілярый)

Пачуй, Божа, маю просьбу, *
прыслухайся да маёй малітвы.

З краёў зямлі я ўсклікаю да Цябе, *
калі знемагае маё сэрца.

Узвядзі мяне на недасяжную скалу. †
Бо Ты стаў прыбежышчам маім, *
умацаванай вежай супраць ворага.

Хачу навекі пасяліцца ў Тваім шатры *
і хавацца ў цені Тваіх крылаў.

Бо Ты, мой Божа, выслухоўваеш мае абяцанні *
і даеш мне спадчыну тых, хто баіцца імені Твайго.

Дадай дні да дзён караля, *
няхай доўжацца яго гады з пакалення ў пакаленне.

Няхай ён заўсёды пануе на троне перад абліччам Бога, *
спашлі міласэрнасць і вернасць, каб ахоўвалі яго.

Тады я буду вечна апяваць імя Тваё, *
спаўняючы дзень за днём свае абяцанні.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 64 (63)
Бог абараняе ад ворагаў

Гэты псальм найбольш паказвае муку Пана (св. Аўгустын)

Пачуй, Божа, мой голас, калі я скарджуся; *
беражы маё жыццё ад страху перад ворагам.

Схавай мяне ад зграі злачынцаў, *
ад натоўпу тых, хто чыніць беззаконне.

Навастрылі, як меч, свае языкі, †
пусцілі, як стрэлы, свае атрутныя словы, *
каб страляць з засады ў нявіннага.

Яны страляюць у яго нечакана і не баяцца, *
цвёрда трымаюцца злой задумы.

Змаўляюцца тайна паставіць пасткі, *
кажучы: «Хто нас убачыць?»

Яны задумваюць несправядлівасць, *
дасканала абдумваюць яе.

Неспасцігальныя нутро кожнага чалавека *
і ягонае сэрца.

Але Бог пусціць у іх стралою, – †
і яны нечакана паранены будуць, *
язык іхні прывядзе іх да ўпадку.

Кожны, хто іх убачыць, затрасе галавою, *
і ўсе людзі будуць іх баяцца.

Яны абвесцяць справу Бога *
і зразумеюць Яго ўчынкі.

А справядлівы ўзрадуецца ў Пану †
і будзе шукаць прыбежышча ў Ім, *
і праславяцца ўсе праведныя сэрцам.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Той, хто выконвае волю Айца Майго, які ў нябёсах, * увойдзе ў Нябеснае Валадарства.

КАРОТКАЕ ЧЫТАННЕ 1 Кар 9, 26-27а
Я не бягу так, нібы бязмэтна, не змагаюся так, нібы б’ючы паветра; але я суровы да свайго цела і лічу яго паднявольным.

К. Шчаслівы чалавек, якога Ты, Пане, настаўляеш.
Н. І навучаеш Тваім законам.

МАЛІТВА

Добры Божа, Ты даў нам святога абата Бэнэдыкта як вялікага настаўніка духоўнага жыцця, прысвечанага Богу, просім, дапамажы, каб любоў да Цябе заўсёды была ў нашым жыцці на першым месцы і каб мы з радасным сэрцам ішлі шляхам Тваіх наказаў. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Мінае ўжо дзевятая гадзіна,
таму з пакораю спявайма Пану.
З адданаю душою, шчырым сэрцам
праславім Бога ў Найсвяцейшай Тройцы.

Прымаючы святую таямніцу,
яе ў чыстым сэрцы захаваем.
Яе адкрыў для ўсіх Пётр у святыні
праз цуды – знак збаўлення нам ад Пана.

Таму далучым розум свой і волю
да сведчання і да вучэння
Апосталаў, што ў імя Хрыстова
вядуць нас Яго моцай да збаўлення.

Няхай Табе, о Хрыстэ наймілейшы
І Валадару кожнага стварэння,
Разам з Айцом і Духам суцяшэння
Хвала гучыць усюды і навекі. Амэн.

ПСАЛЬМОДЫЯ

Ант. Ніводнае вока не бачыла, акрамя Цябе, Божа, * што Ты падрыхтаваў тым, хто Цябе чакае.

Псальм 119 (118), 81-88
ХІ (Каф)

Мая душа журыцца па Тваім збаўленні, *
я спадзяюся на Тваё слова.

Знемагаюць вочы мае ад Твайго слова і пытаюцца: *
«Калі Ты суцешыш мяне?»

Бо хоць я стаў як мех сярод дыму, *
я не забыў Твае пастановы.

Колькі дзён яшчэ ёсць для Твайго слугі? *
Калі Ты асудзіш тых, хто пераследуе мяне?

Равы выкапалі для мяне ганарліўцы, *
што супраціўляюцца Твайму закону.

Усе Твае запаведзі – праўда. *
Дапамажы мне, калі мяне пераследуюць несправядліва.

Яны амаль не перамаглі мяне на зямлі, *
але я не пакінуў наказаў Тваіх.

Паводле міласэрнасці сваёй ажыві мяне, – *
і Я буду трымацца сведчання вуснаў Тваіх.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 61 (60)
Малітва выгнанніка

Малітва справядлівага, які спадзяецца на вечную радасць (св. Гілярый)

Пачуй, Божа, маю просьбу, *
прыслухайся да маёй малітвы.

З краёў зямлі я ўсклікаю да Цябе, *
калі знемагае маё сэрца.

Узвядзі мяне на недасяжную скалу. †
Бо Ты стаў прыбежышчам маім, *
умацаванай вежай супраць ворага.

Хачу навекі пасяліцца ў Тваім шатры *
і хавацца ў цені Тваіх крылаў.

Бо Ты, мой Божа, выслухоўваеш мае абяцанні *
і даеш мне спадчыну тых, хто баіцца імені Твайго.

Дадай дні да дзён караля, *
няхай доўжацца яго гады з пакалення ў пакаленне.

Няхай ён заўсёды пануе на троне перад абліччам Бога, *
спашлі міласэрнасць і вернасць, каб ахоўвалі яго.

Тады я буду вечна апяваць імя Тваё, *
спаўняючы дзень за днём свае абяцанні.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Псальм 64 (63)
Бог абараняе ад ворагаў

Гэты псальм найбольш паказвае муку Пана (св. Аўгустын)

Пачуй, Божа, мой голас, калі я скарджуся; *
беражы маё жыццё ад страху перад ворагам.

Схавай мяне ад зграі злачынцаў, *
ад натоўпу тых, хто чыніць беззаконне.

Навастрылі, як меч, свае языкі, †
пусцілі, як стрэлы, свае атрутныя словы, *
каб страляць з засады ў нявіннага.

Яны страляюць у яго нечакана і не баяцца, *
цвёрда трымаюцца злой задумы.

Змаўляюцца тайна паставіць пасткі, *
кажучы: «Хто нас убачыць?»

Яны задумваюць несправядлівасць, *
дасканала абдумваюць яе.

Неспасцігальныя нутро кожнага чалавека *
і ягонае сэрца.

Але Бог пусціць у іх стралою, – †
і яны нечакана паранены будуць, *
язык іхні прывядзе іх да ўпадку.

Кожны, хто іх убачыць, затрасе галавою, *
і ўсе людзі будуць іх баяцца.

Яны абвесцяць справу Бога *
і зразумеюць Яго ўчынкі.

А справядлівы ўзрадуецца ў Пану †
і будзе шукаць прыбежышча ў Ім, *
і праславяцца ўсе праведныя сэрцам.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Ніводнае вока не бачыла, акрамя Цябе, Божа, * што Ты падрыхтаваў тым, хто Цябе чакае.

Кароткае чытанне Флп 4, 8. 9b
Браты, што ёсць праўдзівае, што годнае, што справядлівае, што беззаганнае, што ласкавае, што хвалебнае, калі гэта нейкая цнота або нешта годнае пахвалы – пра гэта думайце. Чаму навучыліся, і што прынялі, і пачулі, і ўбачылі ўва мне, тое чыніце, і Бог спакою будзе з вамі.

К. Няхай усцешацца ўсе, хто на Цябе спадзяецца.
Н. І навекі радавацца будуць, а Ты паселішся сярод іх.

МАЛІТВА

Добры Божа, Ты даў нам святога абата Бэнэдыкта як вялікага настаўніка духоўнага жыцця, прысвечанага Богу, просім, дапамажы, каб любоў да Цябе заўсёды была ў нашым жыцці на першым месцы і каб мы з радасным сэрцам ішлі шляхам Тваіх наказаў. Праз Пана нашага Езуса Хрыста, Твайго Сына, які з Табою жыве і валадарыць у еднасці Духа Святога, Бог, праз усе вякі вечныя. Амэн.

К. Благаславім Пана.
Н. Дзякуем Пану Богу.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

ГІМН

Божа, Стварыцель сусвету,
Усяго, што ёсць, Валадар Ты.
Бляскам Ты дзень напаўняеш,
Ноччу даеш адпчынак.

Цела, што стомлена працай,
Хай зноў напоўніцца сілай.
Думкі хай Божымі стануць,
А скруха лечыць сумленне.

За дзень пражыты мы ўдзячны,
І перш чым ноч настане,
Молім Цябе, умацуй нас!
Да Бога гімны мы ўзносім.

Няхай Цябе сэрца славіць,
А голас Табе спявае,
Хай розум заўжды ў пакоры
Любоў Тваю праслаўляюць.

Калі змрок густы закрые
Бляск сонца, што днём кіруе,
Хай вера наша мацнее
І заззяе ўсім сярод ночы.

Просім Айца разам з Сынам,
Якія ў еднасці з Духам
Сусветам разам кіруюць
У Тройцы адзінай і вечнай. Амэн.

ПСАЛЬМОДЫЯ

1 ант. Ад усходу сонца да захаду * няхай будзе праслаўлена імя Пана.

Псальм 113 (112)
Хвалебнае імя Пана

Скінуў магутных з трона і ўзвысіў пакорных (Лк 1, 52)

Хваліце, слугі Пана, *
хваліце імя Пана.

Няхай будзе імя Пана благаслаўлёна *
цяпер і навекі.

Ад усходу сонца да захаду *
няхай будзе праслаўлена імя Пана.

Узвышаны Пан над усімі народамі, *
Па-над нябёсамі слава Ягоная.

Хто падобны да Пана, Бога нашага, *
які жыве на вышынях,

які схіляецца, каб паглядзець на неба і зямлю, †
які падымае беднага з пылу *
і са смецця ўзносіць убогага,

каб пасадзіць яго з вяльможамі, *
з князямі свайго народу.

Ён бясплодную жанчыну пасяляе ў доме *
як маці, што цешыцца дзецьмі сваімі.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Ад усходу сонца да захаду * няхай будзе праслаўлена імя Пана.

2 ант. Келіх збаўлення ўзніму * і буду заклікаць імя Пана.

Псальм 116, 10-19 (115)
Падзяка ў святыні

Праз Хрыста будзем няспынна прыносіць ахвяру хвалы Богу (Гбр 13, 15)

Я верыў нават тады, калі казаў: *
«Я моцна прыгнечаны».

Я сказаў у боязі сваёй: *
«Кожны чалавек – ілгун».

Чым аддзячу я Пану *
за ўсе Яго дабрадзействы для мяне?

Келіх збаўлення ўзніму *
і буду заклікаць імя Пана.

Выканаю свае абяцанні для Пана *
перад усім Яго народам.

Каштоўная ў вачах Пана *
смерць Яго святых.

Пане, я Твой слуга, †
Я слуга Твой, сын слугі Тваёй, *
Ты разарваў мае кайданы.

Я прынясу Табе ахвяру хвалы *
і буду заклікаць імя Пана.

Выканаю свае абяцанні для Пана *
перад усім Яго народам.

У дварах дома Пана, *
сярод цябе, Ерузалем.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Келіх збаўлення ўзніму * і буду заклікаць імя Пана.

3 ант. Езус Хрыстус прынізіў сябе, * таму Бог узвысіў Яго навекі.

Песня (Флп 2, 6-11)
Хрыстус, Слуга Божы

Езус Хрыстус, будучы ў постаці Бога, *
не скарыстаў з таго, каб быць нароўні з Богам,

але выракся самога сябе, прыняўшы постаць слугі, †
прыпадобніўшыся да людзей; *
і з выгляду стаўшы як чалавек,

прынізіў сябе, †
будучы паслухмяным ажно да смерці, *
смерці крыжовай.

Таму Бог узвысіў Яго *
і даў Яму імя па-над усялякае імя,

каб на імя Езуса схілілася кожнае калена *
стварэнняў нябесных, зямных і падземных,

і каб кожны язык вызнаваў: †
«Панам ёсць Езус Хрыстус», *
дзеля хвалы Бога Айца.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

3 ант. Езус Хрыстус прынізіў сябе, * таму Бог узвысіў Яго навекі.

КАРОТКАЕ ЧЫТАННЕ Гбр 13, 20-21
Бог спакою, які ўваскрасіў з мёртвых Вялікага Пастыра авечак, Пана нашага Езуса Хрыста, праз кроў вечнага запавету, няхай удасканаліць вас ва ўсялякай добрай справе, каб вы выконвалі Ягоную волю, робячы сярод вас тое, што падабаецца Яму, праз Езуса Хрыста, якому хвала на векі вечныя. Амэн.

КАРОТКІ РЭСПАНСОРЫЙ
К. Якія ж вялікія * Твае справы, Пане.
Н. Якія ж вялікія * Твае справы, Пане.
К. Усё Ты мудра стварыў.
Н. Твае справы, Пане.
К. Хвала Айцу і Сыну, і Духу Святому.
Н. Якія ж вялікія * Твае справы, Пане.

ПЕСНЯ З ЕВАНГЕЛЛЯ

Ант. да песні Марыі
Год А: Езус навучаў народ у прыпавесцях, кажучы: * Вось выйшaў сейбіт / сеяць зерне свaё.
Год В: Езус паклікаў Дванаццаць * і даў ім уладу над нячыстымі духамі.
Год С: Любі Пана Бога твайго ўсім сэрцам тваім, * і бліжняга свайго, як самога сябе.

Песня Марыі (Лк 1, 46-55)
Радасць душы ў Пану

Велічае душа мая Пана, *
і ўзрадаваўся дух мой у Богу, маім Збаўцу,

бо глянуў Бог на пакору сваёй слугі. *
І цяпер благаслаўляць мяне будуць усе пакаленні.

Бо вялікае ўчыніў мне Усемагутны, *
а імя Яго святое.

І міласэрнасць Яго з пакалення ў пакаленне *
над тымі, хто Яго баіцца.

Паказаў моц сваёй правіцы, *
рассеяў тых, хто пыхлівы сэрцам.

Скінуў магутных з трону *
і ўзвысіў пакорных.

Дабром галодных насыціў, *
а багатых ні з чым адправіў.

Прыняў свайго слугу Ізраэля, *
памятаючы пра сваю міласэрнасць,

як абяцаў бацькам нашым - *
Абрагаму і яго патомству навекі.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. да песні Марыі
Год А: Езус навучаў народ у прыпавесцях, кажучы: * Вось выйшaў сейбіт / сеяць зерне свaё.
Год В: Езус паклікаў Дванаццаць * і даў ім уладу над нячыстымі духамі.
Год С: Любі Пана Бога твайго ўсім сэрцам тваім, * і бліжняга свайго, як самога сябе.

ПРОСЬБЫ

Хрыстус змілаваўся над галодным народам і паказаў яму цуды сваёй любові. Памятаючы пра Яго любоў, у духу шчырай адданасці ўзнясём да Яго просьбы:
Пане, пакажы нам сваю любоў.

Вызнаём, Пане, што ўсе даброты, атрыманыя сёння намі, паходзяць ад Цябе,
– няхай не будуць яны дарэмнымі, але прынясуць плён у добрым сэрцы.

Святло і збаўленне ўсіх народаў, абарані Тваіх сведкаў, якіх Ты паслаў па ўсім свеце,
– запалі ў іх агонь Твайго Духа.

Дазволь людзям садзейнічаць стварэнню больш годнага свету
– і ахвотна адказваць на актуальныя патрэбы нашага часу.

Лекар душы і цела, спашлі палёгку хворым, будзь з паміраючымі,
– наведай і падтрымай усіх у Тваёй любові.

Далучы памерлых да ліку святых,
– імёны якіх запісаныя ў кнізе жыцця.

Ойча наш.

МАЛІТВА

Божа, Ты блукаючым паказваеш святло Тваёй праўды, каб яны маглі вярнуцца на добрую дарогу; дапамажы ўсім хрысціянам адкінуць тое, што супярэчыць іхняй веры, ды імкнуцца да таго, да чаго Ты іх паклікаў. Праз Пана нашага Езуса Хрыста, Твайго Сына, якi з Табою жыве i валадарыць у еднасцi Духа Святога, Бог, праз усе вякi вечныя. Амэн.

Потым, калі прысутнічае святар або дыякан, ён рассылае народ, кажучы:

Пан з вамі.
Н. І з духам тваім.
Няхай благаславіць вас Бог усемагутны, Айцец і Сын, і Дух Святы.
Н. Амэн.

Калі адбываецца рассыланне народу, дадаецца заклік:

Ідзіце ў супакоі Хрыста.
Н. Дзякуем Пану Богу.

Калі святар або дыякан адсутнічаюць ці калі Гадзіна чытаецца індывідуальна, то яна завяршаецца наступным чынам:

Няхай Пан благаславіць нас, абароніць ад усялякага зла і давядзе да жыцця вечнага.
Н. Амэн.

К. Божа, прыйдзі мне на дапамогу.
Н. Пане, паспяшы да мяне на паратунак.
Хвала Айцу і Сыну, і Духу Святому.
Як была спрадвеку, цяпер і заўсёды,
І на векі вечныя. Амэн. Аллелюя.

Пасля гэтага пажадана зрабіць рахунак сумлення.

ГІМН

О Хрыстэ, Ты дзень поўны бляску,
Знішчаеш цемру начную.
Ў Табе пачатак святла ёсць,
І дорыш яго Ты абраным.

Таму Цябе вельмі просім:
Абарані нас ад злога,
І адары нас спакоем,
І сілы новыя дай нам.

Калі ўжо сон нас агорне,
Хай сэрца чувае з Табою,
І верных, што Цябе любяць,
Ты захавай сваёй моцай.

Зірні на нас, Божа і Пане,
Зруйнуй усе злыя намеры
І аддалі ўсе спакусы,
Бо нас Ты крывёй сваёй збавіў.

О Хрыстэ, Уладар Наймілейшы,
Цябе, як Айца, так і Духа,
Усё, што пад небам жывое,
Няхай праслаўляе бясконца. Амэн.

ПСАЛЬМОДЫЯ

1 ант. Змілуйся нада мною, Божа, * і пачуй маю малітву.

Псальм 4
Падзяка

Пан учыніў годным здзіўлення таго, каго ўваскрасіў (св. Аўгустын)

Калі я клічу, пачуй мяне, Божа, *
справядлівасць мая.

Ты вывеў мяне з уціску; *
змілуйся нада мною і пачуй маю малітву.

Сыны чалавечыя, †
дакуль жорсткімі будуць вашыя сэрцы? *
Чаму любіце марнасць і шукаеце няпраўды?

Ведайце, што Пан учыніў цудоўным свайго вернага; *
Пан чуе, калі Яго клічу.

Дрыжыце і не грашыце; †
разважайце ў сэрцах вашых, *
на ложах сваіх і маўчыце.

Прынясіце Пану справядлівыя ахвяры *
і спадзявайцеся на Пана.

Многія кажуць: «Хто пакажа нам добрае?» *
Узнімі над намі, Пане, святло свайго аблічча!

Больш радасці Ты даў майму сэрцу, *
чым падчас багатага ўраджаю пшаніцы і віна.

Калі кладуся, спакойна засынаю, *
бо толькі Ты, Пане, дазваляеш мне жыць бяспечна.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

1 ант. Змілуйся нада мною, Божа, * і пачуй маю малітву.

2 ант. Сярод начы * благаслаўляйце Пана.

Псальм 134 (133)
Вечаровая малітва ў святыні

Хваліце Бога нашага, усе Ягоныя слугі і тыя, хто Яго баіцца, малыя і вялікія! (Ап 19, 5)

Благаслаўляйце Пана, усе слугі Пана, *
якія начамі стаіце ў доме Пана.

Працягвайце рукі вашы да святыні *
і благаслаўляйце Пана.

Няхай Пан, які стварыў неба і зямлю, *
благаславіць цябе з Сіёна.

Хвала Айцу і Сыну, *
і Духу Святому.

Як была спрадвеку, цяпер і заўсёды, *
і на векі вечныя. Амэн.

2 ант. Сярод начы * благаслаўляйце Пана.

КАРОТКАЕ ЧЫТАННЕ Дрг 6, 4-7
Слухай, Ізраэль: Пан, Бог наш, Пан адзіны. Любі Пана Бога твайго ўсім сэрцам тваім, і ўсёй душою тваёю, і з усіх сіл тваіх. Няхай гэтыя словы, якія сёння я наказваю табе, будуць у сэрцы тва­ім. Будзеш навучаць ім дзяцей сваіх і гаварыць пра іх, калі будзеш дома, падчас твайго падарожжа, кладучыся спаць і ўстаючы.

К. У рукі Твае, Пане, * аддаю я дух мой.
Н. У рукі Твае, Пане, * аддаю я дух мой.
К. Ты нас адкупіў, Пане Божа верны.
Н. Аддаю я дух мой.
К. Хвала Айцу і Сыну, і Духу Святому.
Н. У рукі Твае, Пане, * аддаю я дух мой.

ПЕСНЯ З ЕВАНГЕЛЛЯ

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

Песня Сімяона (Лк 2, 29-32)
Хрыстус – святло народаў і хвала Ізраэля

Цяпер адпускаеш слугу Твайго, Валадару, *
паводле слова Твайго, у спакоі;

бо вочы мае ўбачылі збаўленне Тваё, *
якое падрыхтаваў Ты перад абліччам усіх народаў, 

святло для асвятлення язычнікаў *
і хвалу народу Твайго Ізраэля.

Хвала Айцу і Сыну, *
І Духу Святому.

Як была спрадвеку, цяпер і заўсёды, *
і на векі вечныя. Амэн.

Ант. Захавай нас, Пане, калі чуваем, * сцеражы падчас сну, / каб мы чувалі з Хрыстом / і адпачывалі ў супакоі.

МАЛІТВА

Пане, будзь з намі ў гэтую ноч, каб з Тваёй дапамогаю мы заўтра ўсталі і радаваліся ўваскрасенню Хрыста. Які жыве і валадарыць на векі вечныя. Амэн.

Потым, нават тады, калі Камплета чытаецца індывідуальна, прамаўляецца благаслаўленне:

Ноч спакойную і смерць шчаслівую няхай дасць нам Бог усемагутны, Айцец і Сын, і Дух Святы.
Н. Амэн.

АНТЫФОНЫ НА ЗАКАНЧЭННЕ ДА НАЙСВЯЦЕЙШАЙ ПАННЫ МАРЫІ

Дзева, Маці Адкупіцеля,
брама раю нябеснага,
зорка мора й ратунак
для чалавека грэшнага.
Падтрымай люд знясілены,
што імкнецца да святасці,
Ты, што чынам дзівосным
нарадзіла Збавіцеля,
свайго святога Стварыцеля.
Прывітана анёлам, усесвятая Марыя,
барані нас ад грэху і за нас заступіся.

Або:

Вітай, неба Уладарка,
Вітай, Панна анёлаў,
Вітай, Ружа і Брама;
Яснасць свету дала Ты.
Цешся, Панна хвалебная,
Па­над усё прыгажэйшая,
Вітай, Маці нябесная;
Заступіся за нас Ты.

Або:

Вітай, Каралева,
Маці міласэрнасці,
жыццё, асалода і надзея наша, вітай!
Да Цябе звяртаемся мы, выгнаннікі, дзеці Евы.
Да Цябе ўздыхаем, стогнучы і плачучы
ў гэтай слёз даліне.
Дык звярні на нас, Заступніца наша,
Твае міласэрныя вочы.
І Езуса, благаславёны плод улоння Твайго,
з’яві нам пасля выгнання гэтага.
О ласкавая, о літасцівая,
о салодкая Панна Марыя.

Або:

Тваёй абароне аддаемся,
Святая Багародзіца,
У нашых патрэбах
Не пагарджай маленнем нашым.
І ад усялякай злой прыгоды
Выбаўляй нас заўсёды,
Панна хвалебная і благаслаўлёная.
О пані наша, Апякунка наша,
Суцяшальніца наша, Ты Заступніца наша,
З Сынам сваім нас паяднай,
Сыну свайму нас даручай,
Сыну свайму с аддавай.